Өмнөх дугаартаа бид Ниневе хот тэр чигээрээ Бурханы үгэнд итгэж, өршөөл нигүүлсэл гуйн Түүн рүү эргэж байгаа тухай үзсэн. Энэ том хот бүхэл бүтэн хүн амтайгаа Бурханы өмнө ирж, гэмт хорон муу байдлаасаа эргэж байгаа энэ явдал түүхэнд байгаагүй сэргэлт байсан. Өнөөдрийн хичээлээр бид үргэлжлүүлэн Ниневе хотын хувь тавилан хэрхэн өөрчлөгдөж буйг харах болно. Хэрвээ та гэмт байдлаа хүлээн зөвшөөрч Бурханаас уучлал гуйн, Түүний Хүү Есүс Христэд итгэх юм бол Тэр таны амьдралдаа хийсэн бүхий л буруу үйлдлийг чинь цагаатгах таны амьдралд сэргэлтийг авчрах болно. Тэр Таны өнгөрсөн амьдралдаа үйлдсэн бүх гэмийг цагаатгаад зогсохгүй. Мөн ирээдүйд үйлдэх бүхий л гэм нүглийг чинь цагаатгана гээд та боддоо. Тэр бол үнэхээр хайр ивээлээр дүүрэн Бурхан юм. Та Түүнийг дагахгүй байсан ч, тэр бүү хэл та Түүнийг үзэн ядаж хараан зүхсэн ч Бурхан таныг миний өршөөлд багтаж, эцсийн өдрөөс урьтаж гэмт байдлаасаа эргээсэй гэж хүсэж байдаг юм. Яагаад гэхээр Тэр таныг бүтээсэн юм. Тэгэхээр та Түүний хүүхэд болохоор Тэр эцгийн агуу хайраар хүн төрөлхтөнийг хайрлаж, Тэднийг хэзээ л бол хэзээ хүлээн авахад бэлэн байдаг юм шүү.

Өмнөх дугаартаа бид Бурхан Ионад хоёр дахь боломжийг олгон дахин түүнийг Ниневе хот руу дуудаж байгааг харсан. Ингээд Иона Бурханы үгийг дамжуулахаар Ниневэ хотыг зорьсон тухай үзсэн билээ. Одоо харин энэ хотынхон Бурханы үгийг сонсоод ямар хариу үйлдэл үзүүлж, цаашид үйл явдал хэрхэн өрнөхийг харцгаая. Бурхан танд боломжыг олгож, Таныг Өөрийнхөө хаанчлалын ажилд ашиглахыг хүсэх үед та Бурханы үгэнд дуулгавартай байх хэрэгтэй гэдгийг Иона ном бидэнд маш тодорхой зааж өгч байна. Бурханы үгэнд дуулгавартай байхын тулд та өөрийнхөө илүү дутуу зан чанарыг тайрч хаях хэрэгтэй. Ялангуяа танд зөрүүд зан байдаг бол Ионагийн адилаар Бурхан тэр зөрүүд занг тань өөрчилнө. Бурхан ашиглахыг хүссэн хүмүүсээ заавал ашигладаг гэдгийг бас эндээс харж болох юм. Та хүсэхгүй байлаа ч гэсэн ямар нэг нөхцөл байдлаар дамжуулан, Бурхан таныг Өөрийнхөө хаанчлалын ажилд хэрэглэх болно. Харин та тэр үед нь бэлэн үү? Танд арай илүү дутуу зан авир байгаа юм биш биз. Та арай Иона шиг зөрүүдлэн Бурханаас аврал гуйхаар тийм нөхцөл байдалд орохоор хэмжээний итгэлийн амьдралаар амьдарч яваа юм биш биз. Үүнийг өөрөөсөө асууж үзээрэй.

Энэ удаа бид шинээр юу олж мэдэж авах бол гэдэг их сонирхолтой байна. Өмнөх хичээлээрээ бид Ионаг загас хуурай газар дээр гулгин гаргасан тухай үзсэн шүү дээ. Үүнээс харвал Бурхан Ионагийн гуйлтыг сонсож хариулсан нь энэ юм. Амьдрал чинь төгссөн мэт нөхцөл байдалд орох үедээ та Бурханаас тусламж хүсч, Түүнд амлалт өгч, Түүний Хүүгийн нэрэнд итгэх юм бол Бурхан таны өнгөрсөнд үйлдсэн бүх гэмийг цагаатгаж, Тэр танд туслах болно. Өнөөдөр Таны амьдрал хэцүү байна уу? Тэгвэл та Түүнээс тусламж гуйгаарай. Тэр таныг амар амгалангаар тэтгэж, Таныг тайгаруулан, Танд гарц олж өгөх болно. Ямар ч эргэлзээгүйгээр Өөрт нь итгэл найдвараа тавьсан хэнд ч Тэр тусалж, Түүний замыг тэгшилдэг юм шүү. Түүнд итгэхэд саад болж байгаа нөхцөл байдлуудаа хойш нь тавьж, Ионаг аварга загасны амнаас гаргасны адилаар таныг ч гэсэн амьдралын асуудлаа шийдэхэд тань туслана гэсэн итгэлээр хандах юм бол Тэр танд заавал туслана. Тэр танд асуудлаа туулах, хүчийг өгч, та бүхнийг сайнаар хийх болно.

Өмнөх хичээл дээр Иона загасанд залгиулж байхдаа Бурханд хандан залбирч буй тухай эхний хэсгийг үзсэн. Бид өнөөдөр түүний залбирлыг үргэлжлүүлэн судалж шинэ ойлголт, ухаарлыг олж авна гэдэгтээ итгэлтэй байна. Зовлонд унах үедээ орилон хашгирч Өөрийг нь дуудаж байгаа хэнийг ч Бурхан орхидоггүй гэдгийг Библийн олон жишээ харуулдаг. Тэрний нэг томоохон жишээ бол Иона юм. Бурхан бол амьдралыг эхлүүлэгч, бас төгсгөгч. Хүн өөрийгөө хэзээ энэ дэлхийг орхиж, үхэлтэй нүүр тулахыг мэддэггүй. Тиймээс өнөөдөр амьд байгаа дээрээ, Бурханд итгэж Түүний хаанчлалын иргэн болох эрхээ олж авах нь хамгаас эрхэм юм шүү. Бурхан бүх хүнээс байгаа боломжоо ашиглаад Өөрийнх нь Хүүд итгээсэй гэж хүсдэг. Бүтээсэн бүх хүнээ Мөнхийн улсдаа оруулахын тулд Бурхан шүүлтийн өдрөө хойшлуулах байх гэж би боддог юм. Тэр бол энэрэнгүй Бурхан. Уурлахдаа удаа хайраар дүүрэн Эзэн юм. Тиймээс өнөөдөр олдсон боломжоо маргааш гэж хойшлуулалгүй Түүний хаанчлалын иргэн болцгооё.

Өмнөх дугаартаа бид Иона аварга загасанд залгиулж, Бурханд хандан залбирч эхэлсэн тухай үзсэн. Цаашид үйл явдал хэрхэн өрнөж, Ионад юу тохиолдож байгааг харцгаая. Үүгээр дамжуулан Бурхан бидэнд юу ойлгуулахыг хүсэж байгааг анхаарал хандуулан сонсож мэдэцгээе. Таны сууж байгаа амьдрал хэмээх завин дээрээ та амар тайван, амьдрах ухааныг Иона ном зааж өгч байгаа билээ. Та баян байсан ч ядуу байсан ч эрх мэдэлтэй байсан ч энгийн ард байсан ч ялгахгүйгээр асуудал хэмээх салхи таны амьдралын хөлөг онгоцыг мөргөх л болно. Харин энэ үед та Иона шиг Бурханаас тусламж гуйж, Бурханы арга замаар асуудал шийдэж байх хэрэгтэй юм. Учир нь хүмүүс бид өөрсдийнхөө арга замаар асуудлыг шийдэж, өөрийнхөө амьдралын хөлөг онгоцонд хамааралтай дотны хүмүүсээ эвгүй байдалд оруулдаг. Тиймээс ч амьдралдаа тохиолдож буй асуудлын ширүүн шуургыг ялан дийлэх хамгийн зөв арга ухааныг та Бүтээгч Бурханаас асууж шийдвэрээ гаргаж байгаарай.

Та зөвхөн өөртэйгөө хамаатай биш. Харин эргэн тойрныхоо бүхий л хүмүүстэй хамаатай гэдгийг Иона номоос та тодорхой харж байгаа бизээ. Ажилын талбар дээр та ажлын газрынхаа хүмүүстэйгээ хамаатай. Мөн хөлөг онгоцон дээр яваа хүмүүсийн амьдрал Ионатай хамааралтай байгаагийн адилаар таны зорчиж яваа амьдрал хэмээх онгоцон дээрх бүх хүмүүстэй та хамаатай байдаг юм шүү. Харин таны хэрхэн ааш аяг гаргахаас бүх зүйл шалтгаалдаг гэдгийг мартаж болохгүй. Мэдээж энэ хөлөг дээрх хүмүүсийн амьдрал Ионагийн зөрөөд зангаас болоод эвгүй байдалд орж байна. Харин таны амьдрал хэмээх хөлөг онгоцонд хамт сууж яваа ойр тодны чинь хүмүүсийн амьдрал таны сөрөг зангаас болж хэрхэн эвгүй байдалд орж байсан бол. Үүнийг та нэг бодож үзээрэй. Тэгээд цаашдаа өөрийнхөө хэрэггүй зан авирыг Бурханы үгээр тайрч арчилах хэрэгтэй юм шүү.

Энэ удаагийн дугаартаа бид эш үзүүлэгч Иона Бурханы дуудлагыг авсан хэдий ч өөрийнхөөрөө зөрөн өөр зүг рүү аялж байгаа тухай үзэх болно. Түүний ингэж зөрүүдлэх болсон шалтгааныг сонирхолтой түүхэн баримтуудаар олон өнцгөөс дэлгэрэнгүй харах юм. Мөн Ионагийн гаргаж байгаа хандлага, үйлдлээс амьдралд чухал олон зүйлийг бид суралцах болно. Хүн амьдралынхаа тодорхой хугацааг өөрийнхөө дур зоргоор аашлаж аяглаж өнгөрүүлдэг. Иона ч бас яг ийм замыг туулсан байх гэж би бодож байна. Ихэнх хүмүүс хүүхэд байхдаа их зөрүүд байдаг шүү дээ. Харин ухаан суусны дараагаар хүүхэд ахуйн насны зөрүүд зан төлөвшиж, өөрчлөгддөг. Харин Иона яг л өсвөр насны хүүхэд шиг занг гаргаж, Бурханы төлөвлөгөөний эсрэг зугтахыг хүсдэг. Би би гэх тусам амьдралын хүрээ жижгэрч бид бид гэх тусам амьдралын тойрог томордог гэсэн нэг үг байдаг. Өнөөдөр та ч гэсэн би-гийн хүрээг багасгаж, бид-ийнхээ хүрээг томсгох хэрэгтэй юм. Бурхан биднээс ийм л зүйлийг хүсэж байгаа нь гарцаагүй. Өөрийгөө бодох нь мэдээж зөв боловч амьдралынхаа бүхий л цагийг зөвхөн өөрийгөө бодоход зориулвал энэ амьдралд утга учир байна гэж үү? Хэрэв танд өнөөдрийн хичээлтэй холбоотой асуух зүйл гарвал хичээлийн төгсгөлд хэлэх и-мейл хаягаар бидэнтэй холбогдоорой.

Өмнөх удиртгал хичээлээр бид Иона номын жинхэнэ эсэх талаар олон маргаан, шүүмж байдгийг олж мэдсэн. Гэвч тэдгээр нь итгэгчдийг төөрөгдөлд оруулах аюултай, үндэслэлгүй гэдэг нь тогтоогдсон. Харин өнөөдөр бид Удиртгал хичээлийн хоёрдугаар хэсгээс дахин сонирхолтой зүйлсийг олж мэднэ гэдэгт итгэлтэй байна.

Бурханы дуулгаваргүй элч гэгддэг Иона Бурханаас зугтан усан онгоцоор аялж явахдаа, аварга загасанд залгиулж, гурван хоногийн дараа загас түүнийг бөөлжиж гаргасан гэх энэ хачирхалтай түүхийг та өмнө нь сонсож байсан байх. Иона бол Библийн сонирхолтой номнуудын нэг юм. Нийт 11 дугаар хичээлийн эхний хоёр дугаар нь удиртгал хичээл байх юм.