Бидний эргэн тойронд бузар муу хүмүүс шударга бус арга замаар дэвжин дээшилж байгааг харахдаа бид гайхдаг. Бурхан яагаад ийм зүйлийг зөвшөөрдөг юм болоо гэж боддог. Харин бид тэр хүмүүсийг төгсгөлийг харах ёстой. Бурхан хожим нь бүх хүмүүсийг шударгаар шүүх болно. Есүс Христ дахин ирэх тэр үед бүх дэлхий Бурханы шударга шүүлтийн өмнө зогсох болно. Түүнд итгэж Түүгээр аврагдсан хүмүүс тэр цагт Бурханы оршихуйд Бурхантай хамт зогсох болно.

Өнөөдөр бид хамтдаа Дуулал номын 69-с 72-р бүлгийг дуутсал үзэх болно. Бидний хамгийн эхэнд үзэх Дуулал 69-р бүлэг бол Мессиа Аврагчийн тухай эш үзүүлсэн Дуулал юм. Давидын зохиосон энэ Дуулал нь маш онцгой Дуулал.

Есүс Христ энэ дэлхий дээр дахин ирэх үед Тэрээр бүх үндэстнүүдийг шударгаар шүүж, Өөрийн төгс хаачлалыг байгуулах болно. Харин тэр цагийг хүртэл бид Бурханд итгэж Бурханаас зууран амьдрах учиртай. Есүс Христ дахин ирэхдээ бурханлаг бус бүхнийг устгаж, харин Өөрийнхөө хүмүүсийг мөнхийн улсдаа оруулах болно. Бурханд итгэж найддаг ард түмэн Бурханаас хүч чадлыг авах болно.

Өнөөдөр бид хамтдаа Дуулал 61-р бүлгээс Дуулал 66-р бүлгийг дуустал үзэх болно. Дуулал 61-с 66-р бүлгийг дуусталх энэ бүлэг Дуулалууд нь хамтдаа бурханлаг хүмүүсийн залбирал болон тэдний итгэлийн тухай өгүүлдэг Дуулалууд юм. Эдгээр 8 Дуулал дээр гарч байгаа бурханлаг хүний залбирлаас бид Бурхандаа бат итгэж найдсан ганхашгүй бат итгэлийг олж харах болно.

Өнөөдөр бид хамтдаа Дуулал номын 56-60р бүлгийг судлах болно.Эдгээр багц Дуулалуудыг хамтад нь нэгтгээд “Миктам Дуулалууд” гэж нэрлэдэг. Тэгвэл Миктам гэдэг нь юу гэсэн үг вэ? Энэ нь хөдлөшгүй, бат гэсэн утгатай үг юм. Миктам гэдэг үгийг махчлан орчуулбал “сийлэгдэн үлдсэн” гэсэн утгыг илэрхийлдэг. Өөрөөр хэлбэл Микат гэсэн энэ үг нь “хөдлөшгүй, хувиршгүй, бат бэх” гэсэн утгыг илэрхийлдэг. Дуулал номын 57р бүлгийн 7р эшлэлд Давид “Зүрх минь бат байна” хэмээн тунхагласан байдаг. Энэ бол Миктам юм.

Өнөөдөр бид хамтдаа Дуулал 52-р бүлгээс 55-р бүлгийг дуустал үзэх болно. Энэхүү багц 4 бүлэгт хожим нь гарч ирэх Антихристийн тухай өгүүлдэг. Эзэн Есүс энэ талаар Чидун уулан дээрх сургаалдаа онцолсон байдаг. Эш үзүүлэгч Даниел болон элч Паул ч бас энэ тухай өгүүлсэн байдаг. Энэхүү 4 бүлэг нь бүгдээрээ Маскил буюу зааварчилгаа өгөх зорилготой Дуулалууд юм. Эдгээр Дуулалуудаас бид ирээдүйн талаар хэд хэдэн чухал ойлголтыг авч болно.

Өнөөдөр бид хамтдаа нэгэн гайхамшигтай яруу Дуулалыг үзэх болно. Энэ бол Дуулал 51-р бүлэг. Дуулал 51-р бүлгийн эхэнд энэхүү Дуулал бичигдэх болсон шалтгааныг өгүүлсэн байна. Энэхүү бүлэг бичигдэх болсон шалтгааныг ойлгох юм Дуулал 51-р бүлгийн эхэнд: “Удирдаачид. Батшеба уруу орсных нь дараа Давид дээр эш үзүүлэгч, Натан ирсэн үеийн Давидын дуулал” гэж бичигдсэн байна. Энэ тайлбар Давидын амьдралын нэгэн томоохон хар толбыг бидэнд сануулж байна.

Өнөөдөр бид хамтдаа Дуулал 49 болон 50-р бүлгийг судлах болно. Хамгийн эхэнд бидний үзэх Дуулал 49-р бүлэгт Бурхан бузар муу хүмүүст болон зөвт хүмүүст хэрхэн ханддаг талаар өгүүлэх болно. Бурхан зөвт хүмүүст хэрхэн ханддаг болохыг Дуулал 49-р бүлэгт эсрэгцүүлэн гаргаж ирсэн байдаг. Энэхүү бүлэг дээр эд баялагийн хуурамч чанарын талаар болон, амьдрал ямар охор богино вэ гэдгийг өгүүлж асуудлыг тойруулах биш харин баян байдал дотроо бардамнагч хүмүүсийн төгсгөл нь гарцаагүй сүйрэл байх болно гэдгийг шууд ил тодоор тунхагласан байдаг.

Өнөөдөр бид хамтдаа Дуулал 46-р бүлгээс Дуулал 48-р бүлгийг дуустал үзэх болно. Энэ гурван бүлэг нийлээд хамтдаа хожим нь энэ дэлхий дээр байгуулагдах тэрхүү Бурханы хаанчлалын тухай өгүүлэх болно. Дуулал 45-р бүлэгт энэ дэлхий дээр хаанчлалаа байгуулахаар ирж байгаа Хааны тухай өгүүлсэн бол бидний хамгийн эхэнд үзэх Дуулал 46-р бүлэгт тэрхүү хаанчлалынх нь талаар харуулах болно.

Бид энэ цагт хамтдаа Дуулал номын 44-45-р бүлгийг үзэх болно. Тэгэхээр эхэнд судлах Дуулал 44-р бүлэг бол мөн л Корагийн хөвгүүдийн маскил юм. Өөрөөр хэлбэл энэ Дуулал бидэнд ухаарал, зааварчилгааг өгөх болно гэсэн үг.