Каляды без маянезу і фуяра ў гімне Славакіі — Еўразум за 6 студзеня | Новости Беларуси за 6 января by Euroradio

Урад Венесуэлы паабяцаў 100 тысяч долараў таму, хто дапаможа ў “паляванні” на апазіцыйнага кандыдата ў прэзідэнты на мінулых выбарах, а ў італьянскім горадзе цалкам забаранілі курэнне ў грамадскіх месцах.

Пра гэта ды іншае чытайце ў нашай штодзённай рубрыцы “Іх норавы”.

Новы год без Санты і праграма Канапацкай — Еўразум за 3 студзеня | Новости Беларуси за 3 января by Euroradio

Намеснік кіраўніка лукашэнкаўскай адміністрацыі заявіў, што ў 2024 годзе “ўдалося выканаць большасць ключавых эканамічных паказчыкаў, такіх, як ВУП, даходы насельніцтва, інфляцыя і іншых”. Чыноўнік пахваліў вытворчыя прадпрыемствы, якія летась “добра спрацавалі”. Праўда, забыўся ўдакладніць, што найперш дзякуючы працы на расійскую “ваенку”. Што дало рост заробкаў і добрыя паказчыкі ў гандлі. Але адметна, што павялічылася і запазычанасць насельніцтва перад банкамі: беларусы шмат бралі крэдытаў і ўжо вінныя банкам 25,5 мільярда рублёў. Што непакоіць Нацбанк. Беларусаў жа пасля пераднавагодніх скачак курсу валют непакояць паводзіны долара і еўра ў 2025 годзе…

Чаго чакаць ад 2025 года беларускай эканоміцы і ці ўсё так добра з эканамічнымі паказчыкамі паводле вынікаў года 2024-га? Хто найбольш пацярпіць ад спынення транзіту расійскага газу праз Украіну ў Еўропу і пры чым тут Беларусь? Што будзе ў новым годзе з заробкамі, працоўнымі мігрантамі і курсам валют? Гэтыя ды іншыя эканамічныя тэмы абмяркоўваем у жывым эфіры Еўрарадыё раз на два тыдні з эксперткай у сферы дзяржаўнага кіравання і міжнароднага развіцця, магістаркай эканомікі Алісай Рыжычэнка.

Па статыстыцы Памежнага камітэта, з 15 красавіка 2022 года Беларусь наведалі 586 382 літоўцы. За гэты ж час грамадзяне Беларусі перасяклі мяжу з Літвой каля 5,5 млн разоў. Гэта, у прынцыпе, усё, што трэба ведаць пра эфектыўнасць беларускага "бязвізу".

Абмяркоўваем гэта ў стрыме з блогерам і палітыкам Аляксандрам Кныровічам. Таксама пагаворым пра правал беларускага "бязвізу", "дзіравы" плакат Алега Гайдукевіча і навагоднія звароты Лукашэнкі і Ціханоўскай.

З надыходам 2025 года Беларусь пераняла эстафету старшынства ў ЕАЭС, а Польшча — у ЕС. Апроч таго, завяршыўся ледзь не самы дзіўны аспект расійска-ўкраінскай вайны: да апошняга моманту праз Украіну бесперашкодна паступаў у асобныя краіны Еўрасаюза расійскі газ. Набываючы які, еўрапейцы фактычна спансаравалі расійскую ваенную машыну. “Адышла эпоха” — Украіна не працягнула транзітнае пагадненне з “Газпрамам”, і той спыніў пастаўкі. Спадабалася гэта не ўсім. На гэтым фоне Лукашэнка запрасіў прэм’ера Славакіі Роберта Фіцо да сябе ў госці.

Чаго чакаць ад старшынства Польшчы ў Савеце Еўрапейскага саюза і ці варта нечага чакаць ад старшынства Беларусі ў ЕАЭС? Адкуль прыйдзе замена расійскаму газу і як гэтае спыненне паставак уплывае на настроі еўрапейцаў? Што адметнага было ў навагодніх віншаваннях Ціханоўскай і Лукашэнкі, ці прыслухаюцца ў Мінску да просьбы Пазняка і што стаіць за словамі Зяленскага пра Беларусь? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

2 студзеня ў эфіры Еўрарадыё — толкіназнавец, перакладчык, антраполаг і релігіязнаўца Андрэй Строцаў.

Беларусы любяць параўноўваць сябе з хобітамі — народам, які вельмі моцна прывязаны да свайго кавалачку зямлі, да сваёй сям’і, гаспадарлівых “тутэйшых”, для якіх важнае тое, што адбываецца побач з імі, і якім не цікавае ўсё, што здараецца за “далёкім лесам”. Вось толькі і сама Беларусь спрадвеку, у адрозненні ад Шыра, стаіць на перакрыжаванні гісторыі, і беларусы вымушаныя не толькі адрываць вочы ад любімых градак, але і бараніць сваю зямлю ад чужынцаў. І бараніць — а як на сённяшнюю сітуацыю, то і вызваляць — сваю Айчыну нам яшчэ давядзецца. Гэтак жа, як і Фрода з сябрамі па іх вяртанні з Мордара, перакананы Андрэй Строцаў.

Пра тое, як на наш менталітэт уплывае наша “тутэйшасць”, чаму беларусы не толькі хобіты, але і эльфы, і гномы, і людзі, і нават оркі адначасова і ці гатовыя мы змагацца за сябе, сваю ідэнтычнасць і сваю радзіму, мы і разважаем у праграме “Ідэя Х” з Андрэем Строцавым.

Віншаванні ад Еўрарадыё і Святланы Ціханоўскай — Еўразум за 31 снежня | Новости за 31 декабря by Euroradio

Факапы дэмсіл і кіно года — Еўразум за 30 снежня | Новости Беларуси за 30 декабря by Euroradio

Тры гады, як з Чырвонага касцёла святары і вернікі былі выгнаныя лукашэнкаўскім рэжымам. Напрыканцы 2024 года была агучаная сума, якую вернікі мусяць сплаціць за карыстанне святыняй: 148 тысяч рублёў. Але гэта не зашкодзіла новаму настаяцелю парафіі Святых Сымона і Алены Францу Рудзю ў інтэрв’ю прапагандысцкаму інфарм-агенцтву назваць Беларусь “сучасным Віфлеемам”. Маўляў, у Віфлееме, дзе некалі нарадзіўся Ісус, цяпер вайна і бегаюць людзі з аўтаматамі, а Беларусь стала новым Віфлеемам — “домам міру і братэрства”.

Як для святароў і вернікаў прайшоў 2024 год у “новым Віфлееме” і што такое братэрства па-лукашэнкаўску? Ці варта чакаць, што праваслаўная царква ў Беларусі стане часткай сілавых структур Лукашэнкі і як да гэтага паставяцца вернікі? Чаму Ватыкан пайшоў на дыпламатычную супрацу з Мінскам? Пра гэтае і шмат што іншае мы і разважаем у жывым эфіры Еўрарадыё з тэалагіняй, эксперткай у галіне рэлігіі, палітыкі і праваабароны Наталляй Васілевіч.