Өнөөдөр бид хамтдаа Дуулал номын 144-р бүлгээс 150-р бүлгийг дуустал үзэх болно. Өөрөөр хэлбэл Дуулал номоор бэлтгэсэн хичээл маань өнөөдөр өндөрлөнө гэсэн үг.

Бидний хамгийн эхэнд үзэх Дуулал 144-р бүлэг бол Давид хааны зохиосон Дуулал. Энэ Дуулал нь Давид хааны зохиосон өөр нэгэн Дуулал болох Дуулал 18-р бүлэгтэй их төстэй. Давид хаан энэхүү Дуулал 144-р бүлгийг Саул хааны гараас чөлөөлөгдөн аврагдсан тэр цаг үед зохиосон гэж үздэг. Нөгөөтэйгүүр энэ нь ирээдүйд хандсан буюу итгэгч бидэнд хандсан эш үзүүллэг гэж бид ойлгож болно.

Бид гэм нүглээр дүүрэн энэ дэлхий дээр амьдарч байгаа ч бид зүрх сэтгэлдээ тэрхүү бузар мууг оруулахыг зөвшөөрч болохгүй. Бид бузар муугаас бидний зүрхийг хамгаалаач хэмээн Бурхаанаас гуйдаг байх хэрэгтэй. Зовлон дундаас тусламж гуйн хашгирч буй Өөрийнхөө хүмүүсийг Бурхан сонсож, тэднийг хамгаалдаг. Зөвхөн Бурхан л бидний хоргодох газар, өмөг түшиг билээ.

Бид Бурханыг магтахдаа бүх зүрхээрээ магтаж алдаршуулдаг байх ёстой. Бидний магтаал үнэн зүрхний магтаал байх юм бол тэр магтаалаар Бурхан алдаршдаг. Бидний итгэдэг Бурхан бол агуу Бурхан. Тэр бол хэмжээлшгүй хүч чадалтай, бүхнийг мэдэгч, бүхнийг чадагч, хаа сайгүйгээр оршигч Бурхан. Ийм агуу Бурханы хүүхдүүд болсон бид үнэхээр ерөөлтэй хүмүүс юм.

Бид энэ дэлхий дээр түр зуур амьдарч   байгаа хүмүүс. Бидний мөнхийн гэр мөнхийн улсад байгаа. Харин бид энэ дэлхийд   амьдрах хугацаандаа Бурхан Эзэнээ магтан алдаршуулж, Түүнийг дуулгавартай дагаж амьдрах ёстой. Бидний Эзэн Есүс   Христ дахин ирж бүхнийг шүүх тэр цагт бид мөнхийн улсад Түүнийг мөнхийн   мөнхөд магтах болно.

Хамтдаа энэ цагт Дуулал номын 132-136-р бүлгийг үзэх болно. Дуулал 132-р бүлэг дээр Бурханы амлалтан дотор амрах тухай, Бурханд итгэх итгэлийн тухай өгүүлдэг. Дуулал 132-р бүлгийг хэн бичсэн нь тодорхойгүй байдаг. Зарим Библийн багш нар Давид гэж үздэг ч ихэнх Библийн багш нар энэ бүлгийг Давид зохиогоогүй гэж үздэг. Өөрөөр хэлбэл энэ Дуулалыг Соломон хаан зохиосон байх магадлал илүү өндөр гэж ихэнх судлаачид үздэг гэсэн үг.

Энэхүү Дуулал нь Эзэний гэрээний авдрыг Давидын үед байсан майхан сүмээс нүүлгэн шилжүүлж Соломоны барьсан сүр жавхлантай сүмд байрлуулах үед Соломоны зохиосон Дуулал гэж ихэнх судлаачид үздэг. Энэ Дуулал бол Бурханы гэрээний авдрын талаар өгүүлсэн цорын ганц Дуулал гэдгээрээ онцлогтой байдаг.

Өнөөдөр бид хамтдаа Дуулал номын 123-131-р бүлгийг нэгтгэн үзэх болно. Бидний хамгийн эхэнд үзэх Дуулал 123-р бүлэг бол 124, 125-р бүлэгтэй нийлээд нэг багц Дуулалууд болдог. Энэ багц 3 дуулал нь нийлээд нэгэн сайхан түүхийг бидэнд өгүүлэх болно. Дуулал 123-125-р бүлэг бол бүгдээрээ өгсөх Дуулалууд. Өгсөх Дуулал гэдэг нь Иерусалимд мөргөл үйлдэхээр алсаас ирж яваа мөргөлчидийн замдаа дуулдаг байсан Дуулалууд гэж бид өмнөх хичээлээрээ үзсэн шүү дээ.

Бидний өнөөдөр үзэх Дуулал 120-р бүлгээс эхлээд 134-р бүлгийг дуусталх 15 бүлэг Дуулалыг нийтэд нь “өгсөх дуулал” гэж нэрлэдэг. Нэгэн мундаг Еврей багш эдгээр Дуулалуудыг “гэртээ харьж яваа жингийн цувааны дуулал” гэж нэрлэсэн байдаг.

Энэ цагт бидний үзэх Дуулал 119-р бүлэг бол хамгийн урт Дуулал төдийгүй Библийн хамгийн урт бүлэг юм. Дуулал 119-р бүлэг нь нийтдээ 176 эшлэлтэй. 176 эшлэл нь бүгдээрээ Бурханы үгийг магтсан утгыг агуулсан байдаг. Үнэхээр Дуулал 119-р бүлэг Библийн хамгийн урт бүлэг хэрнээ бүхэлдээ Бурханы үгийг магтсан байдаг шиг бидний амьдал ч бас бүхэлдээ Бурханы үгийг алдаршуулсан амьдрал байгаасай гэж би үнэхээр хүсэж байна. Итгэгч бидний хувьд Бурханы үгэнд онцгой анхаарал хандуулдаг байх учиртай.

Өнөөдөр бид хамтдаа Дуулал 117-118-р бүлгийг үзэх болно. Дуулал 113-р бүлгээс Дуулал 118-р бүлэг буюу энэ 6 бүлгийг нэгтгээд Халлел дуулалууд гэж нэрлэдэг гэж бид өмнө нь үзэж байсан шүү дээ. Эдгээр 6 Дуулалыг Израиль үндэстний хамгийн гол баярууд буюу Алгаслын баяр, Пентекостын баяр, Майхан баярын үеэр дуулдаг байснаараа онцлогтой.

Өнөөдөр бид хамтдаа Дуулал номын 114-р бүлгээс 116-р бүлгийг дуустал үзэх болно. Халелүяа гэсэн үгээр эхлэх буюу Халелүяа гэсэн үгээр дуусдаг Дуулалыг “Халлел Дуулал” гэж нэрлэдэг. Дуулал 114-р бүлэг бол Халелүяа гэсэн үгээр дуусдаг Халлел дуулалуудын нэг юм. Ерөнхийдөө Дуулал 113-118-р бүлгийг нийлүүлээд “Египетийн Халлел Дуулалууд” гэж нэрлэдэг. Эдгээр Дуулалууд дээр Израилийг Египетийн боолчлолоос Бурхан хэрхэн чөлөөлснийг эргэн дурссан утга санаанууд агуулагддаг учраас эдгээр Дуулалуудыг ийнхүү нэрлэсэн байна.