Өнөөдөр бид хамтдаа Дуулал 22-р бүлгийг үзэх болно. Миний хувьд Библи дээрх зарим нэг бүлгийг тайлбарлахаасаа эмээдэг. Яагаад гэвэл тэр бүлгүүдийг тайлбарлаж чадахгүй байх гэж би өөрийгөө голдог юм. Дуулал 22-р бүлэг бол тэр бүлгүүдийн л нэг. Бид Дуулал 22-р бүлгийг унших үедээ Бурханы ариун газарт зогсдог. Тиймээс ч өөрсдийнхөө сүнслэг гутлыг тайлах ёстой гэж би боддог. Энэхүү Дуулал 22-г “Загалмайн дуулал” гэж нэрлэдэг. Яагаад гэвэл Дуулал 22 дээр Есүсийн загалмайн зовлонг өөр хаана ч байхгүйгээр нарийвчлан өгүүлсэн байдаг. Тэр утгаараа Дуулал 22-р бүлэг нь Эхлэл номын 23, Исаиа номын 53-р бүлэгтэй холбогддог юм.

Өнөөдөр бид хамтдаа Дуулал номын 20-21 бүлгийг үзэх болно. Бидний хамгийн эхэнд үзэх Дуулал 20-р бүлгийг Библийн багш нар тэр бүр Аврагч Мессиатай холбоотой Дуулал гэж үздэггүй ч би хувьдаа үүнийг Мессиатай холбоотой Дуулал гэж тооцдог. Энэ Дуулал дээр Аврагч Мессиагийн тухай болон Түүний золилтын ажлын талаар эш үзүүлсэн байдаг. Энэхүү Дуулал 20-р бүлэг нь Израильчууд өөрсдийн хүлээж буй Мессиа Аврагчийг ерөөн залбирч, Түүний үйлчлэлд амжилтыг хүсч буй утга санааг илэрхийлдэг. Израильчууд энэ Дуулалыг сүмдээ нийтээрээ хамтдаа дууулдаг байсан гэж үздэг.

Удахгүй ирж өөрсдийнх нь төлөө дайсныг нь дарах Аврагч Мессиагийн ялалтын төлөө залбирч, Түүнийг Бурхан Эцэгийн хүслийг бүрэн гүйцэлдүүлэхийн төлөө гуйж байгаа тэрхүү дүр зургийг бид Дуулал 20-р бүлгээс харах болно.

Өнөөдөр бид хамтдаа Дуулал номын нэгэн гайхалтай бүлэг болох Дуулал 19-р бүлгийг үзэх болно. Энэ бүлгийг бид Бурханы бүтээлийн тухай Дуулал гэж нэрлэж болно. Түүнчлэн энэ бүлгийг Библи судлаачид бүтцийнх нь хувьд “Бурхан Өөрийгөө бүтээлүүдээрээ дамжуулан илчилсэн нь”, мөн “Бурхан Өөрийгөө тушаалуудаараа дамжуулан илчилсэн нь” гэж хоёр хувааж үздэг. Харин би хувьдаа энэ хоёр дээр нэмээд “Бурхан Өөрийгөө Христийн дотор илчилсэн нь” гэсэн гуравдах хэсгийг оруулсан байгаа. Энд өгүүлэгдэж буй Бурханы аврал, золилт, нигүүлсэл бүхэн Христтэй холбоотой юм. Энэ бүлгээс бид Бурханы бүтээлүүд Бурханыг хэрхэн илчилдэг болохыг, Бурханы үг тушаалууд Бурханыг хэрхэн гэрчилдэг болохыг мөн Бурханы нигүүлсэл Бурханыг хэрхэн гэрчилдэг болохыг тодорхой үзэх болно.

Өнөөдөр бид Дуулал 17-18 бүлгийг үзэх болно. Бидний эхний үзэх Дуулал 17-р бүлгийг “Давидын залбирал” гэж нэрлэдэг. Энэ Дуулалыг Давид чухам хэзээ бичсэн нь тодорхойгүй байдаг ч Саул болон түүний хүмүүсээс зугтан нуугдаж явах үедээ бичсэн байх гэж үздэг. Тэр тусмаа тэдэнд баригдахад маш ойрхон ирж амь нас нь аюулд учирсан тэр хүнд хэцүү үедээ Давид энэ Дуулалыг бичсэн байх магадалал өндөр юм. Энэхүү Дуулал нь Бурханд бат итгэж найдсан Давидын итгэлийг бидэнд илчилж өгдөг. Мөн өнөөдөр итгэгч бидний амьдралд ч бас хүнд хэцүү асуудал тулгарах үед бид энэ залбирлаар Бурханы өмнө ирээд залбирах бүрэн боломжтой.

Өнөөдөр үзэх Дуулал 16-р бүлэг дээр Христийн амилалтын тухай эш үзүүлсэн байдаг. Энэ бол Мессиа Аврагчийн тухай өгүүлсэн Дуулал номон дээрх 3 дахь Дуулал юм. Дуулал 16-р бүлгийн 8-р эшлэл дээр Христийн амьдралын талаар цухас дурдсан байдаг бол 9-р эшлэл дээр Христийн үхэл, 10-р эшлэл дээр Христийн амилалтын талаар өгүүлсөн байдаг. Дуулал 16-р бүлэг дээрх Христийн амилалтын тухай эш үзүүллэгийг Шинэ гэрээнд гурван өөр хэсэгт гурвантаа эш татсан байдаг.

Энэ өдөр бид хамтдаа Дуулал 13-р бүлгээс 15-р бүлгийг дуустал үзэх болно. Бидний хамгийн эхэнд үзэх Дуулал 13-р бүлэгт Давид хааны цөхрөнгөө барсан залбирал гардаг. Хэдийгээр Дуулал 13-р бүлэг нь Давидын амьдралд тохиолдсон үйл явдлаас эхтэй боловч үүнийг бид Бурханд итгэж найддаг бурханлаг хүмүүсийн амьдралтай холбож тайлбарлах бүрэн боломжтой юм.

Өнөөдөр бүгдээрээ Дуулал 11 болон 12-р бүлгийг үзэх болно. Дуулал 11-р бүлэг бол Давид хааны зохиосон богинохон хэрнээ үнэхээр яруу сайхан Дуулал. Давид хаан яг ямар нөхцөл байдал дунд энэ Дууллыг бичсэн бэ гэдгийг бид мэдэхгүй. Гэхдээ ямар ч байсан Давидын амьдралд тохиолдсон хавчлага зовлон, саад бэрхшээлийн дунд энэ Дуулал төрөн гарсан нь лавтай.

Өнөөдөр бид хамтдаа Дуулал номын 9-10р бүлгүүдийг судлах болно. Өмнөх 2 болон 8-р бүлэгт Мессиа Аврагчийн тухай гардаг бол харин энэ хоёр бүлгийн хоорондох Дуулал 3-7 бүлэг нь энэ хоёр бүлгийн холбоос болдог гэж бид үзсэн. Тэгвэл хэрвээ Дуулал 2-8р бүлгийг бид уулын өөд өгссөн өгсөх зам байсан гэж үзвэл дараагийн долоон дуулал бүгд уулнаас уруудаж яваа замтай адилхан юм. Дуулал 9 болон 10-р бүлэг нь өөр хоорондоо нягт холбоотой бүлгүүд юм.

Өнөөдөр бид хамтдаа Дуулал номын 8-р бүлгийг үзэх болно. Дуулал 8-р бүлэг бол Мессиа Аврагчийн тухай эш үзүүлсэн Дуулал гэдгээрээ онцлог юм. Шинэ гэрээн дээр Дуулал 8-р бүлгээс нийт 3 удаа эш татсан байдаг. Тэр бүү хэл Эзэн Есүс хүртэл Өөрөө Дуулал 8-р бүлгээс эш татсан байдаг юм. Матай 21-р бүлэг дээр Есүс Иерусалим хотод сүүлчийн удаагаа ирсэн тэр онцгой үйл явдлын талаар тэмдэглэгдэн үлдсэн байдаг.

Өнөөдрийн бидний хамгийн эхэнд үзэх Дуулал 5-р бүлгийг мөн л Давид хаан бичсэн. Дуулал 4-р бүлгийг чавхдаст хөгжимд зориулан бичсэн бол энэ удаад Дуулал 5р бүлгийг лимбэ хөгжмөөр тоглох зориулалттай юм. Давидын хувьд өөрийнхөө Дууллуудыг үргэлж уянгалаг хөгжимтэй хослуулан бичсэн байдаг. Түүний зохиосон Дууллуудыг найрал дуучид дуулж, найрал хөгжимчид хөгжимддөг байсан. Харин найрал хөгжмийн урд лимбэний гоцлол Дуулал 5-р бүлгийг тоглодог байсан гэсэн үг. Дуулал 5-р бүлэг бол итгэлийн залбирал.