«ጀርመኖች እዚህ ደረጃ ሊደርሱ የቻሉት ቁጭ ብለዉ በመነጋገርና በመወያየታቸዉ ነዉ። ከሁለተኛ ዓለም ጦርነት በኋላ ከአፈር ከረሜላ ሰርተዉ ሃገራቸዉን እዚህ ደረጃ ላይ አድርሰዋል። ከጀርመን የምንማረዉ ተነጋግሮ መግባባት ላይ በመድረስ፤ ከሁሉ በላይ ሃገራዊ ጉዳይን ከፓርቲ ማስቀደምን ነዉ።»

አዲስ ዓመት፤ አዲስ ተስፋ የሚሰነቅበት፣ በአዲስ ዓመት በመጣ ቁጥር የዕድሜያችን ቁጥር የሚጨምርበት ብቻ ሳይሆን በኑሮ ላይም አወንታዊ ለዉጥን ለማድረግ እቅድ ይዘን የምንነሳበትም ነዉ። አዝመራዉ እንዲያሸት፣ ዉጥን እንዲሳካ፣ የጠባዉ አዲስ ዓመት ሰላም ጤናን ፍቅርንና መግባባትን ሰንቆ እንዲያልፍ ምኞት የሚገለጽበትም ነዉ።