Jón Ólafsson (1850-1916) átti einna umbrotamestan feril íslenskra blaðaritstjóra á seinni hluta nítjándu aldar og í byrjun hinnar tuttugustu. Ritsjóraferillinn hófst þegar hann var
innan við tvítugt. Hann var gríðarlega stórorður um Dani og umboðsmenn þeirra hér og varð tvívegis að flýija land af þeim sökum. Um skeið var hann í Ameríku og hvatti þá til að
Íslendingar myndu nema land í Alaska, en ekki varð úr því. Jón stjórnaði mörgum blöðum og var ágætlega ritfær, skáld og þýðandi, og hafa sum kvæði hans lifað fram á þennan dag, til dæmis „Máninn hátt á himni skín". Jón Ólafsson sat á Alþingi um skeið, var oft umdeildur fyrir öfgafullan rithátt í blöðum sínum, en sagt var um hann að hann væri sjaldan leiðinlegur.