Өнөөдрийн нэвтрүүлгээр Иохан 15-р бүлгийг үргэлжлүүлэн үзэх гэж байна. Та бид Христэд итгэж, Бурханаас уучлалыг хүлээн авснаар мөнх амийг бас Христийн дотор байх хүчийг олж авдаг гэдэг. Үүгээр дамжуулан юу хэлэх гээд байна вэ? гэхээр Христийг хүлээн авсан бол Бурханаас өгсөн авралд хариуцлагатай байх ёстой гэдгийг ойлгуулахыг хүссэн юм. Учир нь салаа мөчрүүд Усан үзмийн модтой холбоотой байснаар сайн үр жимс ургуулдаг бол бидний хувьд Христтэй хамт байснаар мөнх амийг авч, Түүний дотор байх болно. Магадгүй та Би яаж Христтэй хамт байж, Түүний дотор байх юм бэ? гэж асуух байх. Тэгвэл өнөөдрийн хичээл таныг яаж, хэрхэн хамт байж, түүний дотор байхад хөтлөг дагуулах болно. Гэхдээ би танд одоо энэ бүхнийг товчхоон хэлж өгмөөр байна. тэр юу вэ? гэвэл та бид Бурханы үгийн дагуу амьдрах. Түүний үгээр өдөр бүр өөрийгөө хооллож, Түүнтэй ойр байх. Гэм нүглээс хол байж, Бусдыг хайрлах. Христийн тушаалуудыг сахиж, Түүний үгээр амьдралаа цэвэр тунгалаг болгох юм. Ингээд өнөөдрийн хичээлээр дамжуулан эдгээрт суралцахад та бэлэн үү?

Өнөөдрийн нэвтрүүлгээр бид Иохан 15-р бүлгийн эхний 3 ишлэлийг судлах гэж байна. Энэ гурван ишлэлээр дамжуулан Бурхан бидэнд Есүс бол жинхэнэ усан үзмийн мод, харин мөчрүүд нь Есүс Христэд үнэн сэтгэлээсээ итгэдэг, түүнтэй нөхөрлөдөг Хүмүүс биднийг илэрхийлсэн юм. Гэхдээ хүн бүхэн үр жимс ургуулдаг мөчир болон амьдарч чадахгүй байна. Тиймээс Бурхан Есүс Христэд итгэхгүй, түүний нөхөрлөлөөс зугтдаг хүмүүсийг шүүж, тэднээс татгалзах болно гэдгийг сануулжээ.

Өнгөрсөн нэвтрүүлэгт бид Иохан номын 14-р бүлгийн дөнгөж эхний 6 ишлэлийг судалж, Христ бол зам, үнэн, амь болохыг мэдсэн. Харин өнөөдрийн хичээлээр Иохан номын 14-р бүлгийг үргэлжлүүлэн 31-р ишлэл хүртэл судлах гэж байна. Энэхүү хичээлээс бид Бурханы тайтгарлыг мэдрэх болно. Эзэн Есүс Христэд бүрэн дүүрнээр итгэсэн хүмүүсийн зүрх сэтгэлд ирэх тэр яруу, гайхамшигтай амар тайвны тухай мэдэж авах болно. Тэгээд Бурханыг хүлээн аваагүй хүмүүст тэрхүү амар тайвнаар хандан Бурханы хүсэл дотор хамтдаа алхацгаая.

Өнгөрсөн нэвтрүүлэгт бид Иохан номын 13-р бүлгийг судалсан. Харин өнөөдөр Иохан 14-р бүлгийн 1-6-р ишлэл хүртэл 13-р бүлэгт гарсан түүхийг үргэлжлүүлэн үзэх болно. Өөрөөр хэлбэл түүний Симон Петрт хэлдэг зүйлийн үргэлжлэлийг судланаа гэсэн үг. Библид багтсан бүлэг ном бүр Бурханы үгийг илэрхийлэхдээ гайхалтай хуваарилалтууды ашигласан байдгийг та бид мэднэ. Тийм болохоор бүлэг ном бүр нь бидэнд Библиэр дамжуулан амьдралд чиглэлээ олоход тусалсаар байдаг. Тиймээс өнөөдрийн үзэх бүлэгт Есүс шавь нартаа зориулан хэлсэн тэдгээр үгс бидэнд ч бас хамаатай болохыг хэлмээр байна. Тэр бол Зам, Үнэн, Амь мөн. Хэн ч байсан Христээр дамжилгүйгээр Бурхан эзэнд хүрч чадахгүй.

Өнөөдөр хамтдаа Иохан номын 13:17-38-р ишлэл хүртэл энэ бүлгийг дуустал нь судлах болно. Энэ хэсэгт өрнөх түүхээс бидний ойлгож ухаарах хамгийн том зүйл бол Жинхэнэ хайр гэж би боддог. Энэ хайр бол өөрийгөө золиослон, бусдын сайн сайхны төлөө өөрийгөө зориулсан Есүсийн хайр юм. Христийг дагасан та бүхний бусдаас ялгарах таних тэмдэг бол зөвхөн тэр хайр байх болно.

Өнөөдөр бид хамтдаа Иохан номын 13:1-16 –р ишлэл хүртэл судлах гэж байна. Энд өгүүлэх түүх Есүс өөрийгөө золиос болгон загалмай дээр өргөхийн өмнөх шөнө болсон үйл явдлаар өрнөдөг. Тэр үеэр Есүсийн хийсэн нэгэн сонин үйлдэл дагалдагчдыг нь үнэхээр гайхшруулсан. Есүс тэр өдөр Шавь нарынхаа хөлийг угааснаар та бидэнд илүү их зүйлийг ойлгуулахыг хичээсэн юм. Мэдээж хамгийн түрүүнд энэ үйлдлээрээ шавь нартаа хичнээн хайртай вэ? гэдгээ илэрхийлсэн. Бас Загалмай дээр өөрийгөө золиос болгон өргөнө гэдгээ урьдаас мэдүүлэхийг хичээсэн байдаг. За мөн бие биедээ даруу төлөвөөр үйлчлэх ёстойг шавь нартаа ойлгуулахыг хүссэн. Шавь нар нь тэр үед агуу болох гэсэн хүсэлд дэндүү ихээр тэмүүлсэн байж. Тиймээс Есүс тэдний энэ хүсэл Бурханы сүнстэй сөргөлддөг гэдгийг харуулахыг зорьсон. Та бид ч бас түүний хийсэн сэтгэл хөдлөм үйлдлээр энэ бүгдийг ойлгон ухаарч амьдрах хэрэгтэй.

Өнөөдөр бид хамтдаа Иохан номын 12:25-50-р ишлэл хүртэл судлах гэж байна. Өмнөх хичээлийн төгсгөлд Есүс “Хүний хүү алдарших цаг нь ирлээ” гэж хэлснээр Өөрийн үхлийг эмгэнэлт явдал гэхээс илүү жинхэнэ үр жимс төрүүлэх зам гэдгийг шавь нартаа ухан ойлгуулсан байдаг. Харин одоо үзэх хичээлээс Есүст итгэх итгэл гэдэг Түүнийг үнэнчээр дагах шийдвэр, Түүний сургаалыг сахих тууштай байдал, өөрийнхөө гэмт байдлаа хүлээн зөвшөөрөхийг хэлдэг гэдгийг ойлгож сурах болно. Энэ түүхийн үйл явц Есүс хүмүүс дунд хийсэн үйлчлэлийн төгсгөл болон өөрийн цаг руу хэрхэн ирж байгааг дүрслэн үзүүлдэг. Тэгвэл та бид Есүсийн дотор гэм нүглээ ухааран хамтдаа алхаж чадаж байна уу? Магадгүй сайн сайхан амьдралын төлөө багахан худлаа хэлж, юм хумслахаа болох л зүйл гэж бодож байгаа бол түр азнаад чин сэтгэлээсээ гэмээ ухааран Есүс дотор алхахад тань “Библийн хуудсаар” нэвтрүүлэг танд туслах болно.

Өнөөдөр бид хамтдаа Иохан номын 12:1-24-р ишлэл хүртэл судлах болно. Бид амьдралынхаа туршид зарим зүйлсийг хамгийн чухалд тооцож, тэр л үнэн зөвөөр амьдрахыг хичээцгээдэг. Тухайлбал: Таны амьдралын тэр үнэт зүйл нь юу вэ? Магадгүй Ээж аав, гэр бүл, үр хүүхэд, хүн болсны утга учир, итгэл бишрэл, дуртай мэргэжил гээд дуусахгүй их хариулт хөврөх байх. Харин Бурхан итгэгч биднээс өөрт нь зориулсан хайрын өргөл дэх итгэлийг хүсдэг. Тэр нь яг л маш үнэтэй тосооор Есүсийг тосолсон Мариагийн агуу их золиос, хайрын өргөл шиг байх ёстой. Та чаддаг уу? Тэгвэл өнөөдөр үзэж судлах эдгээр ишлэлүүдээс энэ асуултын хариулт болсон Бурханы үгийг ухаарч ойлгоцгооё.

Өнөөдөр бид хамтдаа Иохан номын 11:17-57 хүртэл судлах болно. Та бид туулахад хэцүү зовлон бэрхшээл тулгарах тэр мөчид Бурхаан та хаа байнаа? Яагаад ийм хэцүү үхэл зовлонг бидэнд зөвшөөрнө вэ? гэж асуудаг. Тэгээд Бурхан гэж хэзээ ч байхгүй юм байна гэж өөрсөддөө итгүүлж Түүнээс холддог. Харин бидний амьдралд Бурхан ажлаа хийж байгаагийн тод жишээ бол бид өөрсдөө энэ ертөнцөд, бусад хүмүүст нүгэл үйлдэж, хэр их муу муухайг авчирч байгаагаа харж ойлгож эхэлдэг тэр цаг мөч юм. Өөрийнхөө хийсэн муу муухай бүхнийг ухаарч ойлгосноор Бид сэтгэл зүрхээрээ гэм нүглийг үзэн ядаж, түүнийг дахин үйлдэхгүй байх хэрэгтэй. Иоханы бичиж үлдээсэн энэхүү түүх бол Есүс хорвоо дэлхий дээрх гэм нүгэл, Сатан, үхлээс үүдсэн зовлон зүдгүүрийг хараад гашуудан бузар бүхний эсрэг хэрхэн тэмцэж байгааг харуулах болно.

Бурхан руу таныг чиглүүлэгч, хоньчин Есүс Христийг та хүлээн авсан уу? Амьдралынхаа туршид та бид зөвхөн өөрсдийгөө бодож, хувиа хичээн явсаар нэг л мэдэхэд Үхлийн ирмэгт ирвэл яах вэ? Тиймээс та бидний гэмийг Загалмай дээр цайруулсан, Хүн төрөлхтөн биднийг зөв ариун амьдрал руу замчлах Бурханы илгээсэн тэр хоньчныг яг одоо хүлээн авцгаая.