Në këtë episod flas për nevojën për të bërë një detoks mendor dhe shpirtëror si dhe për nevojën që të shohim qartë dhe drejtë cilat janë ato gjëra që vërtet duhet të jenë prioritet i yni. Por, dhe kjo është shumë e rëndësishme, për nevojën që të shprehim atë që vërtet e kemi në zemër dhe në shpirt. Për mua, të shprehësh gjërat që janë të vërteta në zemrën dhe shpirtin tënd, nuk do të duhej të shihej si guxim, por si një demonstrim sinqeriteti.Dëgjim të këndshëm dhe mos harroni që këtë episod t’ua rekomandoni miqve tuaj.Të gjithë ata që përdorin Iphone ose Ipad, podcastin tim mund ta gjeni edhe te Apple Podcasts.

Sa shume lidhje janë fundosur nën ankthin e pyetjeve “ku je?”, “pse nuk je në shtëpi” dhe budallallëqeve tjera me të cilat e kemi ushqyer njëri-tjetrin. Me siguri që ata, që deri dje ishin të obsesionuar me dëshirën që ai/ajo të ishte përherë në shtëpi, tani janë të qetë e të lumtur, pasi që kjo pandemi na ka mbyllur të gjithëve.Në këtë episod, Albatros Rexhaj përpiqet të zbërthejë të gjithë kotësinë prapa këtij fiksimi nga jeta jonë para pandemisë, që njeriun e zemrës ta mbajmë sa më të kufizuar, mundësisht tërë kohën të mbyllur në shtëpi dhe ju fton që të gjithë, kush më shumë e kush më pak, ta shfrytëzojmë këtë kohë dhe që të shërohemi nga këto fiksime të ankthshme.Një episod që patjetër duhet t’ua rekomandoni miqve tuaj.Dëgjim të këndshëm.

Sa më mungon,madje edhe sikur vetëm të më bësh me nerva, të zihemi e të kalojmë mbrëmjen plot inat,dhe më pas të injorojmë njëri-tjetrin klubeve, duke u shtirur se vazhdueshëm po hasemi ashtu krejtësisht rastësisht,më mungon të pajtohemi ashtu siç dimë vetëm unë dhe ti, si dy të çmendur që nuk munden pa njëri-tjetrin,Më mungon ti. Një episod i tëri kushtuar mallit që ndiejmë për njerëzit që sot nuk mund t'i takojmë.

Deri dje, dashuria në distancë na dukej një koncept mjaft i çuditshëm, madje edhe habiteshim si mund ta bënin disa. Askush nuk e mendonte se një ditë do të mund të zgjoheshim në një botë ku pikërisht ky tip dashurie është mbase forma e vetme për shumë çifte.Në këtë episod, Albatros Rexhaj ndan disa nga mendimet e tij për të tejkaluar vështirësitë e kësaj sfide.Dëgjim të këndshëm.

Mendo për njeriun që e dashuron fort dhe tani imagjino situatën ku ky njeri është infektuar me Corona Virus. Çfarë do bëje ti? Do të rrije me të apo do të ndaheshe të qëndroje veçmas?Për këtë episod jam frymëzuar nga shumë histori, për të cilat kam lexuar së fundmi, të çifteve të ndryshme që kanë refuzuar të ndahen nga njëri-tjetri përkundër rrezikut të madh që sjell kjo epidemi. Disa ia kanë dalë të jenë fitimtarë, por disa edhe kanë pësuar.Çfarë do bëje ti, sikur të ishe në një situatë të tillë?Kjo është pyetja bosht e këtij episodi këtu në podcastin tim.Dëgjim të këndshëm si dhe i pres komentet dhe mendimet tuaja.

Në këtë episod, i zbërthej mendimet e mia prapa këtyre vargjeve të mia, të publikuara së fundmi në faqen time në Instagram:“Më duhesh ti,ti që më bën me nerva,ti që m’i vonon mesazhet,ti që bën drama nga hiç gjë, më duhesh ti,ti që më mbush shpirtin edhe atëherë kur nuk je.” Jam shumë i bindur se historia prapa këtyre vargjeve është një nga ato histori që, së paku një herë në jetë, e kemi provuar të gjithë.Dëgjim të këndshëm!

Janë disa njerëz që mendojnë se mund të bëjnë çfarë të duan dhe se gjithnjë mund t’ia hedhin me një “më fal”. Albatrosi thotë se njeriu që dashuron fal, fal një herë, fal dy herë, fal shumë herë, por ndonjëherë vjen ajo situata kur zemra e dashuruar zhgënjehet aq shumë saqë më as edhe një milion “më fal” nuk mjaftojnë. Në këtë episod, shkrimtari Albatros Rexhaj shpjegon frymëzimin dhe kontekstin prapa vargjeve të tij të publikuara së fundmi:“.. sikur vetëm ta kuptonte,ti nuk je dëshpëruar,je e zhgënjyer,dhe kjo nuk kalon më një thjesht“më fal”.”

“Sa i hollë është kufiri mes urrejtjes dhe dashurisë.Në ankthin e dhimbjes klith: Të urrej, sepse nuk mund të dashuroj askënd tjetër.”Këto vargje, fragment nga libri “Zonja Z”, gjegjësisht tema e konfliktit në mes të ndjenjës së dashurisë dhe asaj të urrejtjes, janë pikënisja e episodit të shtatë këtu në podcastin e shkrimtarit Albatros Rexhaj, realizuar ekskluzivisht për Revista Class në Tiranë.Vallë e urrejmë vërtet apo kjo urrejtje është vetëm një stad i ri i ndjenjave të dashurisë që kemi për personin që na ka thyer zemrën?Ky episod është një audio editorial të cilin patjetër duhet t’ua rekomandoni miqve tuaj.

“Kur dashuron nuk mundesh thjesht të heqësh dorë dhe të shpëtosh. Jo, dhimbja e dashurisë është si një grip i keq që nuk të lëshon pa e bërë të veten, pa të konsumuar tërësisht, pa ta nxjerrë edhe yndyrën e nënës nga shpirti”, ky fragment nga libri KTHIMI i Albatros Rexhaj e pasqyron këtë episod në podcastin e shkrimtarit Albatros Rexhaj.Një audio editorial tërësisht spontan mbi vërtetësinë e dhimbjes që ndiejmë atëherë kur na thyhet zemra, por edhe mendime mbi atë se si mund ta menaxhojmë këtë dhimbje.

Episodi i radhës në podcastin e shkrimtarit Albatros Rexhaj, punuar ekskluzivisht për Revistën Class, është frymëzuar nga një detaj interesant i rrëfimit “Përbindëshi i rrumbullakët”, shkruar nga Alberto Moravia: pse vrapojmë pas dikujt edhe pse e dimë që ai/ajo do të na refuzojë?Albatros Rexhaj pyet: pse njerëzit bëjnë indiferentin, edhe pse mbase një ditë më herët keni kaluar një histori të jashtëzakonshme? Pse jemi ata që gjithnjë e bëjmë hapin e parë, pse shkruajmë të parët, pse nuk mund të përmbahemi? Dhe më e rëndësishmja, pse me vetëdije e poshtërojmë veten?“Loja jonë me nervat e zemrës” është po ashtu titulli i një poezie që Albatros Rexhaj e ka shkruar javët e fundit dhe që po ashtu është përfshirë në këtë audio editorial, tërësisht spontan, ashtu siç është edhe dashuria, e pa plan dhe pa paramendim.