Өнгөрсөн удаагийн хичээлээр Хаманы түүх дуусч Эстэр болон Еврейчүүд амар амгалан болсон гэж та бодож байна уу? Үнэндээ тийм биш. Асуудалтай байх үед асуудлын шалтгаан бидний дайсан байдаг бол асуудалгүй болох үед бид өөрсдөө асуудал тарьж эхэлдэг. Хүн сул дорой гэм нүгэлтэй чанараасаа болж асуудал гаргаж эхлэхээрээ түүнийгээ Бурханы уур хилэнд тултал хүлээн зөвшөөрөлгүй явах нь олонтаа. Хаман гэдэг хүн өөрөө мэдээд л бас сэтгээд Израйлчуудыг алж хядах гээд байсан юм биш, харин Бурхан өөрийн ард түмнийг хэн гэдгийгээ санаж яваарай гэсэндээ дайсанд нь зөвшөөрсөн юм. Зовлон биднийг шинэ арга зам сэдэхийг биш байр сууриа хамгаалахыг илүү их шаарддаг. Бурханы ард түмэн ямарч нөхцөл байдалд Бурханы мөн чанар, хуулийнх нь дотор үлдэх шаардлагатай байдаг. Өнөөдрийн хичээлээр Эстэр Мордихай нарын дараагийн алхамуудыг хамтдаа үзэх болно.

Тусалж дэмжиж болхоор өргөмжилж болохоор хэн нэгнийг чи таних уу? гэж асуувал чи юу гэж хариулах вэ?

Магадгүй зарим хүн намайг дэмжээч дээ, надад боломж олгооч гэж хэлэх байх. Хүнийг танихдаа өөрийнхөө талаар юу ярьж байгаагаар нь биш, Бусдын талаар юу ярьж байгаагаар нь таньж болно гэдэг үг байдаг. Хамаан сайд өөрийгөө өргөмжлөгдөх зохистой гэж баттай итгэсэн бардам хүн байсан. Хэдийгээр тэр Эзэн хааны санд 10,000 талант мөнгийг ашиг болгон оруулж байгаа боловч Хаан мөнгө биш, Мордикай шиг цэцэн хүмүүсийг илүү сонирходог гэдгийг ойлгодоггүй байж. Сонсогч та хэн нэгнээс таны талаар асуувал юу гэж хэлнэ гэж бодож байна? Таныг хүлээн зөвшөөрч дэмжүүлэхийн тулд бусад хүмүүс ярьна хэмээн бодож байна уу? Эсвэл таныг хазаарлан зогсоохыг хүснэ гэж бодож байна уу? Өнөөдөр бид түшмэл Хамааны бардам занг юугаар төгсөхийг хичээлээс үзэх болно.

Сонсогч та өөрийгөө хэр зэрэг тэвчээртэй хүн гэж боддог вэ? Амьдралдаа тохиолдоод байгаа бэрхшээлийг богино хугацаанд хорон муу арга хэрэглээд ч хамаагүй даван туулах гэж оролдсон удаа байдаг уу? Бэрхшээл тохиолдох үед бидэнд үргэлж сонголт ирдэг. Бидний амьдралд юу ч тохиолдож байсан бүх зүйл бидний Бурханы хяналтанд байдаг. Бурхан даруу хүнийг өргөмжилж, бардам хүнийг эсэргүүцдэг. Бидний амьдралд тохиолдлын мэт санагдах тэр бүх зүйлсээр дамжуулаад Бурхан бидний амьдралд хандсан Өөрийн хүслээ гүйцэлдүүлж байх боломжтой. Тиймээс бид Бурханы өмнө дуулгавартай байж, Бурхандаа итгэж найдан амьдрах хэрэгтэй. Өнгөрсөн хичээлийн төгсгөлд Эстээр хатан өөрийн төөрөлдсөн нөхөр Эзэн хааныг хорон санаат түшмэл Хамааны хамт найранд урьсан билээ. Эртний Давид хаан Дуулал номондоо: та миний дайснуудын өмнө ширээ засдаг” гэж хэлсэн байдаг. Эстээр асар их тэсвэр тэвчээртэйгээр, бас эрсдэлтэйгээр өөрийн дайсны өмнө ширээ засаж байна. Энэхүү найр юугаар төгсөхийг өнөөдрийн хичээлээс хамтдаа үзнэ.

Өнгөрсөн удаагийн хичээлээр бид Персийн хааны харъяалалд хэдийгээр боолчлолд байсан боловч хүнд зүйл тохиолдсоныг үзээд зогссон билээ. Хүний амьдралд өөрөөс шалтгаалах хүнд зүйл тохиолдох нь зөндөө л байдаг. Зарим хүмүүс амьдралд хорон мууг хийж байгаа хүмүүстэй тохиролцож, түр зуурын амар тайван дотор амьдрахыг хүсдэг. Харин персэд амьдарч байсан Мордикай тийм нэгэн байсангүй. Тэрээр хорон санаат түшмэл Хаманы эсрэг зогсож чадсанаараа ард түмнийгээ хэн, хаанаас гаралтайгаа санах ёстой гэдгийг ухааруулсан юм. Мордикай Хаман хоёрын зөрчилдөөн бүхэл бүтэн ард түмнийг усгтах аюулд хүргэнэ гэж хэн ч бодоогүй байх. Бид заримдаа буруутанг эрэн хайхын оронд, нөхцөл байдлын өмнө хамтдаа зогсох хэрэгтэй байдаг.

Өмнөх дугаарт Естер хатнаар өргөмжлөгдөн, энэ бүхний ард Бурханы оролцоо ивээл байсан гэдгийг бид харсан. Тиймээ, Бурханы оролцоо цаг ямагт бидний амьдралын бүхий л үйл явц дунд байдаг. Тэрээр бүх зүйлийг урьдаас мэдэж бас харж хянаж байдаг. Тиймээс Бурхан Өөрийн ард түмнийх нь эсрэг зогсогч нэгний хорон муу ажилд Өөрийн арга замаараа орж ирэх гэж байна. Тухайн үед Бурханы ард түмнийг үзэн ядагч Хаман гэгч этгээд гарч ирсэн. Харин Бурхан түүний үйл ажиллагаа, төлөвлөгөөний эсрэг Естер хатнаар ажлаа хийлгэж гэж байна. Библид дурдагдсан Иудей үндэстнийг хүйс тэмтрэх, үгүй хийх төлөвлөгөө боловсруулсан анхны хүн бол Хаман. Харин хожим 20-р зууны үед Европт Адольф Гитлерийн төлөвлөгөө хэрэгжиж олон сая Иудейчууд болон хүмүүсийг хомроглон устгасан байдаг. Ингээд одоо хамтдаа Естер номоо үргэлжлүүлэн 3:7-4:2 –р ишлэл хүртэл уншиж судлахдаа Хаманы тухай илүү дэлгэрэнгүй мэдээллийг олж харцгаая.

Бид Естер номноос судалсаар байгаа. Өмнөх дугаарт Мордехаи хэрхэн Естерийг хааны ордонд хатан сонгон шалгаруултанд оруулж байгаа талаар үзсэн. Тухайн үед Мордехаин байр байдал ямар байсан талаар бид арай өөр өнцгөөс харсан. Тэрээр үндэс угсаагаа нууснаар Бурханыг ч бас орхисон байсан. Бас өсгөсөн охиноо аймшигтай хувь тавилан руу юу ч бодолгүйгээр оруулж болох байсан. Хэдий тийм ч Бурхан энэ нөхцөл байдалд өөрийн зорилгын дагуу оролцож эхэлсэн гэдгийг бас ойлгож авсан. Бидний итгэдэг Бурхан бол бүгдийг захирагч, Түүний хараа хяналтаас гадуур нэг ч зүйл болдоггүй гэдгийг бид мэднэ. Өөрөөр хэлбэл Бурханы оролцоо та бидний амьдралын бүхий л үйл явц дунд байсаар байгаа. Ингээд одоо 2-р бүлгээ үргэлжлүүлэн 3 бүлгийн 6-р ишлэл хүртэл уншиж судлая.

Өмнөх хичээлээр бид Персийн хаан өөрийн болчимгүй уураас болж гоо үзэсгэлэнтэй, хайртай хатнаа алдаж байгаа тухай үзсэн. Бас хатан нь дуулгаваргүй байдлаасаа болж хатны суудлаас буулгагдаж байгааг харсан. Тухайн үед болсон зүйл орчин цагт бидний амьдралд ч гэсэн тохиолддог. Тиймээс энэ үйл явдлаас бид амьдралд юу хэрэгжүүлж сурах вэ? гэдгээ олж харсан байгаа. Өнөөдөр бид үргэлжүүлэн Естер номын хоёрдугаар бүлгээс эхэлж судлах болно. Энэ бүлэгт Хатан сонгох шалгаруулалт болдог. Хэдий тэр үеийн эрх мэдэлтэй нэгэн хааны сүр дуулиантай хууль шийдвэрийн үр дүнд хийгдэж байгаа ч энэ бүхний цаана ч бас Бурхан Өөрийн ажлаа хийж байна. Учир нь Бурхан энэ дэлхийн бүх зүйлсийн дээр, Бүгдийг удирддаг Нэгэн билээ. Үүгээр бид сүүдэрт ч бас Бурхан биднийг хайрлаж халамжилдаг, анхаарлаа тавьдаг болохыг харж болно.

Бид Естер номноос судалж эхлээд өнөөдөр 1 дахь хичээлээ хамт судлах гэж байна. Өмнөх дугаарт Естер ном юугаараа онцгойд тооцогддог тухай. БасБиблийн нэг ном болон багтсан тухай үзсэн. Энгийн нэгэн еврей охин тухайн үедээ агууд тооцогдож байсан Персийн Ксеркс хааны хатан болсон энэ түүх Библид төдийгүй дэлхийн түүхэнд тэмдэглэгдэн үлдсэн байдаг. Персид амьдардаг үндэс угсаа нэгт иудеучүүдийнхээ төлөө түүний хийсэн гавъяа ч бас түүхэнд бичигдэн үлдсэн юм. Тэд Бурханы амласан ёсоор өөрсдийн нутаг руугаа буцаагүй. Тэгсэн хэрнээ Бурханыг ор тас мартаж, Түүний үгнээс холдсон байдаг. Гэсэн ч Бурхан тэднийг орхилгүй сүүдэрт зогсоод тэдэнд хайр халамж, анхаарлаа тавьсаар байдгийг Естерийн энэ түүх гэрчилнэ. Хэдийгээр Бурханы нэр дурдагддаггүй ч Тэрээр энэ бүсгүйгээр дамжуулан Өөрийн ажлаа хийсэн нь үнэхээр гайхалтай. Ингээд одоо Естер хэрхэн ямар шалтгаанаар Персийн хатны байр сууринд очсон болохыг энэ номын 1:4-22-р ишлэлээс олж харцгаая.

Өнөөдрийн дугаараас эхлэн бид өөрийн ард түмнээ хөнөөгдөн устахаас аварсан ухаант үзэсгэлэнтэй хатан Естерийн тухай үзэх болно. Бурханы нэр энэ номонд огт дурдагдаагүй хэрнээ харь нутагт байгаа өөрийн ард түмний дээр өөрийн мутар, аврал нигүүлслээ байлган хэрхэн авран хамгаалдаг тухай энэ номон гайхалтай түүхийг бидэнд хүргэх болно. Персийн хааны өвлийн ордонд болж өрнөсөн Естер номын гол өгүүлэмж нь еврейчүүдийг устгах санаатай дайснаас ард түмнээ гайхам эр зориг, бүрэн зориулалттай сэтгэлээрээ аварч чадсан еврейчүүдийн баатар Естер бүсгүйн эргэн тойрны үйл явдал гардаг. Естер хатан зөвхөн өөрийн ард түмнийг сүйрлээс авраад зогсохгүй харийн нутагт хол байгаа ард түмнийхээ нэр хүнд хийгээд аюулгүй байдлыг хангахад үнэхээр чухал үүргийг гүйцэтгэсэн байдаг. Энэ номонд Бурханы тухай гардаггүй ч Түүний оролцоо ямар их байсныг та бид харах болно. Түүнчлэн еврейчүүдийн Пурим баярын утга болон цаадах учрыг бидэнд тайлбарлан ойлгуулах болно. Бурхан энэ номоор дамжуулан бидэнд чухал зүйлсийг заахаар төлөвлөсөн гэдэгт би итгэлтэй байна.

Өмнөх хичээл дээр Ниневе хот Бурханд итгэн, Түүн рүү эргэсэн учраас өршөөгдөн аврагдсан тухай үзсэн. Одоо бид Иона номын хамгийн сүүлчийн бүлэг дээр ирлээ. Бурханд энэ бүлгээр дамжуулан бидэнд зориусан үг байгаа гэдэгт би итгэлтэй байна. Жаргал багшаар дамжуулан бидэнд хэлэх Бурханы үгийг марталгүй. Харин өдөр тутмынхаа амьдралд хэвшүүлж, үр жимстэй амьдрах том даалгаварыг бид Түүнээс авч байгаа гэдгээ санаарай. Учир нь Тэр биднээс үүнийг л хүсдэг юм. Хэлсэн үг бүрийг нь биелүүлдэг хүүхдээ эцэг эхчүүд зэмлэж, болохгүй бол гар хүрдэг. Тэгвэл үүний адилаар хэрвээ та Бурханы үгийг хэрэгжүүлэхгүй нэг чихээрээ оруулаад нөгөө чихээрээ гаргаад байх юм бол Тэр таныг зэмлэж, бүр болохгүй бол гар хүрэх л болно. Тиймээс сонссон үг нэг бүрээ үнэ цэнэтэйгээр амьдралдаа үйлс болгон ургуулж, Бурханд тааламжтай амьдрах хэрэгтэй юм шүү. Учир нь бидэнд ачийг бачаар хариулах эрх байхгүй. Тэр бидний бүх гэмийг уучилсаных нь хариуд бид ч гэсэн Бурханд тааламжтай амьдралаар амьдрах үүрэгтэй юм. Ингээд өнөөдрийн хичээлээр олон шинэ зүйлийг сурж авахдаа бэлдээд нэвтрүүлгээ эхэлье.