Ala xa laafidoo meŋ taa, kabiriŋ nn bemba Haadama xa a soosoo; A xa meŋ tobanbaŋ Iburayima yeŋ, a niŋ Nsiyaxa a niŋ Yanxuuba; A xa woo fanaŋ tobanbaŋ Dawuda lee yeŋ. Woo mu lee, A be siloo bo la haadamadiŋolu bee yeŋ fo ii bee kiliŋ kiliŋ si i soto kiitoo la ñaa meŋna Dawuda fanaŋ bulu.  Niŋ meŋ laata woo la, xa a loŋ, xa a fo, xo ate faŋo mu junubi keelaa ti, xo a miya a faŋ kisi noo, xo haadamadiŋ kutaŋ miya ke noo, xo Ala kiliŋ sa a noo, xa a ke, Ala xoo, xo a se woo tigoo laanayaa muta, xa a kisi. 

Ala faŋo tuŋ be mansayaaliŋ Isirayilangoolu kuŋ na, bari ii tuŋ ba a fee mansoo xa sigi ii kuŋ na, ii ñaa se meŋ je.  Woo ñaa ma, ii xi i baŋ Ala la mansayaa to, fo niŋ haadamadiŋo se sigi ii kuŋ na. Xa tara, Ala tuŋ xa a loŋ nee, xo ii be woo lee ke la, kabiriŋ a maŋ haali Anabi Iburayima kili foloo.  

I xa a loŋ, Anabi Dawuda maamaalu tuŋnu mu meŋnu ti ba?  Karaŋo niŋ nee to, i be woo lee lamee la, xa a faamu.  I sa a tara, iiŋ te Isirayilanga ti. 

I sa a tara, Isirayilangoolu la Kanaŋ sigoo xoo la, ii boyita jee jamani moxoolu la ala fuuliŋolu batu la....Ni ii xa woo ke doroŋ, Ala se kiitoo laa ii xaŋ, bari ni ii xi i lasaagi, A se doo lawuli meŋ se ii labo woo kiitoo xoto. Woo baxoo woo lee be kiitoo tege la...  

Awa. Niŋ n be Tawureta karaŋo fo la xuma daŋtaŋ na, woo mu niŋ nee ti.  Niŋ Ala soŋta, ñaa to, ntelu be tambi la ñaa, xa doo karaŋ Kitaaboo to meŋ safeeta Tawureta xoo la. Niŋ Isirayila be duŋ na Kanaŋ jamanoo xono, xa sigi jee lee, nn be woo je la.  Niŋ Isirayila be Ala batu la toŋñaa xaŋ, nn be woo fanaŋ je la. Ala xa Anabi Musaa bula ñaa to kuwo meŋ safee la, niŋ woo be ke, fo woo te ke la, nn be woo fanaŋ je la Sosuwe la Kitaaboo xono la. Iyo.  Sosuwe la Kitaaboo. Ala xa ate ñaa latomboŋ xa ke a la kiilaa ti, Anabi Musa la saayaa xoo la. Woo lee mu.

Niŋ moxo be kisi la jahanama kitoo ma, fo xa muŋ ke? I xa a loŋ, moxoolu be ii ñoxoŋ soosoo xaŋ tuma bee; woo to, nn se toŋñaa loŋ ñaa dii? Nn sa a loŋ ñaa meŋna, xuma woo xuma, na aŋ te bendiŋ Kitaaboo ma, a keŋ te toŋñaa ti.