Еўрапейскі саюз ухваліў 19-ы пакет санкцый супраць Расіі. І як звычайна, закранулі яны і Беларусь — пад новыя санкцыі ЕС трапілі беларускія "дочкі" расійскіх банкаў Альфа Банк, Сбер банк і ВТБ Беларусь. Што праўда, адмова краінамі ЕС ад расійскіх энерганосьбітаў расцягнутая ў часе на некалькі гадоў. Затое Трамп гэтым разам даволі хутка расчараваўся ў Пуціне і наступствы гэтага расчаравання таксама былі хуткімі — Украіна атрымала дазвол біць заходняй зброяй углыб Расіі, а ЗША ўвялі свае санкцыйныя абмежаванні. Ну, і з Сі пагаварыць аб скарачэнні пакупкі Кітаем расійскай нафты Трамп абяцаў. А Беларусь… як мінімум пра “вялікую здзелку” з Лукашэнкам ад Трампа нічога не чуваць.

Якім чынам у ЕС атрымалася ўзгадніць і ўхваліць 19-ы пакет санкцый супраць Расіі і на які эфект ад яго чакаюць? Чаму Трамп не адказвае на прапанаваную Лукашэнкам “вялікую здзелку” і ці можа гэтая ініцыятыва Мінска сарваць існуючыя на сённяшнім узроўні перамовы па вызваленні палітвязняў? Ці надоўга хопіць расчаравання Трампа Пуціным і дзе ў Еўропе беларусы могуць стварыць сваю вызваленчую армію? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам