Номлогчийн үгс ном судалж байх үед Соломон хаан юу хүсээд байгаа юм бол оо гэж өөрийн эрхгүй бодогдож байсан. Тэрээр Бурханы ард түмний удирдагч байсныхаа хувьд өөрийн эцэг Давидын замаар зөв засаглаж, зөв амьдрахыг хичээдэг байсан. Тэр магадгүй зөв амьдрал бол амар амгалан байхыг бүх төрлийн арга хэрэглэн хичээх хэрэгтэй гэж үзсэн нь том алдаа болсон байх аа. Хүн хэдийгээ сайныг үйлдэж, зөвт амьдралаар амьдрахыг хичээж, үүнийгээ амьдралын утга учир болгосон ч хэрвээ Бурхан байхгүй бол тэр хүний амьдрал утгагүй хоосон юм. хүний тогтоосон амар амгалан амьдрал үргэлж хоосон санагддаг юм. Учир нь үхлээр дуусдаг учраас. Харин Бурхантай хамт байх үед энэ бол аялалын нэг хэсэг нь гэдэг нь тодорхой байдаг.

Номлогчийн үгс ном Соломоны амьдралын утга учрыг хайсан эрлээр үргэлжилсээр байна. Өнөөдөр Соломон зөвт амьдралаас утга учир хайж байна. Хүн хэдийгээр зөв сайныг үйлдэж, зөвт амьдралаар амьдрахыг хичээж, бүх хүмүүст таалагдахуйцаар амьдарч, үүнийгээ амьдралын утга учир болгосон ч хэрвээ Бурхан байхгүй бол тэр хүний амьдрал утгагүй хоосон юм. Хүмүүс минь хичнээн зөв байхыг хичээсэн ч гэсэн заримдаа бусдыгаа орхихгүйн тулд тэдний гэм нүглийн дунд хамт байх хэрэг гардаг. Соломон хаан тэгж их ивээгдсэнийхээ дараа ингэж цөхөрсөн шалтгаан бол хүнд бүх юм байсан ч сул дорой гэдгийг ойлгосон учраас юм. өнөөдөр энэ талаар бид илүү дэлгэрэнгүй үзэх болно.

Христэд итгэгч хүмүүс сайн мэдээг ярих үед хүмүүсийн түгээмэл итгэхгүй байх нэг шалтгаан бол “би хангалттай сайн хүн” гэсэн үзэл юм. Хангалттай сайн хүн байдаг талаар маргах шаардлагагүй. Бид олон тийм сайхан сэтгэлтэй сайн хүмүүсийг танина шүү дэ. Гэхдээ Библид зөв хүн нэг ч алга гэж бичсэн байдаг. Библи бол хүмүүсийг хооронд нь жишээд бусдаасаа арай дээр эсвэл доор хангалттай гэсэн үзүүлэлтээр хэмждэггүй юм. Хүн хэдийгээр зөвсайныг үйлдэж, зөвт амьдралаар амьдрахыг хичээж, бүх хүмүүст таалагдахуйцаар амьдарч, үүнийгээ амьдралын утга учир болгосон ч хэрвээ Бурхан байхгүй бол тэр хүний амьдрал утгагүй хоосон юм. Хичнээн зөв сайнаар дурсагдахаар амьдарсан ч гэсэн Бурханы өмнөх зөвт байдлыг авралд хүрэх Бурханы хүсэл төлөвлөгөөнд огт хүрэхгүй юм. Зөв зүйл хийснээрээ муу муухайг ялах урам зориг олох боловч амьдралын утга учрыг олох боломжгүй талаар хичээлээсээ дэлгэрэнгүй суралцаарай.

Хориод жилийн өмнө америкад халаасандаа 3 сая доллартай амиа хорлосон баяныг олжээ. Тэрээр өөрийн эдлэндээ бусад хүн атаархам усан сангийнхаа дэргэд маш амар тайвнаар амиа хорлосон байна. Бусад хүмүүсийн хүсэн тэмүүлдэг зүйлс түүнд байсан ч амьдралын утга учир болж чаддаггүй байсан байна. Сонсогч Та энэ цаг мөчид хүсэн тэмүүлж байгаа олон зүйлс байдаг байх. Түүнийг олж авахын тулд юуг золиослож байгаагаа анхаараарай. Үнэндээ үнэхээр хэрэгтэй зүйл үү, эсвэл шунал уу гэдгийг эртхэн ялган ойлгох хэрэгтэй шүү. Хүний шуналд хэмжээ хязгаар гэж байдаггүй. Хүн хэдийгээр амьдралынхаа туршид эд хөрөнгө цуглуулсан ч өөд болохдоо түүнийгээ орхиод явдаг. Эцсийн дүндээ эд баялаг, хөрөнгө мөнгөний төлөө амьдарсаар амьдралаа барах нь хоосноос хоосон утга учиргүй зүйл юм.

Соломон хаан улс гүрнээ амар амгалан байлгахын тулд хөрш зэргэлдээ олон эмэгтэйчүүдтэй гэрлэхэд тэд өөр өөрийнхөө шашныг гэрт нь авчирсан юм. Хэдийгээр Соломон тэдэнд зориулж сүм хийдүүд бариагүй боловч түүний хатадын шүтээнүүд Иерусалимын хэрмэн ханыг бараг л сувинерийн дэлгүүр болгосон гэхэд болно. Соломон амьдралд нь хоёр ч удаа үзэгдсэн Бурханд чин сүсэгтэй байж чадаагүй юм. Бид гаднаа хичнээн шашинлаг дүр эсгэж, сүм цуглаанд сууж шашны зан үйлийг гүйцэтгэсэн ч хэрвээ бидний амьдралд Есүс Христ байхгүй бол энэ нь бас л хоосноос хоосон бөгөөд ямар ч утга учиргүй юм.

Өнөөдөр бид нар сэтгэл ханамжийн тухай үргэлжлүүлэн суралцах болно. Хүн амьдралдаа тохиолдож байгаа бүхнийг болох л ёстой байсан зүйл гэж итгэж, бүх зүйл зурсан зургаараа болно гэж бодож амьдрах юм бол энэ нь эцэстаа мөн л хоосон утга учиргүй явдал юм. Эсрэгээрээ хүн энэ амьдрал ганц л олдох учраас бүхнийг өөрийнхөө эрх ашигт нийцүүлэн хийе гэж амьдрах юм бол тэр нь амьтнаас ялгаагүй бөгөөд энэ нь мөн л утга учиргүй хоосон зүйл юм. Бурханаас ангид хүний амьдрал бүхлээрээ хоосноос хоосон юм. Ингээд байнга хоосон гээд байхаар өнөөдрийг хүртэл сурсан зүйлс бүгд хоосон болох юм гэж битгий бодоорой. Харин утга учиртай зүйл цөөн, утга учиргүй уруу татлага бүдрэл болсон зүйлс маш олон байдаг учраас хоосон хоосон гэж сануулан хориглосоор байгаа юм шүү.

Сонсогч Та номлогчийн үгс номноос сонссон хичээлүүдээсээ хувийнхаа амьдралд олон зүйл бодон тунгааж байгаа гэдэгт итгэлтэй байна. Соломон амьдралынхаа төгсгөлд түүний хөвгүүд хаанчлалыг нь тараан бутрааж магадгүй юм байна гэдгийг мэдсэн байх. Тэрээр олон эхнэрүүдтэй байсан бөгөөд тэдний дотроос дутуу хайрлагдсан гэж бодсон олон хатуурсан зүрх сэтгэлтэй хатад үлдэж байсан. Тэд түүнийг хайрлаж байсан хүүхдүүдэд нас барсных нь дараа юуг хийх байсан бол оо гэж Соломон санаа зовж байсан байх. Хүн зөвхөн өнөөдрөөрөө амьдарч, зөвхөн өөрийнхөө сайн сайхны төлөө амьдарсан ч хэрвээ түүний амьдралд Бурхан байхгүй бол энэ мөн л хоосноос хоосон бөгөөд ямар ч утга учиргүй байх болно.

Номлогчийн үгсийн ихэнх үгийг хэлсэн Давид хааны хүү соломон нь бага наснаасаа хаан аавыгаа даган олон олон хүмүүстэй уулзаж учирч явсан юм. Тэрээр хаан аавд нь бялдуучлах нэгнийг урвах нэгнийг, тэр ч байтугай цаг нь болоход худалдах гэж оролдсон нэгнийг, Ах нь хаан ширээг булаах гэж оролдохыг ч гэсэн харсан юм. 19хөн настай байхдаа хаан ширээнд суугаад Түүнийг Бурханаас залбирсан залбирал бол мэргэн ухаан байсан юм. Гэхдээ тэрээр мэргэн ухаантай байсан ч зөвт нэгэн байж чадаагүй юм. Бидний махан бие төрөлхийн гэмт мөн чанартай учраас бид хичнээн эрдэм мэдлэгтэй, мэргэн ухаантай болсон ч Бурханы өмнө зөвт нэгэн болж чадахгүй. Мэдлэг ихсэх тусам зовлон арилах биш харин ч нэмэгдэх тохиолдол бий. Хүний эдэлж болох бүх зугаа цэнгэлийг эдэлсэн ч Бурхан байхгүй бол тэр бүхэн эцэстээ ялгаагүй л хоосноос хоосон байх болно.

Бид хамтдаа номлогчийн үгс номыг суралцаж эхлээд удаагүй байна. Зарим хүн амьдралынхаа сүүлийн өдрүүдэд “энэ амьдралд ямар ч утга алга” гэж хэлээд үлдэж байгаа хүмүүсийг сэтгэлийн хүнд дарамтанд унагадаг. Чухам юу биелэж, бүрдэж, цогцлоож байж утга учиртай амьдарлаа гэж хэлэх вэ? Гэсэн асуулт бол хүн бүрт тавигддаг. Хүнийг утгагүй гэж өрөвдөх яах вэ? Харин та өөрөө номлогчийн үгс номноос амьдралын утга учрыг ойлгож мэдээрэй.

Өнөөдөр бид хамтдаа Номлогчийн үгс номын 1-р бүлгээс үзэх болно. Энэхүү номыг зохиогч нь Соломон хаан юм. Энэ номыг бичсэн Соломон хаан бичсэн гэдгийг нилээд олон баримтаар нотолдог. Соломон хаан нь Сургаалт үгс болон Соломоны дуун номнуудыг бас бичсэн байдаг. Гэхдээ Номлогчийн үгс ном бол Сургаалт үгс номоос нилээд ялгаатай юм. Сургаал үгс номон дээр Соломон хааны мэргэн ухаан гардаг бол Номлогчийн үгс номноос бид Соломон хааны мунхаглалыг харах болно. Номлогчийн үгс ном бол Соломон хааны Бурханаас хол амьдарч байсан үеийнх нь товч намтар юм.