Өнөөдөр бидний үзэх 15-р бүлэгт Саул Бурханыг эсэргүүцэн тэрсэлж байгаа тухай гарна. Тэр өөрийнхөө гэм нүглийг хаацайлахын тулд Самуелийг өөрийнхөө талд оруулах гэж оролдож байгааг бид харна.  

#БиблийнХуудсаар #ИтгэлньСонсохоос

Өнгөрсөн дугаарт бид Израйлчууд Бурханыг түлхэж хаантай болсон ч Бурхан тэднийг ерөөж, Түүнийг дагах боломжийг өгсөн тухай ярьсан. Саулыг хүмүүс сонгон хаан болгосон ч Бурхан түүнд бүх боломжийг өгсөн. Гэсэн хэдий ч Саул Бурханаас урваж байгаа тухай бид өнөөдөр үзнэ. Бидний зүрх сэтгэл Бурханы төлөө бүрэн хандаагүй байх үед амархан хувирч, Бурханаас холддог.  

#БиблийнХуудсаар #ИтгэлньСонсохоос

 Бид 1 Самуел номоор аялж байгаа бөгөөд Израйлчууд Бурханыг түлхэж, хаантай болохыг хүссэн тухай үзсэн. Бурханы хүсэл бол Өөрийн ард түмнээ Өөрөө удирдах байсан боловч түүний хүмүүс зөрүүдэлж, өөрсдийн хүслийг гуйсаар байсан тул Бурхан тэдний хүссэн ёсоор хааныг өгдөг. Гэвч энэ хүсэлт нь хожим тэднийг сүйрэлд аваачиж байгааг бид харах болно. Тийм учраас бид алив залбирал, гуйлтыг өргөхдөө зүрх сэтгэлээ цэвэрлэж, Бурханы хүслийн дагуух зүйлсийг гуйх нь чухал юм.  

#БиблийнХуудсаар #ИтгэлньСонсохоос

Өнөөдөр бид 1 Самуелийн 9-р бүлгийг үзэх гэж байна. Энэ бүлгээс эхлэн 1 Самуел номны хоёрдах том хэсэг эхэлнэ. Эхний хэсэгт Самуелын түүх голчилж байсан бол одоо Саул хааны тухай гарна. Саул бол Бурханы үгэнд гардаг зарим хачин хүмүүсийн нэг. Библи дээр гардаг зарим баатруудын амьдралыг ойлгоход хэцүү байдаг. Хуучин гэрээнд ч тэр, Шинэ гэрээнд ч тэр харанхуй амьдралтай хүмүүс гардаг. Тэдний амьдралын зарим хэсэгт Бурханы гэрэл гэгээ тусч байсан боловч тэд эргээд сүүдэр лүү, харанхуй амьдрал руу ордог.

#БиблийнХуудсаар #ИтгэлньСонсохоос

 Бид өнгөрсөн хичээлээр Бурханы гэрээний авдрыг булаан авсан Филистчуудад тохиолдож буй гай зовлонгийн тухай үзсэн. Тэд амьд Бурханыг мэдэхгүй учраас авдарт хүч чадал байгаа гэж бодсон. Гэвч тэд Эзэний оршихуйд хүндэтгэлгүй хандснаас болж тэдний шүтээн Дагон хэмхрэн унаж, тэдний ард түмэн янз бүрийн өвчин тусдаг. Бурхан бидэнд маш их хайртай ч, бид Түүнээс эмээхүйг мартаж болохгүй гэдгийг энэхүү ард түмэнд тулгарсан өвчин зовлонгоос харж ухаарч болох юм. Түүний нигүүлсэл агуу ч, Түүний уур хилэн бас аймшигтай.  

#БиблийнХуудсаар #ИтгэлньСонсохоос

Бид Эзэний хүн Самуелийн тухай гайхамшигтай түүхийг үзэж байгаа. Бурхан түүнийг балчир хүүхэд байх цагаас нь эхлэн сонгон авсан. Түүний эргэн тойронд нь гэм нүгэл дүүрэн байсан ч тэр Эзэнийг чин сэтгэлээс эрэн хайж, Эзэнд тааламжтай хүн болж өсөж байв. Тийм ч учраас тэр Бурханы ч, хүмүүсийн нүдэнд тааллыг олж байсан. Эзэнд ойр байгаа хүний амьдрал үнэхээр гэрэл гэгээтэй байдаг. “Хүмүүс та нарын сайн үйлсийг хараад, тэнгэр дэх Эцэгийг тань алдаршуулахын тулд та нарын гэрэл тэдний өмнө тийнхүү гэрэлтэг.” (Матай 5:16)

#БиблийнХуудсаар #ИтгэлньСонсохоос

Өнгөрсөн дугаараас бид Самуел номыг судалж эхэлсэн. Хамгийн эхний бүлэгт уй гашууд автсан Ханна гэгч эмэгтэй Бурханаас үр хүүхэд гуйн хашхирч байсан. Түүний залбирлыг Бурхан сонсож, Самуел гэгч хүүг өгсөн. Бурхан нэг хүний чин сэтгэлийн залбирлаас болж гайхамшигтай зүйлсийг хийдэг. Та өнөөдөр гал халуун сэтгэлээр Бурханыг дуудан залбираарай. “Та нар Намайг бүхий л зүрхээрээ хайвал олно” (Иеремиа 29:13) гэж Бурхан хэлсэн.

#БиблийнХуудсаар #ИтгэлньСонсохоос

1Самуел ном Эзэнийг хүндлэгч эмэгтэйн тусламж гуйсан дуугаар эхэлдэг. Хүмүүс хааныхаа төлөө хашхиран уйлж байхад, Ханна гэгч эмэгтэй хүүхэдтэй болохын төлөө уйлан гуйж байдаг. Бурхан энэ эмэгтэйн дууг сонсож, хариулдаг. Эмэгтэйчүүд Бурханыг дуудахад, Бурхан хөдөлдөг. 

#БиблийнХуудсаар #ИтгэлньСонсохоос 

Бид Шүүгчид номонд түүхийн эргэлдэх тойрог мэт дүрслэгдснийг харсан. Энэ нь Израилийг ерөөлийн газар байхад эхэлдэг. Тэд Бурханд үйлчилж байна. Тэгээд тэд Бурханаас холдож, бузар мууг үйлддэг. Тэд өөрсдийнхөө замаар явдаг. Тэгээд тэд боолчлолд худалдагддаг. Боолчлол, дарлалдаа тэд чөлөөлөлтийг хүсэн Бурхан уруу хашхирдаг. Тэгээд тэд Бурхан уруу эргэн гэмшдэг. Тэгээд Бурхан тэднийг чөлөөлөх шүүгчдийг босгож ирдэг. Тэгээд Израиль ерөөлийн газар уруу буцаж ирдэг. Тэгээд Бурханд үйлчилдэг нэг үндэстэн болдог. Тэгээд бүх зүйл байрандаа буцаж ирэх үед тэд гэм нүгэл рүү хазайдаг. Тэгээд дахиад Бурханаас эргэдэг. Израиль нийтдээ долоон удаа урвасан. Энэ нь бидэнд түүхийн нэг философийг өгдөг. Үндэстэн бүр энэ дарааллаар доошоо явдаг: Шашны урвалт, ёс зүйн аймшигтай байдал, улс төрийн анархи буюу эмх замбараагүй байдал. Доройтол сүм хийдэд эхэлдэг. Тэгээд гэр оронд, эцэст нь төр засаг уруу ордог. Тэр нь үндэстний унах арга зам юм.

#БиблийнХуудсаар #ИтгэлньСонсохоос

Өнөөдөр эрчүүдийг сүйтгэдэг хамгийн том гэмийн нэг бол хууль бус бэлгийн харьцааны асуудал. Тэр бол Самсоны гэм байсан. Тэр Делила гэх нэртэй нэг эмэгтэйд дурласан. Бидний мэдэж байгаагаар тэр түүнтэй гэрлэх оролдлого хийгээгүй.

#БиблийнХуудсаар #ИтгэлньСонсохоос