Voulles contar unha historia que ten como protagonista unha enfermidade do centeo, que foi a causa do ergotismo ou lume de Santo Antón. Dábase moi ben en Galicia, tanto que sustentou a moitas familias na época da fame, que o vendían as industrias farmacéuticas, a un laboratorio de Vigo do que naceu Zeltia. Fálolles do caruncho do centeo ou dentón. Así que ó longo desta hora saberemos algo máis do “claviceps purpurea”, do “ignis sacer”, da Orde Hospitalaria dos Antonianos, de Hoffman, o científico que sintetizou por primeira vez o LSD, das bruxas de Salem e do Laboratorio Miguel Servet de Vigo e o seu pan-Ergot.

Historia do corsarismo en Galicia, importante no século XIX e do pirata galego Benito Soto.

Antes do século XIX a loucura tiña que ver co demo e o mal de ollo, tamén co desequilibrio do fluídos corporais. O enfoque de cimonónico, puramente médico, achegou unha nova busca de solucións. En Galicia o manicomio de Conxo foi unha das pezas chave do tratamento psiquiátrico desde a súa inauguración en 1885.

A vida e obra desta xurista e defensora dos presos.

María Vinyals foi unha intelectual, escritora, oradora e, sobre todo, feminista nun tempo no que unha muller con ideas estaba moi mal vista. Esta é a historia da señora do Castelo de Soutomaior.

Na Segunda Guerra Mundial, o norte da Península Ibérica converteuse nunha zona estratéxica fundamental para os contendentes. Se os británicos organizaban redes de evacuación para os refuxiados que atravesaban España, os alemáns tentaban eliminalas; se Alemaña quería mercar volframio, os ingleses pagaban o triplo con tal de sacarllo das mans os alemáns. Galicia estaba chea de espías. Queren coñece-la historia? Convidados: Emilio Grandío, profesor de Historia Contemporánea da USC; Serafín Rodríguez Trashorras, investigador da historia das torres de Cospeito; M.ª Xosé Rodríguez Galdo, catedrática de Historia e Institucións Económicas da USC, coautora do estudo “O poboado mineiro de Fontao. O volframio na historia empresarial e urbanística de Galicia”; Abel Losada, profesor de Historia e Institucións Económicas da Universidade de Vigo e coautor do estudo “O poboado mineiro de Fontao.”

Sóalle-lo nome de Lola Touza? O de Eduardo Martínez Alonso? Do Evanxelista ou do Calavera? Seguramente non e, así e todo, deberiamos saber deles e honralos como se merecen porque salvaron moitas persoas que fuxían dos nazis. A fronteira con Portugal converteu Galicia nun lugar de acubillo para os que buscaban a liberdade. Os que os guiaban eran voluntarios. Esta é a súa historia. Interveñen: Vicente Piñeiro, autor da novela “Lola Touza, a Schinler galega”; José Ramón Estévez, investigador da historia das irmás Touza de Ribadavia e neto do barqueiro que as axudou; Julio Touza, neto de Lola, arquitecto en Madrid; José Luis Chao, presidente do Centro do Estudos Medievais de Ribadavia, promotor dunha homenaxe as irmás Touza; Patricia Martínez, filla do médico Eduardo Martínez Alonso que, por conta dos servicios secretos británicos, foi o responsable da fuxida do campo de concentración de Miranda de Ebro de moitos fuxidos dos nazis. Autora da obra “La clave Embassy”.

Biografía do catedrático de Matemáticas da USC, lalinés, partícipe como representante español no grupo francés que mediu o Meridiano.