Fjórði þátturinn í útvarpsþáttaröðinni Árið er .... Íslensk dægurlagasaga í tali og tónum fer í loftið á Rás 2 klukkan 16.05 laugardaginn 25. maí og verður endurfluttur sunnudagskvöldið 26. maí kl. 22.05.

Meðal viðmælenda í fjórða þættinum, þar sem íslenska tónlistarárið 1986 verður tekið fyrir, eru Erla Ragnarsdóttir, Megas, Bubbi Morthens, Maggi Eiríks, Jón Ólafs, Jakob Frímann, Egill Ólafs, Eyfi, Stebbi Hilmars, Bjartmar, Raggi Sót, Þór Eldon, Einar Örn og Björgvin Halldórs.

Boðið verður upp á tóndæmi með Dúkkulísunum, Megasi, Bubba, Greifunum, Icy, Eddu Heiðrúnu Bachman, Diddú, Bítlavinafélaginu, Bjarna Tryggva, Strax, Pálma Gunnarssyni, Gunnari Þórðarsyni, Agli Ólafssyni, Eyjólfi Kristjánssyni, Mezzoforte, Sniglabandinu, Bjartmari og Pétri Kristjáns, Rauðum flötum, Bjarna Hafþóri Helgasyni, Skriðjöklum, Sykurmolunum, Sverri Stormsker, Björgvini Halldórssyni, Geirmundi Valtýssyni og fjölmörgum öðrum flytjendum sem komu við sögu hér á landi 1986.

Árið er.... Íslensk dægurlagasaga í tali og tónum er á dagskrá á laugardögum á Rás 2 og þættirnir eru endurfluttir á sunnudagskvöldum. Þar eru helstu straumar og stefnur í íslenskri tónlist til umfjöllunar og eitt ár tekið fyrir í einu, auk þess sem drepið er á helstu dægurmálum samtímans hverju sinni.

Umsjónarmaður er Gunnlaugur Jónsson og honum til aðstoðar eru Ásgeir Eyþórsson, Jónatan Garðarsson og Sigríður Thorlacius.