Í samband við at barnarættindasáttmálin hevur verið til í 25 ár, er evnið í dag barnarættindi. Katrin, sum arbeiðir hjá Amnesty International greiðir frá. Victoria og Marianna, sum ganga í 6. flokki í skúlanum við Løgmannabreyt, siga sína hugsan.

Hesa vikuna í Barnaútvarpinum hoyra vit søgur, og vit hoyra um bøkur. Í vikuskiftinum verða bókadagar í Norðurlandahúsinum. Helle Thede Johansen hevur nú skrivað tríggjar bøkur um tey í 5.b. Í hesum sambandi verður skipað fyri einari spennandi skattaveiðu.

Hesa vikuna í Barnaútvarpinum, fara vit fyri tað mesta at tosa um bøkur og hoyra søgur. Bókadagar verða um vikuskiftið í Norðurlandahúsinum, og tað verður nógv spennandi at hoyra og síggja.

Men í dag fara vit at hoyra um ævintýr - tí ein spildurnýggj ævintýrabók verður løgd fram í Norðurlandahúsinum sunnudagin. Vit eru á Bókadeildini, vit hoyra brot úr ævintýri, tað er Kári Sverrisson sum sigur frá.

Hesa vikuna í Barnaútvarpinum, fara vit fyri tað mesta at tosa um bøkur og hoyra søgur. Bókadagar verða um vikuskiftið í Norðurlandahúsinum, og tað verður nógv spennandi at hoyra og síggja.

Men í dag fara vit at hoyra um ævintýr - tí ein spildurnýggj ævintýrabók verður løgd fram í Norðurlandahúsinum sunnudagin. Vit eru á Bókadeildini, vit hoyra brot úr ævintýri, tað er Kári Sverrisson sum sigur frá.

Í dag hoyra vit um evnisarbeiði, sum næmingar í skúlanum við Løgmannabreyt hava havt. Evnið var - Hoyvík. Nøkur hava arbeitt við fortíðini og onnur hava arbeitt við, hvussu Hoyvíkin sær út um 100 ár. Næmingar í 6. og 2. flokki greiða frá.

Í dag hoyra vit um orðatøk. Fyri kortum skipaði Klaksvíkar Kommuna fyri kapping um orðatøk. Endamálið var at prýða býarbussarnar í Klaksvík, og so eisini at fáa orðatøkini innaftur í gerandisdagin. Vit hoyra næmingar í 6. flokki í skúlanum við Ósánna greiða frá. Her vóru tveir bólkar í flokkinum, sum vunnu kappingina. Tey hava tosað nógv um orðatøk, tey hava stuttleika sær og gjørt nógvar kreativar og listarligar myndir til ymisk orðatøk. Rakul Ró, Sára, Minna, Rósa og Maria greiða frá.

Í dag hoyra vit næmingar, sum ganga í listaflokki í Tórshavnar Kommunuskúla, greiða frá.

Seinastu dagarnar hava vit hoyrt og sæð nógv til klovnin BUBU. Í dag er hann so á vitjan í Barnaútvarpinum, saman við vinmanninum Eyðbjørn, ið dugir væl at gera sangir, og at syngja og spæla.

Fyri kortum var Niklas Jógvan Arge innlagdur á Barnadeildini á Landssjúkrahúsinum. Her var gott at vera, og øll vóru fitt og blíð. Nú vil Niklas Jógvan savna pening inn, soleiðis at tey fáa gávur, sum tey ynskja sær. Eisini fáa tey vitjan av klovninum BUBU. Tað er stuttligt at savna inn, sigur Niklas Jógvan, sum er gestur í Barnaútvarpinum í dag.

12 ára gamla Navarana Ingvarsdóttir, greiðir frá tí at syngja í kirkjukóri. Leygarmognar fara vit at hoyra bókina - Lat eisini meg, sum er framhaldssøga í 11 pørtum. Halldóra Dam hevur skrivað bókina, og hon greiðir frá