Трамп, спачатку анансаваўшы самы магутны ўдар па Іране пасля Другой сусветнай вайны, ізноўку яго адмяніў. Не інакш як атрымаўшы чарговую перамогу над Тэгеранам. А Рубіа вярнуўся да разваг пра хуткае аднаўленне перамоў па дасягненні міру ва Украіне — цягам 2–3 тыдняў. Ну і Коўл з Лукашэнкам абмяняліся сігналамі і прапановамі, паабяцаўшы ў чарговы раз хуткую сустрэчу. А Каардынацыйная рада прыняла рэзалюцыю аб Круглым стале ў Беларусі.

Ці вартая 17-я перамога Трампа над Іранам Нобелеўскай прэміі міру і як на гэтым фоне выглядае малюнак у сацсетках з Венесуэлай у выглядзе 51-га штата ЗША? Ці надоўга змянілася стаўленне Трампа да Зяленскага і што дае падставы Рубіа казаць пра аднаўленне перамоў паміж Расіяй і Украінай? Ці магчымы Круглы стол з удзелам дэмсіл і прадстаўнікоў рэжыму, і чаму Лукашэнку так не шанцуе з “народцам”? На гэтыя ды іншыя пытанні ў эфіры Еўрарадыё адказвае палітычны аглядальнік Віталь Цыганкоў

Пачалася ўборачная кампанія, і Лукашэнка традыцыйна заняўся любімай справай — падарожнічае па палях і прадпрыемствах рэгіёнаў і дае каштоўныя парады ўсім наўкол па ўсіх магчымых тэмах. На мінулым тыдні пашчасціла Брэсцкай вобласці. Найперш аграрыям, але і “Савушкін прадукт” не застаўся без увагі сталічнага гастралёра. Адметна, што гэтая паездка адбывалася ў час, калі, па словах кіраўніка Нацбанка Галоўчанкі, ва ўсёй “эканоміцы назіраецца аднаўленчы трэнд”. Калі не ўлічваць тыя бізнесы, якія былі нейкім чынам звязаны з расійскім Wildberries.

Чым адметныя паездка Лукашэнкі да аграрыяў Брэстчыны і яго візіт на “Савушкін прадукт”? Што за “аднаўленчыя трэнды” назіраюцца ў эканоміцы, і чаму да гэтага часу не запрацаваў склад Wildberries у Беларусі? Ці варта чакаць у Беларусі вялікую колькасць працоўных мігрантаў, і якімі сігналамі абменьваюцца Мінск з Вашынгтонам і Бруселем? Пра гэта і шмат што іншае мы і разважаем у жывым эфіры Еўрарадыё з рэдактаркай выдання “План Б”, эканамічнай і палітычнай аглядальніцай Вольгай Лойка

Мінск, яшчэ больш бетону! — Еўразум за 31 ліпеня | Новости Беларуси за 31 июля by Euroradio

Хоць Лукашэнка і прызнае сябе суагрэсарам у вайне Расіі супраць Украіны, але наўпроставы ўдзел працягвае адмаўляць. Тым не менш, BELPOL мае дакументы, якія даказваюць, што Беларуская чыгунка, Мінабароны, Белінтэртранс былі задзейнічаны ў перакідванні расійскіх войскаў да мяжы з Украінай, а сёння расійкія ракеты “Арэшнік” у значнай ступені складаюцца з беларускіх дэталяў.

Што даказваюць выкладзеныя BELPOL дакументы пра саўдзел лукашэнкаўскага рэжыму ў нападзе на Украіну, калі Лукашэнка і так прызнае сябе суагрэсарам? Ці рэальна пагражае беларускім прадпрыемствам 21-ы пакет санкцый, і што адбываецца з рэтранслятарамі ўздоўж украінскай мяжы? Як будзе змяняцца санкцыйная палітыка ЕС і ці ўплывае на яе пазіцыя прыхільнікаў перамоў з рэжымам? На гэтыя ды іншыя пытанні ў эфіры Еўрарадыё адказвае прадстаўнік ініцыятывы BELPOL Уладзімір Жыгар

Раніцай 30 ліпеня ў Любліне гучала паветраная трывога праз ракету, якая заляцела ў паветраную прастору Польшчы. Акурат у гэты час расійскія агрэсары актыўна абстрэльвалі, у тым ліку, заходнія рэгіёны Украіны. Дзеля абароны паветранай прасторы Польшчы былі падняты ў паветра знішчальнікі і самалёт далёкага радыёлакацыйнага выяўлення, а наземныя сістэмы ППА і радыёлакацыйнай разведкі былі прыведзены ў стан высокай гатоўнасці. Гэтай жа раніцай стала вядома, што лукашэнкаўскі Мінінфарм унёс у спіс “экстрэмісцкіх матэрыялаў” сайт польскага інфармацыйнага агенцтва РАР.

Ці гатова Польшча супрацьстаяць расійскім як ваенным, так і інфармацыйным атакам, і ці не перабольшвае пагрозу з боку Беларусі міністр Сікорскі? Што хаваецца за “інфармаваннем” польскіх спецслужбаў лукашэнкаўскім МЗС і спробай “пачаць дыялог” з Варшавай пры дапамозе ЮНЕСКА? Як павелічэнне пагрозы ўплывае на адносіны польскага грамадства да беларусаў у Польшчы і дзе служба міграцыі ўбачыла паляпшэнне сітуацыі і зніжэнне рэпрэсій з боку лукашэнкаўскага рэжыму? На гэтыя ды іншыя пытанні ў эфіры Еўрарадыё адказвае польскі палітолаг Павал Казанэцкі

На гэтым тыдні нарэшце высветлілася, што стаяла за гучнымі заявамі МЗС Беларусі пра "тэракт", які беларускі актывіст нібыта рыхтаваў у Польшчы. Ніякага тэракта, вядома ж, ніхто не рыхтаваў.

А вось навіна пра тое, што Wildberries хочуць выкарыстоўваць для паставак у Расію лагістычны хаб, пабудаваны ў Беларусі, папахвае "тэрактам". Бо менавіта так называюць атакі на інфраструктуру маркетплэйса ў Расіі. Ці магчымы такі паварот падзеяў?

Гэта, а таксама візіт вечна незадаволенага Лукашэнкі на "Гарызонт" і ў палі на Берасцейшчыне, чатыры сцэнары транзіту ўлады і "Адысею", сюжэт якой нагадаў беларусам пра ўласныя прыгоды ў эміграцыі, абмяркоўваем з блогерам Аляксандрам Кныровічам.

Негераічны Адысей і мужчынская праца — Еўразум за 30 ліпеня | Новости Беларуси за 30 июля by Euroradio

Пакуль Мінск і Вашынгтон “здымаюць з ручніка” перамоўны працэс, літоўскія памежнікі працягваюць знаходзіць на мяжы з Беларуссю тунэлі, якія капаюць тыя, хто імкнецца нелегальна патрапіць з тэрыторыі нашай краіны ў Еўрасаюз. Ва Украіне ж прапануюць распачаць крымінальную справу ў дачыненні да Лукашэнкі, а ў Польшчы не выключаюць новага нападу з тэрыторыі Беларусі на Украіну альбо на нейкую з краін Еўрасаюза.

“Здымаюць з ручніка” ці проста спрабуюць хоць крыху зрушыць з месца застылы на паўзе перамоўны працэс паміж Мінскам і ЗША? Чаму лукашэнкаўскі рэжым не спыняе “міграцыйны шантаж” суседніх краін і чаго Мінск дамагаецца ад Варшавы сваімі паведамленнямі пра нібыта запланаваны тэракт кімсьці з беларускай дыяспары? Ці варта чакаць у Беларусі вялікую колькасць працоўных мігрантаў, і чаму ў Варшаве пачалі казаць пра ваенную пагрозу з боку Беларусі? Пра гэта і шмат што іншае мы і разважаем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Другі месяц запар золатавалютныя рэзервы Беларусі скарачаюцца. Калі на 1 чэрвеня яны складалі 15 мільярдаў 37,6 мільёнаў долараў, то ўжо праз месяц золатавалютныя рэзервы знізіліся на 881,8 мільёна. Паводле прагнозаў Нацбанка, да канца 2027 года гэты рэзерв не павінен быць ніжэйшым за 12,8 мільярдаў долараў. Але скарачаюцца не толькі золатавалютныя рэзервы: з краіны працягваюць выязджаць людзі, працоўныя мігранты ехаць у Беларусь не спяшаюцца, а вяртаць тых, хто выехаў праз пагрозу рэпрэсій, рэжым не збіраецца.

Ці паўплывае на Мазырскі НПЗ тое, што прадпрыемства трапіла ў 21-ы санкцыйны пакет, і як змяняецца санкцыйная палітыка Еўропы ў дычыненні да Беларусі? Чаму скарачаюцца золатавалютныя рэзервы і ці здолее Нацбанк выканаць свае прагнозы? Чаму працоўныя мігранты па-ранейшаму не спяшаюцца ў Беларусь і чаму так шмат людзей звальняюць за прагулы? Гэтыя ды іншыя эканамічныя тэмы абмяркоўваем у жывым эфіры Еўрарадыё з эксперткай у сферы дзяржаўнага кіравання і міжнароднага развіцця, магістаркай эканомікі, прадстаўніцай па эканоміцы і фінансах Аб’яднанага пераходнага кабінета Алісай Рыжычэнка

Сітуацыя з наданнем міжнароднай абароны ў Польшчы не становіцца больш зразумелай: палітыкі кажуць, што стаўленне да беларусаў не змянілася, а чыноўнікі міграцыйнай службы на запыты юрыстаў і журналістаў кажуць пра “паляпшэнне сітуацыі ўнутры Беларусі”. І гэта на фоне іншых праблем: ад складанасцей з атрыманнем пенсій да выбару паміж афармленнем пастаяннага віду на жыхарства і статусам доўгачасовага рэзідэнта…

Ці сапраўды заяўнікам на міжнародную абарону працягваюць прыходзіць адмоўныя рашэнні з такім абгрунтаваннем: паляпшэнне палітычнай сітуацыі ў Беларусі? Што на гэта кажа кіраўніцтва міграцыйнай службы і ці ёсць магчымасць у беларусаў пераламіць сітуацыю на сваю карысць? Як дамагчыся выплаты беларускай пенсіі ў Польшчы і як правільна выбраць паміж падачай на пастаянны від на жыхарства і статусам доўгачасовага рэзідэнта? На гэтыя ды іншыя пытанні ў эфіры Еўрарадыё адказвае магістр права, юрыстка ў галіне легалізацыі знаходжання і працаўладкавання замежнікаў у Польшчы Вольга Дабравольская