Ahots Planetaren 2. atalean, Garazi Albizua eta Idoia Carramiñana, Leire Bilbao idazle ondarrutarraren "Etxeko urak" poema liburuaren inguruan arituko dira solasean, testuaren aipamenak eginez eta ikuspegi feminista batetik aztertuz. Izan ere, lan honetan Leire Bilbaok ez du ez amatasunaren esperientzia idilikoa agertzen, ezta horren ukazioa egiten ere. Baizik eta barne-begirada batetik abiatuta, amatasunak dakartzan pozak eta minak erakusten ditu bere gordinean.

Garazi Albizua eta Idoia Carramiñanak, Juliana Léveillé-Trudel idazlearen "Nirliit" eleberriaren inguruan hitz egingo dute. Eleberrian, Salluit herrixkara lan egitera uda sasoian heldutako emakumeak, desagertutako lagun inuitari kontatzen dio zertan den hark utzitako lurraldea, zertan diren herrikideak eta zertan hain ongi ezagutzen duen iparraldeko bizimodu latza.

Harpidetu eta zabaldu lagun artean!

Ahots Planeta literatura feminista podcasta hastera doa. Hona hemen aurrerapena, Garazi Albizua eta Idoia Carramiñanak gidatua eta zuzendua. Euskal Idazleen Elkarteak eta Azkue Fundazioak ekoitzia. 

Grabaketa eta Soinu diseinua: ULU Media