Бид өнөөдөр хамтдаа Дуулал 42-43 бүлгийг үзэх болно. Дуулал 42р бүлгээр дамжуулаад Эхлэл номын 2р багц буюу “Дуулал номон дахь Гэтлэл ном” эхэлж байна. Дуулал номын 42р бүлгээс эхлээд 72р бүлгийг дуустал энэ багц хэсгийг “Дуулал номон дахь Гэтлэл ном” гэж нэрлэдэг.

Өнөөдөр бид хамтдаа Дуулал номын 39-41р бүлгийг үзэх болно. Хамгийн эхэнд үзэх Дуулал 39-р бүлэг бол үнэхээр хүмүүн биднийг ямар сул дорой болохыг, бидний амьдрал ямар охор богино болохыг илчлэн харуулсан гайхамшигтай Дуулал юм. Энэхүү Дуулалыг ихэвчлэн оршуулгын ёслол дээр уншдаг. Давид өөрийнхөө дотор оволзож байсан тэр их шаналалаа дарж, гэм нүгэлтэй хүмүүсийн өмнө уруулаа хазан байж тэссэн. Тэгээд дараа нь энэ бүхнээ бүгдийг нь Бурханы өмнө авчиран асгаж байгаа тэр дүр зургийг бид энэ Дуулалаас харах болно.

Өнөөдөр бид хамтдаа Дууулал номын 36-38-р бүлгийг үзэх болно. Бидний хамгийн эхэнд үзэх Дуулал 36-р бүлэгт Давид хааныг “Иеховагийн зарц” гэж тодорхойлсон байдаг. Энэхүү гайхалтай Дуулалаас бид хүмүүний зүрх сэтгэл ямар бузар муу болохыг олж харах болно. Магадгүй танд жаахан онцгүй сонсогдож байж болно. Гэхдээ хүний зүрх сэтгэл бол бузар муу юм.

Бид энэ цагт хамтдаа Дуулал номын 34-35 бүлгийг судлах болно. Дуулал 34-р бүлгийн эхэнд “Абимелехийн өмнө галзуурсан дүр үзүүлж, хөөгдөөд явах үеийн Давидын дуулал” гэсэн тодорхойлолт байдаг. Өөрөөр хэлбэл бидний өнөөдөр үзэх Дуулал 34-р бүлэг маань Давидын амьдралд тохиолдсон нэгэн үйл явдалтай холбоотой гэсэн үг юм.

Энэ цагт бид хамтдаа Дуулал 32-33 бүлгийг үзэх болно. Бидний хамгийн эхэнд үзэх Дуулал 32-р бүлгийг “сүнслэг үнэт чулуу” гэж зарим Библийн багш нар нэрлэдэг. Энэ Дуулалын эхэнд “Давидаас, Маскил” гэж бичсэн байгааг та харж байгаа байх. Маскил гэдэг нь “зааварчилгаа өгөх” “зааж сургах, ойлгуулах” гэсэн утгатай үг юм.

Өнөөдрийн үзэх Дуулал 31-р бүлгээс та, зовлон дундаас залбирч байгаа бурханлаг хүний залбирлыг дахин олж харах болно. Ер нь Дуулал номон дээр зовлон дундаас залбирч байгаа бурханлаг хүний залбирал маш их гардаг. Бодоод байхнээ бурханлаг хүмүүст зовлон бэрхшээл илүү их тулгараад байх шиг санагддаг. Дуулал 31-р бүлэг нь Давидын амьдралд тохиолдож байсан зовлон бэрхшээлийн талаар өгүүлдэг ч энэ нь өнөөдрийн бидний амьдралтай ч холбоотой юм. Нөгөөтэйгүүр хожим ирэх Их Зовлонгийн цагт Израилийн бурханлаг үлдэгсдийн эдлэх тэр зовлонг ч бас эш үзүүлсэн байх гэж би боддог. Дуулал 31-р бүлэг дээрээс бид өөрсдийн амьдралд тустай маш олон үнэнийг олж мэдэх болно.

Өнөөдөр бид хамтдаа Дуулал 29-30 бүлгийг үзэх болно. Дуулал 29-р бүлэг бол байгаль болон дэлхий ертөнцийн тухай өгүүлсэн Дуулал юм. Өөрөөр хэлбэл Бурханы энэ бүх бүтээлүүд Бурханы хүч чадлыг хэрхэн илэрхийлж байгаа талаар өгүүлсэн Дуулал.

Өнөөдөр бид хамтдаа Дуулал 27, 28-р бүлгийг үзэх болно. Бидний хамгийн эхэнд үзэх Дуулал 27-р бүлэг бол нилээд алдартай бүлэг. Энэ бүлгийг бид маш сүнслэг бүлэг гэж ойлгож болно. Та эхний эшлэлийг уншихад л танд танил санагдаад ирнэ. Дуулал 27-р бүлгийг судлаачид ерөнхийд нь 2 хэсэгт хувааж үздэг. Эхний зургаан эшлэлд Бурханд итгэж найддаг хүмүүсийг Бурхан ивээж хангадаг тухай өгүүлсэн байдаг бол үлдсэн хэсэг нь Бурханаас аврал тусламж гуйсан залбирлаас бүтсэн байдаг. Энэ гайхамшигтай Дуулал бол бусдаас тасарчихсан мундаг итгэгчдэд л зориулсан Дуулал ерөөсөө биш шүү. Харин ч эсрэгээрээ эгэл жирийн итгэгчид бидний амьдралд хандсан гайхамшигтай Дуулал юм. Дуулал 27-р бүлэг нь Давидын өөрийнх залбирсан залбирал байдаг.

Өнөөдөр бид хамтдаа Дуулал номын 25-26 бүлгийг үзэх болно. Бидний ийнхүү судлах Дуулал 25-р бүлгээс Дуулал номын өөр нэгэн багц Дуулалууд эхэлж байна. Дуулал 25-39-р бүлгийг хүртэлх эдгээр 15 Дуулал бол бүхэлдээ Давидын зохиосон Дуулалууд юм. Гэхдээ хэдийгээр эдгээр нь Давидын амьдралд тохиолдсон үйл явдлууд боловч өнөөдрийн итгэгч бидэнтэй холбоотой юм. Бидний өмнө нь үзсэн Дуулалууд бол нилээд сүртэй, нилээд хурц тод илэрхийлэлтэй байсан бол одоо бидний үзэх багц Дуулалууд нь илүү намуухан, илүү хувийн шинж чанартай байдаг. Энэ бүх Дуулалууд бүгд өнгөрсөн, одоо, ирээдүй цагтай холбогддог. Эдгээр Дуулалуудаас зарим нь бидэнд төдийлөн танил бус санагдаж болох юм. Гэхдээ тэд бүгд бидэнд Бурханы гайхамшигтай үнэнийг тунхаглах болно.

Өнөөдөр бид хамтдаа Дуулал 23, 24-р бүлгүүдийг үзэх болно. Дуулал 23-р бүлэг бол итгэгч хүн бүрийн сайн мэдэх, маш алдартай бүлэг. Гэхдээ Дуулал 23-ыг илүү сайн ойлгохын тулд Дуулал 22-г судлах ёстой болно. Өөрөөр хэлбэл Дуулал 22 байхгүй бол Дуулал 23 ямар ч утгаггүй болно гэсэн үг. Ер нь Дуулал 22, 23, 24 гэсэн энэ 3 бүлгийг цуврал 3 бүлэг эсвэл багц 3 бүлэг гэж ойлгож болно. Зүйрлүүлбэл яг л 3 ангит кинотой адил юм.  Энэ гурван бүлгийг нийтэд нь “Хоньчины Дуулал” гэж нэрлэдэг.