Азаттык үналгысы

Кыргызстанда уран калдыктарын сактоочу жайлар мындан 45-50 жыл мурун жабылган. Зыяндуу заттар көмүлгөн жерлер көптөн бери кароосуз калып, четиндеги тосмолору урап, бузулган жайлар бар.

Радикалдашуунун алдын алууда кыргыз өкмөтү ресурстарын кандай колдонуп жатат? Диний уюмдар жана дин өкүлдөрү менен мамлекеттин кызматташуу модели анык деп айтууга бүгүн кандай негиздер бар?

Кыргызстандын туңгуч президенти Аскар Акаев коңшу өлкөнү 30 жыл башкарган Нурсултан Назарбаевди "эгемен Казакстандын түптөөчүсү" деп баалап, анын саясий мурасына токтолду.

Шотландиядагы Глазго университетинин Борбор Азия боюнча окумуштуусу, илимдин доктору Лука Анчески бийликтен кеткен Нурсултан Назарбаевдин саясий мурасына баа берет.

Якутиядагы кыргыз диаспорасынын жетекчиси Жазбек Бекболиев кыргызстандык үч жаран кириптер болгон окуянын жалпы эле мигранттарга тийген кесепети тууралуу “Азаттык” менен болгон маегинде айтып берди.

Кыргызстанда “Кызыл китепке” кирген, башкача айтканда азайып-бараткан жаныбарлар жана канаттуулар дүйнөсүндө эмне өзгөрүүлөр бар? Сейрек кездешкен жан-жаныбарлардын миграциясы кандай? "Жашыл планета" берүүбүздө жан-жаныбарларга кантип кам көрүү керек деген суроого жооп издейбиз.

Расмий маалымат боюнча, 2018-жылы Кыргыз Республикасында корей улутундагы 17 миңден ашыгыраак жаран жашаган. Акыркы 20 жылда өлкөдөгү корейлердин саны эки жарым миңге кыскарган.

Kloop.kg сайтынын негиздөөчүсү Бектур Искендер 8-мартта жүрүштө ЛГБТ өкүлдөрү өз укугун коргоо үчүн чыкканын белгилеп, аларга карата терс реакция жасап жаткандарды, анын ичинде депутаттарды гомофобиялык көз караштардан арылууга чакырды.

"Жашыл планета” рубрикасында бир кезде «жашыл шаар» атыккан Бишкектин абасынын тазалыгына токтолобуз. Кыш түшүп, жылуулук сезону башталары менен борбор шаарды кара түтүн каптайт. Адистердин айтымында, абанын булганышына жаңы конуштагы сапатсыз курулган мештен чыккан түтүн менен шаарда автоунаалардын көбөйүшү себепкер.

Арзан желим материалдын көптүгү дүйнө жүзүн пластик таштандынын алдында калуу коркунучуна кептеди. Кургакта гана эмес океанда үйүлгөн желим дөбөлөр пайда болду. Дүйнөлүк көйгөй Кыргызстанды кыйгап өткөн жок. Бүгүн желим баштыкты жана буюмдарды ар бир айылдан көрүүгө болот. Адамзат күндөлүк турмушта эсепсиз колдонулгон пластикти кантип чектеп, жаратылышты кантип сактап калат? "Жашыл планета" берүүбүздө ушул теманы козгойбуз.