Есүс Христэд итгэдэг зарим хүмүүс Христ итгэлийг байгууллагатай андуурдаг. Бага зэрэг хошиноор хэлвэл  би 5 жил итгэсэн ахлагч болно. 20 жил итгэсэн пастор болно. Би итгээд хүлээн зөвшөөрөгдсөн юм чинь юу ч хийсэн болно гэх нь холгүй байдаг. Христ итгэл хэзээ ч итгэгч төвтэй байгаагүй юм. Харин бидний авралын найдвар болсон, Цор ганц Бурхан төвтэй байсан юм. Бурхан цорын ганц хүү Есүс ч гэсэн энэ бүхэнд маш даруу хандаж байсан билээ. Есүс Христ бидний төлөө Өөрийгөө даруу болгосон. Харин Бурхан Эцэг Түүнийг хамгийн дээдээр өргөмжилсөн. Есүс Христийн нэрэнд итгэсэн бүхэн авралыг авах болно. Итгэгч бид Есүс Христэд итгэсэнчлэн Түүний бодол санааг амьдралдаа гэрэлтүүлэн амьдрах учиртай. Бид Есүсийг гадаад байдлаараа дуурайж чадахгүй. Харин бидний дотор буй Ариун Сүнс бидний амьдралд зөвт байдлын, даруу байдлын үр жимсийг арвин ихээр ургуулах болно. Бурхан таны амьдарлыг ивээх болтугай.

Өнөө цагт хүмүүс Библийг янз бүрийн соёл үзэл бодол дээр тулгуурлан тайлбарлаж, хүмүүсийг төөрөгдүүлж байна. Харин Та бүхэн Библийн цуврал хичээлийг ийнхүү суралцсанаар хэн нь зөв буруу ярьж байгааг таньж мэдэх боломжтой болно. Үнэндээ Есүс Христ гэж хэн юм бэ? Тэр бидний ямар амьдралаар амьдраасай гэж хүсэж байгаа юм бэ? Есүс Христ бидний төлөө Өөрийгөө хоослон энэ дэлхийд ирэхдээ даруу байдлын үлгэр жишээг харуулсан. Итгэгч бид Христ Есүст байсан энэ бодол санааг, энэ даруу байдлыг тээн амьдрах хэрэгтэй. Бид Христ Есүст байсан тэр бодол санааг тээн амьдрах үед бидэнд хандсан Христийн зорилгыг гүйцэлдүүлэх боломжтой болдог.

Библид Бурхан өөрийн хүүтэйгээ биднийг нөхөрлүүлж түүнтэй адилхан болгох хүсэлтэй гэж бичжээ.Энэ нь бидний хэн ч Христтэй нөхөрлөдөг бас түүнтэй адилхан болох хүсэлтэй байх ёстойг сануулж байна. Итгэгчид бид Есүс Христийн дотор нэг бодол санаатай байх ёстой. Энэ бол Есүс Христэд байсан бодол санаа юм. Итгэгч бид тус бүртээ өөр өөрийн бодол санаагаар явах биш харин Есүс Христийн тэрхүү бодол санааг тээж, нэг санаагаар явах учиртай. Есүс Христэд байсан бодол санаа бол даруугаар, өөрийнхийг биш харин бусдын ашиг сонирхлыг чухалчлан үзэх явдал байсан юм.

Паул шоронд байсан ч, эрх чөлөөтэй байсан ч Христийн төлөө амьдарч байсан. Филиппой захидлыг Паулын “Миний хувьд амьдрах нь Христ, үхэх нь ололт юм” гэсэн энэ үгээр базаад хэлж болно. Есүс Христтэй нөхөрлөж, Есүс Христийн төлөө амьдарч байгаа нэгнийг ямар ч салхи шуурга, ямар ч шүүмжлэл буруутгал хазайлгаж чадахгүй.   Амьдралдаа тохиолдож байгаа зүйлийг хэтрүүлэн хамаартуулж,ойлгоод бусдыг буруутган амьдардаг олон хүн байна.Тэдгээр хүмүүс Филиппой номны хичээлийг сонсоосой гэж та хүсэж байна уу? тэгвэл та радио хичээл сонсохыг уриалаарай.

Бидний өмнө тавьсан Эзэний зам ямагт биднийг сайн руу хөтөлж байдаг. Бид амьдралдаа Эзэний хүслийн дагуух тэр замыг сонгож амьдрах нь чухал юм. Бурхан биднийг цэвэр, гэм зэмгүй байгаасай гэж хүсдэг. Бид Эзэний замыг сонгох үед Эзэний өмнө цэвэр гэм зэмгүй байж чаддаг. Бид Ариун Сүнсний үр жимсээр дүүрэн амьдрах учиртай. Энгэ бүхэн заримдаа хялбар байхгүй гэдгийг бид мэддэг. Тиймээс ч хэрхэн баяр хөөртэй урам зоригтой явах талаар Филиппой номноос их жишээ татан бие биенээ урамшуулдаг.

Өнөөдрийн хичээл эхлэхийн өмнө бидний санаж явах ёстой нэг зүйлийг хуваалцмаар байна.Бидний дотор сайн үйлсийг эхлүүлсэн Бурхан Өөрийн Ариун Сүнсний хүчээрээ бидний дотор тэрхүү үйлсээ үргэлжлүүлсээр байх болно гэдэгт итгэгч бид бат итгэж урам зоригтой амьдрах учиртай. Итгэгч бид бусдыг хайрлаж, бусдад тусламжийн гараа сунгахдаа хэрсүү ухаан болон мэдлэгээр дүүрэн байх ёстой. Тийнхүү бид биднийг ашиглах гэсэн муу нэгний бодол санааг урьдчилан мэдэх боломжтой байж болно.  Бид муу нэгний дарлал дор хэнийг ч орхихгүй байхын төлөө залбирч үйлчлэх учиртай.

Өнгөрсөн хичээлээр Паул мэндчилгээндээ хэнийг ч орхилгүй дурдаж байгаагаас бид суралцсан. Хүмүүс заримдаа чухал газар өөрийгөө тэнд зогсоход нь хүргэсэн эрхэм хүнийг мартддаг. Харин христитгэлийн нэг ялгарах онцлог бол талархах бас мартахгүй байхад байдаг гэж бодож байна. Бид бол Бурханы нигүүлсэлийг хүлээн авсан хүмүүс. Нигүүлсэлийн араас амартайван дагаж явдаг. Бидний амьдрал дахь хүч чадал, амартайван, баяр хөөр нь Есүс Христээс ирдэг. Итгэгч бид итгэлийн амьдралдаа Христийн зүйлсийг хуваалцагчид болохыг тэмүүлэх ёстой. Хэнтэй хуваалцах ёстой юм бол гэж та бодож байна уу? Эргэн тойрны бүх хүнтэй хуваалцах хэрэгтэй. Ингээд өнөөдрийн хичээлээр энэ тухай үргэлжлүүлэн сурах болно.

Өнөөдөр бид хамтдаа Элч Паулын бичсэн Филиппой захидлаас үзэж эхлэх болно. Паул Ромын шоронд хоригдож байхдаа нийтдээ 4 захидал бичсэн байдгийг бид Паулын Шоронгийн захидлууд гэдэг нэрээр нь сайн мэднэ. Тэдгээр захидлууд нь Ефес, Филиппой, Колоссай болон Филемон захидлууд юм.

Өнөөдөр номлогчийн үгс номны сүүлийн бүлгийг хамтдаа сонсох болно. Сүүлийн бүлэг хүний амьдралын сүүлийн он жилүүдийн тухай өгүүлдэгээрээ үнэхээр гашуун, хатуу байдаг юм. Бид бүгд цаг нь ирэхэд өтөлж хөгширнө. Харин хөгширж өтлөхөөсөө өмнө залуу насандаа Эзэн Бурханаа санаж, Эзэн Бурхан руугаа эргэж идэвхитэй амьдралаа Эзэн Бурханд зориулах нь сайн юм. идэвхитэй амьдралын тухай яриа маань Христэд итгэлт тэнгэрийн хаанчлалын иргэнийхээ хувьд итгэмжит дуулгавартай байх талаар сануулж байгаа гэдгийг та мэдэж байгаа байх. Ингээд энэ талаар өнөөдөр хичээл заах багшид анхаарлаа хандуулъя.

Номлогчийн үгс номноос бид сүүлийн бүлгүүдээс суралцаж байна. Сонсогч Та өөрийнхөө амьдралын эзэн нь мөн үү? Эсвэл амьдралыг хамт туулж байгаа хүмүүсийн хүсэлтийг биелүүлж яваа өөрийн гэсэн амьдралгүй нэгэн үү? Энэ асуулт үргэлж том асуулт байсаар ирсэн юм. хүмүүсийн хүссэн бүхнийг биелүүлж явбал таны хувьд үнэхээр амьдрал хоосноос хоосон болж магадгүй юм. Хүн өөрийнхөө хүчээр тодорхой хэмжээнд өөртөө таарсан зөв амьдралаар амьдарч чадна. Гэхдээ энэ нь хэзээ ч Бурханы биднээс хүсдэг тэр зөвт амьдрал биш юм. Харамсалтай нь хүмүүс өөрсдийнхөө хүчээр амьдарч буй зөвт амьдралыг болж байна гэж эндүүрэхдээ өөрсдөд нь зайлшгүй хэрэгтэй Бурханаас ирэх тэр төгс зөвтгөлийг үл тоодог.