Avto FM 107.7

"Meqapolis" verilişinin qonağı Qadın və Gənc Ailələrə Dəstək İctimai Birliyinin sədri Tünzalə Cavadova oldu. Efir zamanı qonaqla fəaliyyəti, gənc ailələrin üzləşdiyi maddi və mənəvi problemlər, ailədaxili zorakılığın fiziki və psixoloji formaları, münasibətlərdə etibar və qarşılıqlı anlayışın rolu, boşanmaların səbəbləri, sağlam ailə modelinin formalaşması və psixoloji dəstəyə müraciətin vacibliyi barədə danışdıq. Həmçinin zorakılıqla üzləşən qadınlara dəstək yollarını, ailələrin qorunması və ya ayrılması qərarını, eləcə də sağlam ailə qurmaq üçün evlilikdən əvvəl diqqət edilməli məqamları müzakirə etdik.

"Meqapolis" verilişinin qonağı dermatoveneroloq Quba Rüstəmova oldu. Efirimizdə qonağımızla dəri sağlamlığının qorunması, dermatoloqa vaxtında müraciətin əhəmiyyəti, mövsümi dəri problemləri, yeniyetməlik dövründə yaranan sızanaqlar və stressin dəriyə təsiri barədə danışdıq. Həmçinin dəriyə zərər verən gündəlik vərdişlər, düzgün kosmetik vasitə seçimi, SPF-dən düzgün istifadə qaydaları, gündəlik dəriyə qulluq, təhlükəli xal və ləkələrin əlamətləri, eləcə də allergiya ilə dəri xəstəlikləri arasındakı fərqlərə toxunduq.

"Birdən İkiyə" verilişinin qonağı "Hycron" yağlarının direktoru Yelmar Rəcəbzadə və elektrik Rauf Atakişiyev oldu.

"Qaydaları Pozma" verilişinin qonağı NİİM-in mətbuat katibi Ömər Xıdırov oldu. 

Podkastda bu sualların cavabını tapacaqsınız: 
Yol-nəqliyyat hadisələrinin təhlilində sürücünün yorğunluğu və yuxululuğu nə dərəcədə ciddi risk faktoru kimi qiymətləndirilir?
Sürücülər yuxulu olduqlarını hiss etdikləri halda niyə hərəkəti davam etdirirlər?
Günün hansı saatlarında sürücülərin yuxululuq səbəbindən qəza riski daha yüksək olur?

"Birdən İkiyə" verilişinin qonağı avtomobil lüklərinin təmiri üzrə mütəxəssis Samir Bəykişiyev oldu. 

Podkastda bu sualların cavabını tapacaqsınız:
Avtoyumada lükə təzyiqli su vurmaq olarmı?
Avtomobil lükü haqqında miflər və həqiqətlər nədir? 
Lük tərləməsi və su damcılaması: Nasazlıq, yoxsa təbii hal?

"Meqapolis" verilişinin qonağı XTQ-nin ehtiyatda olan baş giziri, peşəkar kəşfiyyatçı Xankişiyev Şərafəddin oldu. 44 günlük Vətən müharibəsinin iştirakçısı olan qonağımızla müharibə günlərində yaşadığı unudulmaz anlar, qələbə xəbərini aldığı zaman keçirdiyi hisslər, ailəsinin onun cəbhədə olmasından xəbərdar olub-olmaması və kəşfiyyat xidmətinin xüsusiyyətləri barədə ətraflı söhbət etdik. Eyni zamanda, bu sahədə peşəkarlığın meyarları, müharibə zamanı qarşılaşdığı ən ağır döyüşlər, 2022-ci ilin sentyabr döyüşlərinin çətinlikləri, eləcə də əvvəlki hərbi əməliyyatlarla müqayisədə 2020-ci il əks-hücum əməliyyatının taktiki, hazırlıq və mənəvi-psixoloji baxımdan fərqləri haqqında danışdıq.

"Meqapolis" verilişinin qonağı antropoloq Ülkər Allaheverdiyeva oldu. Efirdə bioarxeoloq peşəsinin maraqlı tərəfləri, bu sahəni seçməsinə səbəb olan amillər, karyerası ərzində qarşılaşdığı sirli arxeoloji tapıntılar, qədim insanların skelet və dişləri vasitəsilə onların həyat hekayələrinin, xəstəliklərinin və sağlamlıq vəziyyətlərinin öyrənilməsi, qədim insanlarla müasir insanların fiziki dözümlülük və sağlamlıq baxımından fərqləri, qədim əhalinin qidalanma vərdişləri və sağlamlıq vəziyyəti haqqında danışdıq.

"Qaydaları Pozma" verilişinin qonaqları "Hycron" yağlarının direktoru Yelmar Rəcəbzadə və elektrik Rauf Atakişiyev oldu. 
Podkastda bu sualların cavabını tapacaqsınız: 
Bazarda saxta mühərrik yağlarını orijinal məhsullardan ayırmaq nə dərəcədə mümkündür?
Sonradan quraşdırılan əlavə işıqlar, siqnalizasiya və digər elektron avadanlıqlar avtomobilin elektrik sisteminə zərər verə bilərmi?
Avtomobilə qulluq zamanı qənaət etmək istəyən sürücülər hansı məsələlərdə güzəştə getməməlidirlər?

"Birdən İkiyə" verilişinin qonaqları avtomobil mütəxəssisləri olan Elgün Xıdırov və Mübariz Salmanov ilə Alman, Yapon və Çin maşınları mövzusunda maraqlı bir debat müzakirəmiz oldu.

"Qaydaları Pozma" verilişinin qonağı NİİM-in mətbuat katibi Ömər Xıdırov oldu. 
Podkastda bu sualların cavabını tapacaqsınız: 
Bakıda skuter və digər kiçik nəqliyyat vasitələrinin iştirakı ilə baş verən qəzaların əsas səbəbləri hansılardır?
Bu qəzaların yaranmasında daha çox sürücülərin, yoxsa skuter istifadəçilərinin məsuliyyətsizliyi rol oynayır?
Skuter sürücüləri yollarda hansı əsas təhlükəsizlik qaydalarını pozurlar?