Паул сайхан сэтгэлт өгөөмөр энэ хотын чуулганд талархахын зэрэгцээ өнөөгийн итгэгчийн хэлэх дуртай хамгийн алдартай үгсийг бичсэн байдаг . Энэ талаар бид өнөөдөр үзэх болно. Та бидний амьдралаас хүсч байгаа олон зүйлс байдаг. Энэ нь ихэнхдээ Бурханы биднээс хүссэнээс зөрдөггүй гэдгийг мэдэх үү? Аливаа хүслээ хэрэгжүүлэх арга барил л зөрүүтэй байдаг юм. Христ Есүсийн бидэнд хандсан хүсэл дотор бид бүгдийг хийж чадна. Бид хүссэн бүхнээ хийж чадах биш харин Христийн хүсэл доторх бүгдийг хийж чадна гэдгийг бид ойлгох ёстой. Бид Христийн хүсэл дотор байгаа цагт биднийг хэн ч зогсоож чадахгүй. Өнөөдөр эдгээр үгсээр урам зориг аваарай. Энэ бол үнэхээр гайхалтай үгс.

Өнөөдөр Филлипой номны сүүлийн хэсгийг үзэх болноо. Амьдралын олон янзын нөхцөл байдал дунд хэрхэн өөрийгөө авч явах талаар олон зүйлзаасан Паул нэгэн захидал ийнхүү төгсөж байна. Библийн Шинэ гэрээ хэсэгт Паулын 13 захидал орсон . Энэ бол Паул Бурханы зүрх сэтгэлийг ямар их ойр ойлгож дамжуулж байсаны баталгаа болсон. Одоо ч бид энэ бүхнээр дамжуулан ивээгдсээр байна.Бид энэ дэлхийн бузар муу зүйлст анхаарлаа хандуулах үед бид хүч чадлаа алдаж байдаг. Харин Есүс Христийн тухай бодож тунгаах үед энэ дэлхийн бузар муугаас бидний оюун бодол цэвэрлэгдэж, бид хүч чадлыг хүлээн авдаг. Есүс Христийг бид Бурханы үг болох Библиэс олж харж чадна. Бурханы үгэнд хэр их анхаарал хандуулна төдий чинээ бид итгэлийн амьдралдаа хүчтэй байдаг. Ингээд хамтдаа өнөөдрийн хичээлээ сонсож ивээлээ авцгаая.

Сонсогч таны амьдралд хэцүү зүйл тохиолдож байсан өдрүүд байгаа байхаа. Олон хүн асуудалд хэт анхаараад илүү хэцүү зүйл болох байсан гэдгийг бас өөртэй нь тэр хүнд үед ч хамт байсаар байгаа хүмүүсийг мартдаг . Хамгийн гол  нь Бурханд талархах шалтгаан ч ямар асуулдал дунд хүнд үргэлж үлддэг юм. Тэндээс бүх зүйл эргэн босно шүү дээ. Бид бүх зүйлсээ Бурханд даатган залбирдаг байх ёстой. Тийнхүү бид юунд ч санаа зоволгүйгээр амьдарч чадна. Санаа зовохгүй амьдрана гэж байхуу? гэж та асууж болох юм. Залбирах үед бидний нөхцөл байдал өөрчлөгдөхгүй байж болох ч бид өөрсдөө өөрчлөгдөж байдаг. Бид санаа зовнилтойгоор залбирал руу ороод амар тайвныг аваад залбирлаас гарч ирдэг. Залбирал бол бидний хүч чадлын нууц юм.

Баяр хөөртэй амьдрахыг хүсэхгүй хэн билээ. Танин мэдэхүйн ТВ ээр Баяр хөөртэй амьдрал хэмээн нэртэй цуврал номлол нийтээд цацагдаад багагүй хугацаа өнгөрчээ. Тэндээс олон хүн энэ христитгэгчид сүм чуулган дотроо юу сонсдогыг, юу сонсох гэж ням гараг бүр сүм явдгыг ойлгосон. Филиппой захидалыг Баяр хөөрийн талаар бичсэн гэж бид мэддэг болсон.Эзэн дотор үргэлж баяр хөөртэй амьдрах тушаалыг Паул бидэнд өгсөн. Эзэн доторх баяр хөөр бол бидний итгэлийн амьдралын хүч чадал байдаг. Бид баяр хөөрөө алдах үед хүч чадлаа алдаж байдаг. Бид нөхцөл байдлаас хамаарсан итгэлээр биш харин Есүс Христэд итгэсэн итгэлээр баяр хөөртэй амьдрах хэрэгтэй. Эзэн Есүс ойрхон байгаа тул урам зоригтой, тэсвэр тэвчээртэй амьдрах учиртай.

Есүст итгэвэл яах вэ? юу болох вэ? гэж асуудаг хүмүүсийг буруутгах гэж би яардаггүй . хэн ч өнөөдөр асуудалтай түүнийгээ шийдэх гарц хайж байгаа нь нууц биш. Хүн бүр өөр өөрийн замаар асуудлуудаа үрэн амьдарч байна. Есүс Эзэн бидэнд :Өдрийн зовлон өдөртөө хангалтай. Та нар юуны өмнө түүний хаанчлалыг хүс гэсэн. Христитгэл бол ирээдүйд ирэх мөнхийн ерөөлийг тунхагладаг итгэл гэдгийг санаж байгаа байх.Хожим нь Есүс Христ дахин ирэх тэр үед бидний энэхүү дорд биеийг Бурхан алдрын биеэр өөрчилж өгөх болно. Тийнхүү бид Бурханы оршихуйд мөнхөд хамт байх болно. Энэ л итгэл найдварыг тээн бид итгэл дотроо бат зогсож амьдрах учиртай билээ. Ингээд энэ талаар багш хэрхэн дэлгэрэнгүй тайлбарлахыг сонсоцгооё.

Сонсогч та сайн байгаа юу? Яагаад ингэж асууж байгаа вэ гэвэл заримдаа бид бусдын ямар зүйл туулж явааг анзааралгүй юм зааж, асууж ,ажил олгож ,нөхөрлөх гэж ,тэр бүү хэл хайрлахыг шаарддаг. Харин итгэгчид бид бибlиэс зүрhсэтгэл байгаа газраа хүн байдаг тухай уншдаг. Тиймээс бид өгч сурах нь бидний Христийн дотор хэр өссөнийг харуулдаг. Итгэгч бид үргэлж төлөвшилт рүү тэмүүлэх учиртай. Бид үйлсгүй итгэлтэй “мэргэжлийн итгэгчид” биш харин итгэлээ үйлсээрээ харуулсан жинхэнэ итгэгчид байх ёстой. Итгэгч бид бүгд тэнгэрийн улсын харьяалалтай учир тэнгэрийн улсын иргэд мэт амьдрах ёстой. Тийнхүү бид урам зоригтойгоор Есүс Христийг дахин ирэх тэр өдрийг хүлээж чадна.

Библийн цөөн хэсэгт Эзэний тушаалууд байдаг. Жишээ нь : Есүс Эзэн :Би та нарт шинэ тушаал өгч байна бие биенээ хайрлагтун . Та нарыг бие биенээ хайрлаж байгааг чинь хараад миний дагалдагчид гэж хүмүүс таних болно гэж тушаасан байдаг. Харин Филиппой номноос бид өөр нэгэн тушаал мэдэж авна. Эзэн дотор үргэлж баяр хөөртэй амьдрах тушаалыг Паул бидэнд өгсөн. Эзэн доторх баяр хөөр бол бидний итгэлийн амьдралын хүч чадал байдаг. Бид баяр хөөрөө алдах үед хүч чадлаа алдаж байдаг. Бид нөхцөл байдлаас хамаарсан итгэлээр биш харин Есүс Христэд итгэсэн итгэлээр баяр хөөртэй амьдрах хэрэгтэй. Эзэн Есүс ойрхон байгаа тул урам зоригтой, тэсвэр тэвчээртэй амьдрах учиртай.

Ямар ч шашин шүтлэггүй хүн гэж энэ дэлхий дээр байдаггүй гэж нэгэн багш хэлжээ. Би шашин шүтдэггүй гэж хэлэх нь ч гэсэн өөрөө шашингүй нэр томъёонд багтдаг итгэл үнэмшил байдаг. Христ итгэл бол хүн төвтэй биш, Бурхан төвтэй итгэл юм. Бид байгаа гэж итгэж биш харин байсныг нь танин мэдсэнээрээ итгэж аврагдсан хүмүүс билээ. Үнэндээ бид өөрсдөө олж мэдсэн биш, тэр өөрийгөө бидэнд илчилсэн юм. Бид өөрсдийн сайн үйлсээрээ, өөрсдийн хүчээр дагасан шашны зан үйлээрээ авралыг хүлээн авч чадахгүй. Хэрвээ хүн хуулиар аврагдах боломжтой байсан бол хамгийн түрүүнд Паул аврагдах байсан. Харин Есүс Христтэй уулзсаны дараа Паул өөрийн тэр бүх ололтуудаа хог хэмээн үзэж Есүс Христэд бүх итгэл найдвараа өгсөн. Бид ч бас Паулын энэ жишгээр Христэд бүрэн итгэж найдаж амьдрах учиртай. Өнөөдрийн хичээлээр энэ талаар дэлгэрэнгүй үзэх болно.

Өнөөдрийн хичээлээр чуулганд ажиллаж үйлчилж байгаа хүмүүсийн талаар болон Паултай хамтран зүтгэж байсан зарим ахлагчдын талаар үзнэ. Паул Филиппой хотынхоны Христэд итгэгчдэд өөрийн хамтран зүтгэгчийг хайрлахыг уриалсан байдаг. Епафродиттой адилхан чуулганаа гэсэн зүрх сэтгэлтэй, Христийн бодол санааг тээсэн пастор ахлагч нарт итгэгчид санаа тавьж, тэдний төлөө залбирч, тэдний төлөө үйлчлэх хэрэгтэй. Бид өөрсдөө ч бас Паул, Тимот, Епафродит нар шиг Христийн бодол санааг тээсэн хүмүүс болох учиртай. Христийн бодол санааг тээн гэдэг нь 2 зүйлээр харагддаг. Сайн мэдээ тараах, ядуусыг энэрэн хайрлах. Энэ бол анхны чуулганы итгэгчдийн хамтдаа ярилцан шийдсэн итгэлийн үйлс, үр жимс нь билээ.

Өнгөрсөн удаагийн хичээлээр Христийн даруу байдлын талаар бид хамтдаа суралцсан. Паул би Христийг дуурайсаны адил Та нар ч бас намайг дуурай гэж хамт байгаа сайн мэдээний төлөө зүтгэж байгаа дагалдагчиддаа хэлсэн байдаг. Хэдийгээр хүмүүс Паулын дагалдагч гэж Тимот, Епафродит нарыг нэрлэдэг ч Паул өөрөө тэднийгээ хамтран зүтгэгч, заримдаа бүүр миний хүү шиг гэж бичсэн байна. Паул Христийг дуурайснаараа Түүний даруу байдлаас гайхалтай суралцсан нэгэн байсан. Харин Паул амьдралаа зориулсан тэр сайн мэдээ бидэнд юу өгдөг вэ? Энэ бол Христээр дамжуулан ирэх аврал юм. Бид авралыг итгэлээрээ авсан. Гэхдээ энэ авралын итгэл нь бидний амьдралд итгэлийн үйлсийг дагуулах учиртай. Бурхан бидний итгэлийг хардаг ч бидний хөршүүд бидний үйлсийг харж байдаг. Тиймээс бид итгэлийн үйлсийг гэрэлтүүлэн Бурханыг гэрчлэх ёстой хүмүүс юм.