Ahalakenen misterioa ezagutuko dute Jonek eta haren lagunek. Erabaki beharko dute sekretua betirako gorde eta Basoa Fundazioarekin bat egin ala hil.

Jone eta Aitor autoz abiatu dira azken piezaren bila, nahiz eta Jonek Aitorrekiko konfiantza galdua izan. Aitorrek bere egia aitortuko dio. Ahalakenen azken pieza Arantzazuko apostoluen artean dagoela jakinda, bertara joango dira. Han, Basoa Fundazioaren gidaritzapean dauden bizkarzainak aurkituko dituzte.

Jonek Pasaiara bidaiatuko du eta Albaola Itsas Kultur Faktorian pista gehiago aurkituko ditu. Enekoren laguntzarekin, webgune ezkutu batera sartzea lortuko dute, non Pello Zabalaren audio enigmatiko bat agertuko den. Bidean, Basoa Fundazioko kideekin topo egingo du, eta horrek istorioa are gehiago korapilatuko du.

Baionako Euskal Museora eraman dute Jone azken pistek. Bertan, misterioa argitzeko pieza gehiago aurkituko ditu, eta elkarrizketa batean, ama bizirik dagoela eta Basoa Fundazioaren egiaz jakingo du. Enekok, berriz, Iratxeren koadernoan aurkikuntza berria egingo du.

Jone autobusez joango da Gasteizera, Xabier Beraza Hizkuntzalaritzan Doktore eta Irulegiko Eskuko ikertzailearekin biltzeko. Berazak bere sekretuak erakutsiko dizkio, piezak euskararen jatorriarekin zerikusia duen misterio handi baten parte direla esanez. Fournier Karta Museoan brontzezko beste pieza bat aurkituko du Jonek, baina Aitor taxilariak jarraitzen dio, Gorrotxategi izeneko pertsona ilun batekin lanean.

Jone ez da Iratxe Malkorra aurkitzeko helburua duen bakarra. Basoa Fundazioa atzetik duela, bere amak utzitako arrastoari jarraituko dio Aitor taxilariarekin batera, eta oraingoan Bilboko Euskal Museora iritsiko dira. Iratxe aurkitzeko beste pista garrantzitsu bat aurkituko dute bertan.

Bere amaren koadernoan dagoen arrasto bakarrari jarraituz iritsiko da Jone Donostiako San Telmo Museora. Bertan hasiko da, Oihana lagunarekin, Iratxek utzitako arrastoak argitzen eta Irulegiko Eskuarekin zerikusia duten beste altxor batzuk aurkitzen.

Euskal Herria Irulegiko Eskuarekin txundituta zegoen bitartean, Jone protagonistak beste misterio bat izango du argitzeko: ama non dagoen jakitea. Irulegiko indusketa-eremura joango da Jone, eta han jakingo du amaren desagerpenak askoz ilunagoa den zerbait ezkutatzen duela.

Euskaraldiarekin bat etorriz, “Ahalaken” soinu fikzioa eskaintzen dizu GUAU plataformak.Irulegiko Eskuaren misteriotik abiatuta, “Historia Unibertsalaren sekreturik handiena” argitzea helburu duen fikziozko podcast saila.Iratxe Malkorra, Irulegiko Eskua aurkitu duen arkeologoa desagertu da, eta haren alaba Jone abiatu da amaren bila. Euskal museotan gordetako pista eta sinboloek laguntzen diote.“Ahalaken” podcasta zortzi audio ataletan banatua dago eta adimen artifizialez sortutako beste horrenbeste bideok osatzen dute. Ekoizpena, Arteman komunikazioak egin du EITB Mediarentzat.