Alhoebekker

Sanger en liedjieskrywer Amanda Strydom het onlangs 'n Facebook-inskrywing met foto's van haarself geplaas van hoe sy op 50, 60 en nou op 63 lyk. Sy vertel vir Amore Bekker hoe sy haar self sien, en hoe sy sorg dat sy gesond is.

Opvoedkundige sielkundige Quintin Adams praat oor die kompleksiteit van 'n saamgestelde gesin. Hy verduidelik hoe om 'n situasie te hanteer waar 'n stiefma 'n kind afjak deur te sê sy is nie die kind se ma nie.

Beverly erken sy is verlief op iemand wat sy nie kan kry nie. Shoki moet help!

Perdegedragskenner Malan du Toit praat oor die wese van 'n perd.

Iegshaan Small wil die beeld van Mitchells Plain verander. Hy het 'n roomysbesigheid begin met die naam, Vannie-Plain. Die verskillende geure se name kom van die agt verskillende woonbuurte innie plein, soos Rocky Rocklands.

Annelie Botes sê jy moet 'n kans vat om jou skuld te erken in 'n saak wat skeefgeloop het.

Kliniese sielkundige Elna Steenkamp vertel hoe jy jouself kan definiëer.

Colette en antie Mavis ontmoet in die hoofstraat, en besluit om die leivore te reinig van plastieksakke, maar dan kry sy 'n beter plan!

Kardoesie sit sonder werk, want Colette doen nou “front of house.” Hoe gaan hy oor die weg kom? Dan is daar 'n klop aan antie Mavis se deur...

Antoinette Pienaar vertel van Roag, die kluisenaarkat.