Өнөөдрийн дугаараас эхлэн бид шинээр Нехемиа номноос судалж эхлэх болно. Персийн хааны ордонд маш чухал алба болох хааны сөнчөөр ажилладаг Нехемиагийн тухай болоод Иерусалим хотын балгас болон сүйдсэн хана хэрэм, дааман хаалгануудыг сэргээн босгох ажлыг хэрхэн өрнүүлж буй тухай үзэх болно. Өнөөгийн хэллэгээр бол Нехемиа жирийн нэг төрийн албан хаагч. Харь нутагт, харийн хаанд үйлчилж байгаа түүний зүрх сэтгэлд Бурхан Иерусалим хотыг сэргээн босгох хүсэл сэтгэл, төлөвлөгөөг өгснөөр түүхэнд өөрчлөлт авчрах амьдралынх нь цоо шинэ хуудас ийнхүү эхэлдэг. Нехемиагийн түүх бол Бурхан хэрхэн жирийн хүнийг ашигладаг гэдгийг харуулах тод жишээ юм.

www.itgelradio.com

Паул өөрийгөө сайн тэмцлээр   тэмцсэн, замаа дуусгасан, итгэлээ сахисан гэж хэлсэн. Итгэгч бид ч бас   амьдралынхаа төгсгөлд ингэж хэлэх чадвартай байхын тулд энэ амьдралаа Эзэний   алдрын төлөө зориулах хэрэгтэй. Эзэн Есүсийг хайрлагч хүн бүхэнд эцсийн өдөр   зөвт байдлын титмийг Бурхан өгөх болно.

Бид цагаа олсон ч олоогүй ч, ямар ч үед Бурханы үгийг тунхаглахад бэлэн байх ёстой. Эцсийн өдрүүдэд хүмүүс Бурханы үгийг биш өөрсдийнхөө чихэнд таатай үгсийг сонсохыг хүсэх болно. Харин тэр бүхнээс үл шалтгаалан бид хэцүү бэрхийг тэвчин Бурханы үгийг дамжуулах учиртай.

Христ дотор итгэлээрээ амьдрахыг хүсэгч хүн бүхэн хавчигдах болно гэж Библи хэлдэг. Харин тэр бүх хавчлага, итгэлээсээ урван тэрслэх хүнд хэцүү цагт Бурханы үг л цор ганцаараа бидний итгэл найдвар, урам зориг, эх сурвалж байх болно.

Эцсийн өдрүүдэд хүнд цаг үе ирнэ гэдгийг Библи тодорхой хэлдэг. Эцсийн үед хүмүүсийн зан араншин ямар болж өөрчлөгдөх тухай Бурханы үгэн дээр бичигдсэн байдаг. Бид энэ үед сэрэмжтэй байж, хуурамч багш нараас болгоомжлох ёстой.

Бид Бурханы өмнө үнэний шаргуу ажилтан мэт, сайн багш мэт, цэвэр ариун сав мэт, Эзэний боол мэтээр үйлчилж, итгэлийн амьдралаар амьдрах учиртай.

Бурханы өмнө Бурханы хүүхдүүд болсон бид Бурханы нигүүлсэл дотор бат зогсох ёстой. Бид Бурханы өмнө дайчин цэрэг мэт, шаргуу тамирчин мэт, хичээнгүй тариачин мэт итгэлийн амьдралдаа идэвхи зүтгэлтэй үйлчилж, Бурханы алдрын төлөө зүтгэх хэрэгтэй.

Бурхан биднийг нигүүлсэлээрээ аварч, биднийг дуудсан. Тэр дуудлагын улмаас бид зовлон эдэлж байсан ч үүнээсээ айж ичих зүйл үгүй. Бид өөрт байгаа итгэлдээ бат зогсож энэ итгэлээ Ариун Сүнсээр бат хамгаалах ёстой.

Аливаа хүний сүүлчийн захиас гэдэг ямагт маш чухал байдаг. Тэгвэл элч Паулын сүүлчийн захидал, түүний сүүлчийн захиас гэдэг утгаараа 2 Тимот ном өөрөө маш онцгой юм.

Итгэгчид бид бие биентэйгээ харилцахдаа, үл итгэгчидтэй харилцахдаа Бурханы тавьсан тэр хэм хэмжээний дагуу зөвөөр, ухаалагаар харилцах ёстой. Нөгөөтэйгүүр бид өөрөө өөрсдийнхөө амьдралыг харахдаа Бурханы сургаалын дагуу зөвөөр харж, зөвөөр амьдрах хэрэгтэй.