Гэм нүгэл бол   галтай адилхан бидний амьдралыг бүхэлд нь шатаах чадалтай байдаг. Гэм нүгэл нь   өөрөө хортой үр дагавартай байдаг учраас бид гэм нүгэлд буулт хийж, гэм   нүгэлтэй хутгалдан амьдрах үед тэрхүү хортой үр дагаварыг амсан шаналж   байдаг. Бурхан гэм нүглийг шийтгэлгүй үлдээхгүй. Бурхан гэм нүгэлтэй эвлэрч,   буулт хийхгүй. Учир нь Бурхан бол ариун бөгөөд дээдийн дээдээр өргөмжлөгдсөн   Нэгэн. Итгэгч бид ч бас Бурханы энэ ариун чанарыг эмээн хүндэлж, гэм нүглээ   гэмшиж, гэм нүглээсээ эргэж Бурханыг дагаж амьдрах учиртай.

Өнөөдрийн хичээлээрээ бид Исаиа номын 5-р бүлгээс үргэлжлүүлэн үзэх болно. Бидний өнөөдөр үзэх хэсэгт Израильчуудын Бурханы эсрэг үйлдсэн 6 төрлийн гэм нүглийн тухай болон тэдний дээр Бурханы буулгах 6 төрлийн шийтгэлийн тухай үзэх болно. Мөн Бурхан Израильчуудын үйлдсэн 6 төрлийн гэм нүглийн төлөө 6 удаа “хөөрхий еэ” хэмээн халагласан тухай үзэх болно.

Эзэн Есүс энэ дэлхий дээр дахин ирж Өөрийн хаанчлалыг тогтоох хүртэл энэ дэлхий амар тайван байх боломжгүй юм. Үүний нэгэн адил итгэгч бидний амьдрал ч бас Бурханаар цэвэршүүлэгдэж, Бурханы нигүүлсэл, Бурханы өршөөлийг хүртэж байж сая жинхэнэ амар тайван байж чаддаг. Бид Бурханыг дуулгавартайгаар дагаж, гэм нүгэл үйлдэх үедээ тэр даруй Бурхан руу эргэж, гэмшин улайж, Бурханаар цэвэршүүлэгдэн Бурхантай хамт алхдаг итгэгчид байх нь чухал юм. Израильчууд Бурханаас сайн сайхан, ивээл ерөөл бүхнийг хүртсэн боловч Бурханаасаа зөрүүдлэн холдож дуулгаваргүй байснаараа өөрсдийн дээр шийтгэлийг буулгасан. Харин итгэгчид бид ийм байдалд орохгүйн тулд Бурханы хүслийн дагуу дуулгавартай амьдрах нь чухал.

Бид яах гэж удирдагч сонгоход оролцдог вэ? Үгэнд орохгүй бол удирдагч яах сонгодог вэ? гэсэн хоёр асуултыг хичээл эхлэхийн өмнө бодуулмаар санагдчихлаа. Израильчууд Бурханы өмнө дуулгаваргүй байж “хэл болон үйлс нь Бурханы эсрэг” байсан учраас Бурхан тэдний газар нутаг дээр ган гачиг, өлсгөлөнг буулгаж тэдний захирагч удирдагчдынх нь дотроос чадварлаг шилдэг хүмүүсийг нь зайлуулсан. Мөн Бурхан тэднийг дайснуудынх нь гарт өгч харь нутагт цөлсөн. Өнөөдөр итгэгч бид энэ түүхээс сургамж авч Эзэнээс эмээж, Эзэнийг дуулгавартай дагаж амьдрах учиртай. Бидний улс орон ийм байдалд орж Бурханы шийтгэлийг хүртэхгүйн тулд бид залбирч, Бурханы үгийг тунхаглах ажлыг илүү шаргуугаар хийх ёстой. Мэдээж юуны өмнө мэдлэгт суралцах хэрэгтэй.

Өнгөрсөн удаагийн хичээлийн төгсгөлд Ром гүрний мөхсөн таван шалтгааныг үзэх үед Монголынхоо төлөө үнхэээр санаа зовж залбирсан гэдгээ хэлсэн ёстой байх. Бурхан гэм нүглийг шийтгэлгүй орхидоггүй. Гэхдээ Өөр дээр нь гэмшинж даруугаар ирж байгаа нүгэлтнийг Бурхан хэзээ ч түлхдэггүй. Хожим нь Эзэн Есүс Христ дахин ирэх үед Тэрээр бүх улс үндэснүүдийг шүүж бардам ихэмсэг нэгнийг номхруулж, худал хуурмаг шүтээнүүдийг зайлуулж, даян дэлхийг энх тайван дотор захирах болно. Харин тэр цагийг ирэх хүртэл итгэгч бид бүгдээрээх үнд биш харин Бурханд бүх итгэл найдвараа тавин амьдрах учиртай. Итгэл үнэмшил нь улс гүрнээ,гэр орноо авч явахад нөлөөлөхөө болих үед л мөхдөг юм байна. Хичээлээ үргэлжлүүлэн сонсоод ивээл их аваарай.

Исаиа номноос Бурханы хууль хэлж өгсөөр байхад зөрүүдэлж байгаа өөрийн хүүхдүүдэд сануулга өгч байгаа эцгийн зүрх сэтгэлийг харна. Бурханы хувьд бидний гадаад байдал биш зүрх сэтгэл хамгийн чухал байдаг. Хэдийгээр бид гаднаа цуглаанд явж, Бурханд үйлчилж, өргөл өргөж, Бурханыг гэрчилж байсан ч бидний зүрх сэтгэл Бурханаас хол байх юм бол энэ бүх үйлс Бурханы өмнө ямар ч үнэ цэнэгүй. Харин бид ямар ч үед Бурханы өмнө даруугаар, гэмшилтэйгээр ирэх үед Бурхан биднийг таалан хүлээж авдаг. Бид хэдийгээр гэм нүгэл үйлдсэн ч Бурхан биднийг Өөртөө дуудаж, биднийг уучлан хүлээж авахад хэзээд бэлэн байдаг. Учир нь Есүс Христ бидний гэм нүглийн бүх л төлөөсийг аль эрт төлсөн юм. Бид Есүс Христээр дамжин хэзээ ч Бурхан Эцэг дээр ирэх бүрэн боломжтой билээ.

Өнөөдөр Исаиа номноос Бурхан бол зөв шударга , Бурхан аливаа шүүлтийг үйлдэхдээ ил тодоор, гэрчтэй баримттайгаар шүүдэг. Бурхан хэдийгээр нигүүлсэнгүй өршөөнгүй Бурхан боловч зөв шударга Бурхан гэдгийг бид мартаж болохгүй. Бурхан гэм нүглийг шийтгэлгүй орхихгүй. Итгэгч бид Бурханы дуу хоолойг дагаж Бурхан Эзэндээ дуулгавартайгаар амьдрах нь чухал юм. Израильчууд Бурханы өмнө дуулгаваргүй зөрүүд байснаасаа болоод амлагдсан нутгаас хөөгдсөн Бурхан тэднийг тэжээвэр амьтдаас дор хэмээн зэмлэн байна. Энэ номноос хамгийн гол сурах зүйл бол Бурхан аврахын тулд ямар их нигүүлсэл үзүүлж зуурч байгааг мэдэх явдал юм. Бид бол аль хэдийнээ хаячихаар олон тохиолдолд байсан ч Бурхан хаяж орхихгүй байгааг анзаарах нь чухал шүү.

Сонсогч танд өнөөдрөөс эш үзүүлэгчийн талаар онцгой мэдлэг мэдээлэл өгөх Исаиа номыг хүргэх болно. Хүмүүс итгэл үнэмшлийн талаар ярилцахдаа өөрийн амьдралд тайлал хайж библид энэ талаар юу гэдэг вэ? тэр талаар юу? гэх мэт сониучирхдаг. Өнөөдрөөс бид эш үзүүлэгийн талаар үзэхдээ энэ талаар хүмүүст их хатуу хариулт өгч ч магадгүй. Учир нь Бурхан хөлс авч дуртай юмыг нь яридаг нэгэн биш. Саяхан 1949 онд бараг 2000 жилийн өмнөх Исаяа номыг вааранд хуулиатай байхыг олсон гайхалтай яг л таны өнөөдрөөс сонсон суралцах номтой үг , утга ижил байсан нь гайхалтай. Өнөөдрөөс Бурхан Исаиа номоор ард түмэндээ эш үзүүлэгүүдээ хэзээ хэлж, хэрхэн биелэж байсныг одоо таны амьдралд хэрхэн буухыг тайлан заах болно.

Бид өнгөрсөн хичээлээр “чин зүрхнээсээ хийгтүн” Бурханы үйлчлэлийг хийгээрэй гэсэн Паулын ятгалагыг хүлээн авсан. Бид ажил үйслтээ зүрх сэтгэлээ зориулж, Эзэний төлөө гэсэн чин сэтгэлээр бүхнийг хийх нь чухал гэдгийг ойлгосон билээ. Хэрвээ ямар нэг ашиг сонирхолын төлөө хэн нэгнийг хохироож, зөвхөн өөрийгөө бодож ажиллах юм бол тусгүй, үр нөлөөгүй хөдөлмөр байх болно. Харин өөрт чинь ашиггүй ч гэсэн. Өрөөлд хэрэгцээтэй байх тийм л үйлсийг өнөөдөр Христэд итгэгч бид үйлдэх нь чухал юм. Харин өнөөдрийн хичээлээр итгэгч хүмүүс бид ажлын талбар дээрээ ч Эзэний ариун зөвт байдлыг харуулан амьдрах учиртай. Эзэний үг, Эзэний үнэн бидний амьдралын талбар нэг бүр дээр ноёрхож тийнхүү бидний амьдрал Есүс Христийг гэрчлэн харуулж байвал энэ жинхэнэ итгэлийн амьдрал гэгийг сурах болно.

Өмнөх хичээлээр амьд Эзэн Есүс Христ дотор дуудагдсан бид хуучин хүнээ буюу хуучин зан чанар, хуучин муу зуршлуудаа тайлж хаяад оронд нь Христ доторх цоо шинэ хүнийг, цоо шинэ зан чанар, сайн зуршлуудыг өмсөх хэрэгтэй тухай. Мөн Христ дотор тэрхүү шинэ амьдралаар амьдрахад ганцхан Ариун Сүнсний тусамжтайгаар л бид амьдарч чадна гэдгийг суралцсан билээ. Харин өнөөдрийн хичээлээр хамтдаа бусадтай харилцахдаа Есүсийн хайраар хандах нь маш чухал гэдийг, бас бидний итгэл зөвхөн үг яриа биш. Харин бидний харилцаан дээр, бидний гэр бүл дээр, бидний ажлын талбар дээр бодит биелэл болох учиртайг сурах болно. Тэгж байж бид Эзэн Есүсийг амьдралаараа гэрчлэн харуулж, энэ дэлхий дээрх Түүний гэрэл давс нь байж чадах юм. Амаараа сайн итгэгч мэт дүр эсгээд, амьдрал дээр биелүүлэхгүй бол бид бусдаас ялгарахгүй. Тиймээс амаараа хэлсэн үгээ амьдралдаа биелүүлэхийн тулд бид ариун сүнстэй хамт байх хэрэгтэй юм.