Чуулганы удирдагч хүн чуулган доторх янз бүрийн нас, янз бүрийн нөхцөл байдалтай хүмүүст тохируулан өөр өөрөөр харилцах ёстой. Хэнтэй хэрхэн зөвөөр харилцах ёстой вэ гэдгийг мэддэг байх нь чуулганы ахлагч пастор хүнд маш чухал чанар юм.

Чуулганы удирдагч хүн, үйлчлэгч хүн Бурханы игтгэлийн үгс болон эрүүл сургаалыг дагах ёстой. Тийнхүү тэр ах дүүстээ үг ба үйлсээрээ үлгэр дуурайл үзүүлэх болно. Бурханы үгийг үнэн зөвөөр дамжуулахын тулд өөртөө болон сургаалдаа үлэмж их анхаарал хандуулах хэрэгтэй.

Чуулган дотор итгэлээсээ ухрах үзэгдэл аль эртнээс байсан. Тэднийг худал хуурмаг сургаал, хуурамч багш нар уруу татдаг. Бид энэ хуурамч сургаалыг Христ бидний дунд махан биеэр ирж Сүнсээр зөвтгөгдсөн, Түүнд итгэх итгэлээр л ганцхан авралыг авах боломжтой гэсэн итгэлийн тунхагаар шалгах боломжтой.

Үйлчэгч хүн нэгэнт Христийн   сүмд үйлчилж байгаа учраас ахлагч удирдагч хүнээс ялгаагүй сүнслэг хүн байх   хэрэгтэй. Ялангуяа эд материаллаг зүйлтэй холбоотой үйлчлэл хийж байгаа хүн   ур чадвараас гадна сүнслэг байдалтай байхгүй бол алдаа гаргах эрсдэлтэй байдаг.

Чуулганы пастор ахлагчийн үйлчлэлийг хийж байгаа хүн тодорхой шалгуурыг хангасан байх ёстой. Эс тэгвэл тэр хүн өөрөө сүйрээд ч зогсохгүй чуулганыг аюулд оруулах эрсдэлтэй юм.

Чуулганд хамрагддаг итгэгч   бид эрэгтэй эмэгтэй ялгаагүй Эзэний өмнө чин сэтгэлээсээ залбирч, үйлчлэх   учиртай. Библи дээр бичигдсэн зарим нэг үгсийг бид тухайн үеийн нөхцөл   байдалтай холбож ойлгох нь өнөөдөр үйлчлэлээ илүү зөвөөр авч явахад тустай.

Бид итгэлээ бат сахиж, өөрсдийн алдаа дутагдалаас болж итгэлээр ганхахгүй байх ёстой. Бурхан биднийг бүх хүмүүсийн төлөө тэр дундаа эрх баригчидийн төлөө залбираасай гэж хүсдэг. Бурхан хүн хоёрын хооронд Зууч болсон Есүс Христ бидэнд байгаа учраас бид хэзээ ч Бурханы өмнө ирсэн Бурхан биднийг гарцаагүй хүлээн авах болно.

Бид хуулиар биш нигүүлсэлээр аврагдсан. Бид Бурханы гэр бүлийн гишүүд болсон учраас хуулиас дээгүүр өргөгдсөн. Тиймээс бид Бурханы алдрын төлөө сайн мэдээг тарааж, сайн мэдээг амьдралаараа үлгэрлэн харуулах ёстой.

Паул Галатын чуулгануудад хандаж өөр сайн мэдээ гэж байхгүй гэж хатуу сануулсан байдаг. Тухайн үед Иудейн шашинтнууд өөр сайн мэдээг тунхаглаж байсан. Харин өөр сайн мэдээ гэж байхгүй гэдгийг Паул маш тодорхой хэлсэн. Ерөөсөө нэг л сайн мэдээ гэж бий, нэг л сургаал гэж бий.

Аливаа чуулганы сургаал нь буруу байх юм бол тэр чуулган цаашдаа чуулган байж чадахгүй. 

Өнөөдөр бид хамтдаа Паулын Тимотод бичсэн 1 Тимот захидлын 1-р бүлгээс үзэх болно. Паул энд Христийн чуулганы сургаал ямар байх ёстой вэ гэдгийг заахаас илүүгээр нутгийн чуулган дахь хуурамч багш нараас хэрхэн сэргийлэх ёстойг чухалчлан анхааруулсан байдаг. Бурханы нигүүлсэлийн сайн мэдээ нь чуулганы үндсэн сургаал байх ёстой гэдгийг Паул энд тодорхой өгүүлсэн байдаг.

#БиблийнХуудсаар #ИтгэлньСонсохоос