Өнөөдөр Галат номын сүүлчийн хэсэг буюу 6-р бүлгийг үзээд дуусгах болно. Энэ ном бүхэлдээ хүн Хуулийн үйлсээр бус харин Бурханы нигүүлслээр Христэд итгэсэн итгэлээрээ аврагддаг тухай болохыг бид үзлээ. Бурхан бидэнд авралыг өгөөд зогсоогүй Түүний өмнө зөв ариун амьдрахад зайлшгүй хэрэгтэй Ариун Сүнсээ өгсөн.

БиблийнХуудсаар ИтгэлньСонсохоос

Өмнөх хичээл дээр Сүнсний үр жимс бидний амьдралд хэрхэн ажилладаг тухай харсан. Бас Есүс Христ бидний өмнөөс гэм нүглийн маань хүнд ачааг өөр дээрээ авсан тухай ойлгож авсан билээ. Харин өнөөдөр хүн юу тарина, түүнийгээ л хураадаг тухай Паулын захидлаас үзэх болно.

#БиблийнХуудсаар #ИтгэлньСонсохоос

Бид өмнөх дугаартаа Галат номын тавдугаар бүлгийн сүүлийн хэсгийг судалсан. Энэ хэсгээс бид хэрхэн Ариун Сүнсэн дотор алхаж сурах, Сүнсний үр жимс гарган амьдрах тухай сурсан. Тэгээд Эзэнээс хэрхэн Сүнсэн дотор алхах, Сүнсний үр жимс гаргаж амьдрах тал дээр шийдвэр гарган үүнийхээ төлөө хамтдаа залбирсан. Тэрнээс хойш та бидний дотор ахиц гарсан гэдэгт би итгэлтэй байна. Өнөөдөр зургадугаар бүлгээс эхлэн судлах гэж байна. Бид итгэлээр аврагдсан. Харин одоо Ариун Сүнсэн дотор алхах хэрэгтэй. Тэгвэл яаж Бурханыг амьдралаараа гэрчлэн Түүний хүслийн дагуу амьдрах вэ?  

#БиблийнХуудсаар #ИтгэлньСонсохоос

Бурханы бэлэг болох Ариун Сүнс бидэнд хайрыг, баяр баясгаланг, амар тайвныг, тэвчээр, сайхан сэтгэл, энэрэл нигүүлсэл, даруу байдал, итгэлийг өгдөг билээ. Бурханы бидэнд өгсөн эдгээр гайхалтай Үр жимсээр дамжуулан олон хүнд сайн мэдээ тараагдаж, тэдний амьдрал Христэд итгэх итгэлээр өөрчлөгдөх болно. 

#БиблийнХуудсаар #ИтгэлньСонсохоос 

Өмнөх дугаарт христгэгчид Христ доторх эрх чөлөөт байдлаа буруугаар ашиглан гэм нүгэл дотор амьдарч болохгүй гэдгийг бидэнд Паул тодорхой хэлж өгсөн. Бас нигүүлслээр Бурханы өмнө зөв ариун, махан биеийн хүслээ дагалгүй Христ дотор эрх чөлөөт амьдралаар амьдрах ёстой гэдгийг тэр Галат хотынхонд болон өнөөдөр Бурханд итгэсэн хүн бүрт сануулж байна. Гэхдээ үүний тулд Түүний Сүнс хэрэгтэй гэдгийг ойлгосон гэдэгт итгэж байна. Энэ тухай бид өнөөдрийн дугаартаа илүү дэлгэрэнгүй үзэх болно. 

#БиблийнХуудсаар #ИтгэлньСонсохоос

 Бурхан биднийг Хуулийг хэр сайн сахин дагаж байна вэ? гэдгийг бус харин Аврагч Есүс Христэд итгэсэн эсэхийг л хардаг болохыг энэ ном бидэнд сануулсаар байгаа. Тэр бидэнд Өөрийнх нь нигүүлслийн дагуу Христ дотор эрх чөлөөтэй амьдрахыг хүсдэг. Бид хүмүүсийн гаргасан хууль болон элдэв ёс жаягийг дагаснаар Бурханы нигүүлслээс таслагдаж тэгээд ч аврагдахгүй гэдгийг Паул  энэ номоор дамжуулан онцолсон байдаг. Өнөөдрийн хичээлээр тэрээр итгэлээр аврагдан, Ариун Сүнсээр алхах нь чухал болохыг бидэнд хэлэх болно. 

#БиблийнХуудсаар #ИтгэлньСонсохоос 

Диваажин ганцхан хаалгатай. Тэр хаалга нь Есүс Христ юм. Христийн энэ аврал нь хүн бүрд үнэгүйгээр өгөгдсөн. Энэ л хангалттай өөр юу ч хэрэггүй болохыг бид Галат номын өмнөх 4 бүлгээс сайн ойлгон, хүлээн авсан. Харин Өнөөдрийн дугаарт тавдугаар бүлгээс судалж эхлэнэ. Итгэлийн үндэс суурийг маань бэхжүүлэх олон шинэ зүйл олж харна гэдэгт итгэлтэй байна.

#БиблийнХуудсаар #ИтгэлньСонсохоос

Элч Паул Галат хотынхонд зориулан бичсэн захидалдаа хүн Хуулиар бус зөвхөн Есүс Христэд итгэх итгэлээрээ аврагдах тухай ярьж байгааг бид мэднэ. Хуучин Гэрээний хуулийг дагаж мөрдсөнөөр сайн зүйлд хүрэхгүй. Нэгэнт Христэд итгэн нигүүлслээр авралыг хүлээн авсан байхад дээр нь нэмж дэг жаяг мэтийг дагах гэж оролдох нь Христ загалмай дээр бидний төлөө амиа өгсөн тэр үхэл ямар ч үнэ цэнэгүй болно гэдгийг Паул тодорхой хэлсээр ирсэн. Хүний амьдралд маш олон сонголт байдаг. Гэхдээ эдгээрийн дотроос хамгийн чухал сонголт нь итгэл үнэмшил юм. Та энэ дэлхий дээр байхдаа итгэл үнэмшилээ зөв сонгосон цагт амар тайван, аз жаргалтай амьдрах болно.  

#БиблийнХуудсаар #ИтгэлньСонсохоос

Өмнөх дугаарт бид тус номын дөрөвдүгээр бүлгээс хүн итгэлээрээ дамжуулан хэрхэн Бурханы хүүхэд болох тухай ойлгож мэдсэн. Бурхан Эцэг маань биднийг хүнд хэцүү зүйлтэй тулгарах үед ч гэсэн орхихгүй үргэлж хамт байх болно гэсэн найдварыг бид эндээс олж авсан гэж найдаж байна 

#БиблийнХуудсаар #ИтгэлньСонсохоос

 Өнөөдрийн дугаартаа бид дөрөвдүгээр бүлгээс эхлэн судлах болно. Паул хэдийгээр энэ захидлаа тэр үеийн Галат хотынхонд хандан бичсэн боловч энд хэлэгдсэн зарчмууд өнөөдөр бидний амьдралд чухал ач холбогдолтой хэвээр байгаа гэдгийг бид Галат номыг судлах бүртээ харж байгаа билээ. Өнөөдрийн хичээлээр ч бас амьдралдаа хэрэгтэй олон зүйлийг сурна гэдэгт итгэлтэй байна.   

#БиблийнХуудсаар #ИтгэлньСонсохоос