I dag hittum við Jórunni Einarsdóttur á zoom og þar var spurningin Af hverju ekki Ísland? þar sem hún er innflytjandi í Danmörku. Hún flutti ásamt fjölskyldunni til Kaupmannahafnar árið 2015 þar sem hún fór í nám. Þau búa þar enn og hún ræðir við okkur um áskoranir sem þau tókust á við þegar þau fluttu til nýs lands. Jórunn rekur nú fyrirtækið Katla - kennsla og ráðgjöf.

Tina Merethe er viðmælandi dagsins. Hún er af dönsk-grænlenskum uppruna en hefur búið á Íslandi í mörg ár. Hennar fyrstu kynni af Íslandi voru þegar hún var fimm ára þegar pabbi hennar var við störf hér í Eyjum árið 1971. Hún flakkaði milli Danmerkur, Grænlands og Íslands þar til hún settist alfarið að í Vestmannaeyjum þar sem hún starfar sem hjúkrunarfræðingur.

Monika Katarzyna flutti til Íslands frá Póllandi árið 1995. Ævintýramennska kom henni til Íslands og ætlaði hún sér að vinna og vera á landinu í 6 mánuði. Síðan eru liðin mörg ár og Monika er hér enn, búin að eignast fjölskyldu, mennta sig og búa sér líf fjarri heimahögunum.

Joanna er forstöðukona Ráðgjafarstofu fyrir innflytjendur, sem m.a. rekur vefsíðuna newiniceland.is 

Joanna er upprunalega frá Póllandi og hefur búið á Íslandi lengi. Við ræðum um störf hennar hjá Ráðgjafarstofunni ásamt því að heyra um hennar bakgrunn.

Jasmina er frá Bosníu. Magnað viðtal um stelpu sem upplifði stríð, einelti og heimilisleysi. Jasmina vinnur hjá Reykjavíkurborg í fjölmenningarmálum og frásögnin hennar um lífið hennar og allt sem fylgdi erfiðum tímum er mögnuð. 

Madzia flutti til Ísland frá Póllandi á leikskólaaldri, fór aftur til Póllands og kom svo aftur. Hún segir frá sinni reynslu sem barn. Madzia stundaði nám í Grunnskóla Vestmannaeyja og er núna í Framhaldsskólanum í Vestmannaeyjum á vélstjórabraut. 

Eliza Jean Reid forsetafrú og kona af erlendum uppruna kemur í spjallið til okkar. Eliza er frá Kanada og segir okkur frá heimalandinu sínu, aðlögun á Íslandi o.fl.

Evelyn kemur frá Sviss, hefur búið í Reykjavík, á Flúðum og í Vestmannaeyjum. Evelyn starfar sem kennari og er heilluð af Írlandi en kom til Íslands í skiptinám. Hún er klárlega tungumálamanneskja og hefur skemmtilega sögu að segja. 

Jaqueline Cardoso da Silva : Jackie elti ástina til Íslands alla leið frá Brasilíu. Hún byrjaði sinn búskap í Fljótsdal, millilenti í Reykjavík en býr nú í Eyjum.

Marcin Zaborski: Marcin er tvítugur en flutti til Íslands með foreldrum sínum aðeins 7 ára gamall. Hann segir okkur frá uppvexti sínum í Eyjum.