Við ræddum aðeins um mótmælin sem Herra Hnetusmjör skipulagði, fjölluðum um furðulegt fólk í Bandaríkjunum sem er með óhefðbundið "mataræði" og um feðgin sem vilja giftast, Jón Þór kemur með tillögu að lausn á hungurvanda heimsins, heimsmetahornið er á sínum stað, Dóri kom með skúbb um það þegar hann var í djúpu lauginni 2009 og svo töluðum við um breytingar á hámarkshraða á götum borgarinnar. Þetta og margt fleira í sjöunda þætti Alls ekki á ykkar vörum, missið ekki af honum!

VARÚÐ! LÉLEG HLJÓÐGÆÐI! Við lentum í smá tæknivandræðum sem uppgötvuðust ekki fyrr en við vorum búnir að taka upp en við vildum leyfa hlustendum að fá að ráða hvort þeir vildu hlusta á þáttinn eða ekki.

Við tókum meðal annars umræðuna um stóra Onlyfans málið og við komumst að því að Jón Þór er með Onlyfans aðgang og er að hugsa um að fara að selja sitt eigið efni. Við ræddum einnig um foreldrahlutverk Freyju Haralds, heimsmetahornið var á sínum stað, við spáðum aðeins í spilin varðandi flugfélagið Play og að sjálfsögðu tókum við fyrir kommentakerfið.

Allt þetta og miklu fleira í sjötta þætti Alls ekki á ykkar vörum. Missið ekki af honum!

Maður í Bretlandi bjó til sjálfbært vistkerfi í glerflösku fyrir 60 árum sem lifir enn, sóttkvíarhótelið og væl um það bar á góma, alls konar umræður um "anti-maskers" pakk og áróður þeirra, þónokkrar mannvitsbrekkur úr kommentakerfunum teknar fyrir og fyrsti styrktaraðili þáttarins kynntur, heimsmetahornið á sínum stað og margt, margt fleira sem bar á góma í fimmta þætti!

Jón Þór gleymdi að fara í buxur, hann kom með hugmynd um fjármögnun á bóluefni við covid19, eru covid próf bara samsæri til að tengja okkur öll við 5G og hvort kom á undan: hænan eða eggið? Við ræddum einnig afkomu Isavia í fyrra og heimsmetahornið er á sínum stað þar sem við ræðum meðal annars um hversu marga ælupoka sá maður sem á heimsmetið í ælupokaeign á. Myndir þú kaupa notaða úlpu fyrir 250 þúsund krónur?

Allt þetta og miklu fleira í fjórða þætti Alls ekki á ykkar vörum. Missið ekki af honum!

Er "2 girls 1 cup" menningararfur? 

Ert þú með réttan víbríng í röddinni til að geta fengið Covid?

Er líf á mars? Og hverjum er ekki drullu sama?