An der néngter Folleg vun "And One - De Basketpodcast" schwätzt de Bob Hemmen mam Georges Berna. De President vum Racing erzielt, woufir him d'Verständnis feelt, mat wéi enge Probleemer säi Veräin ze kämpfen huet a wéi et fir hie perséinlech weidergeet.

See omnystudio.com/listener for privacy information.

An der aachter Folleg vun "And One - De Basketpodcast" sinn d'Arbittesch Cathy Donckel an den Arbitter Joe Greisch zu Gaascht. Am Gespréich geet et em si perséinlech, awer och em Virurteeler, Challengen, mat deenen ee konfrontéiert gëtt an d'Rekrutéierung vu jonken Arbitteren.

See omnystudio.com/listener for privacy information.

An der siwenter Folleg vun "And One - De Basketpodcast" sinn zwee Bridder zu Gaascht. Den Derek an de Malik Wilson kommen aus enger richteger Basketsfamill. Kee Wonner also, dass d'Jonge vun engem Ex-Profi hei am Land um héchsten Niveau spillen. Am Podcast schwätzen déi zwee Arantia-Spiller iwwer d'Integratioun vun Amerikaner, déi beschte Bridderduoen aus der LBBL an hir Relatioun zu Ettelbréck.

See omnystudio.com/listener for privacy information.

Kuerz virum Start vun der neier Saison ass "And One - De Basketpodcast" zeréck aus der Summerpaus. An dëser Folleg si mam Jenny Zeyen (Tageblatt) a Jeff Kettenmeyer (RTL) zwee Experten zu Gaascht, déi zesumme mam Bob Hemmen ausféierlech iwwer all Equipe aus dem Championnat schwätzen.

See omnystudio.com/listener for privacy information.

An der fënnefter Folleg vun "And One - De Basketpodcast" erzielt de Ken Diederich, wat seng Pläng nom Meeschtertitel mam T71 sinn. Ausserdeem schwätzt de Nationaltrainer an der leschter Episode vun der Saison iwwer d'Problemer vum Lëtzebuerger Basket. De Coach verréit och, wat hie senge Spiller schnell ofgewinnt.

See omnystudio.com/listener for privacy information.

An der véierter Folleg vun "And One - De Basketpodcast" begréisst de Bob Hemmen de Jairo Delgado am Studio. Nom Aus géint Basket Esch an der Halleffinall vum Championnat ass dem Ettelbrécker seng Karriär eriwwer. Am Podcast erzielt de laangjäregen Nationalspiller, wat hien dës Saison am meeschte genervt huet. Ausserdeem schwätzt de 35-Järegen iwwert seng Roll als Politiker, Rassismus an d'Bezéiung mat enger Ex-Basketspillerin.

See omnystudio.com/listener for privacy information.

An der drëtter Folleg vun "And One - De Basketpodcast" schwätzt de Bob Hemmen mat enger vun de beschte Basketspillerinnen aus dem Land. D'Catherine Mreches huet sech mat T71 an der Finall vum Dammechampionnat géint d'Résidence duerchgesat. Am Podcast erzielt d'Nationalspillerin, wéi den Dag vum Titelgewënn war. Ausserdeem geet et ëm dem Catherine Mreches säi Beruffswonsch an e Choix, dee misst fréi getraff ginn.

See omnystudio.com/listener for privacy information.

An der zweeter Folleg vun "And One - De Basketpodcast" ass de Ben Kovac zu Gaascht. De jonke Profi verstäerkt Basket Esch bis zum Schluss vun der Saison. Am Podcast schwätzt de Nationalspiller iwwert den Doud vu senger Mamm, d'Zäit an der Arméi an d'Liewen als Profi. Ausserdeem verréit hien, wéi et em seng Zukunft steet.

See omnystudio.com/listener for privacy information.

An der éischter Folleg vun "And One - De Basketpodcast" begréisst de Bob Hemmen zwee vun de beschte Basketspiller, déi Lëtzebuerg jee gesinn huet. No dëser Saison halen de Frank Muller an den Tom Schumacher op. Am Podcast erklären déi zwee Diddelenger, wisou si ni gewiesselt sinn a wat sech an der Kabinn geännert huet. Ausserdeem mussen déi zwee Ex-Nationalspiller am Quiz beweisen, wéi gutt dass si sech kennen.

See omnystudio.com/listener for privacy information.

Ab dem 26. Mee schwätzt de Bob Hemmen vum "Luxemburger Wort" all Woch mat Gäscht aus dem Lëtzebuerger Basket. Abonnéiert "And One" fir keng Folleg ze verpassen. Méi Informatioune fannt Dir op wort.lu.

See omnystudio.com/listener for privacy information.