Ala xa yita Isufu lee la siiboo to, xo a be mansayaa la. Woo xoo la, a xotoolu xa a fiiri ixo joŋo. A maarigi kee la musu xa xaroo laa a la, fo a bulata kasoo la. Silaŋ, joŋo meŋ be kasoo la wandi jamanoo xaŋ, ate se ke mansoo ti ba? 

Ala xa laafidoo taa Isufu yeŋ, xo a be mansayaa la, bari a xotoolu xa a taa, xa a firi ixo joŋo. A be jee. A be jee. A maarigi kee la musu ba a fee Isufu xa a ñiniŋ laañoxoyaa la. Isufu mu xamariŋ baa ti. A be muŋ ke la? 

Ala xumata Yanxuuba diŋ kee yeŋ, na a lee mu Isufu ti, xa a fo a yeŋ, xo ate lee be mansayaa la a xotoolu niŋ a faŋo baabaa kuŋ.  Woo maŋ dii Isufu xotoolu yeŋ.  Woo to, ii xa Isufu taa, xa firi ixo joŋo. Niŋ Isufu mu joŋo ti, a se ke mansoo ti ñaa dii? Ala se koori woo ma ba? 

Nn xa a je Kitaaboo xono la, xo suŋo mee moxoo kisi noo, xo a mee haali doo bo i la junubi juloo lee la. Woo to, niŋ suŋo mee moxoo kisi, muŋ nafaa ba a la? Nn be woo lee tofo la karaŋo niŋ nee to. 

Ni i la peresidaŋo xa kuŋo majigi xa naa moxoo gansaŋo yaa, i mee ñaañaa woo la ba?  Na a xa woo ke, muŋ sa a bula a la?  A faŋo ŋannee ñimmaa te? Woo to, ni i se ñaañaa peresidaŋo ma kuwo woo lee xaŋ ma, niŋ Ala xa a ke duŋ?   

Ala niŋ jalaŋfeŋolu be talaaliŋ ñaa dii?  Nn be woo lee je la karaŋo niŋ nee to. Na a maŋ ke woo ti, nn be suŋo fanaŋ tofo la, xa a je, woo xoto mu meŋ ti.

Siirati siloo be ñaa dii?  A taxamoo xa xuu ba? I xa a loŋ, niŋ Ala la kuwo be garanteliŋ, niŋ Ala xa ñiŋ, a se siloo labo, moxoo be sika la meŋ to ba? Fo a be sila garanteliŋo labo la? 

Anabi Nsiyaxa xa diŋ fula soto.  A diŋ foloo, baawoo a jututa Ala ma, xa jutu Ala la gullo baa ma, a tuŋ se meŋ soto, a maŋ woo soto.  Bari, doxoo, na a lee mu Yanxuuba ti; bari doxoo, baawoo ate xa fangoo dii Ala la Yamaroo la, xa fangoo dii Ala la gullo baa la, ate xa a baabaa kee taa.  

Nsiyaxa xono tofilita waxatoo meŋ, a xa a baabaa la siloo joki, a laata Ala la, xa xuma a yeŋ.  Awa.  Nsiyaxa xa meŋ ke, a musu Erebeka, xa woo ñoxoŋ ke, a xono tofilita waxatoo meŋ. Woo keliŋma, Ala xumata a yeŋ.  Ilaŋ nn xa a mee, Ala xa meŋ fo a yeŋ. 

Anabi Iburayima la diŋ soto kuwo keta ñaa meŋ, Nsiyaxa taa fanaŋ keta woo ñaa lee.  A meeta, a musu maŋ wuluu.  Silaŋ, Nsiyaxa be muŋ ke la, fo a musu Erebeka se wuluu?