2Самуел номоос Бурханы дагуух зүрх сэтгэлтэй нэгэн хэмээн алдаршсан Давид хааны амьдралыг бүхэлд нь үзсэн. Харин одоо түүний амьдралын төгсгөл хэсэгт ирээд байна. Тэр өөрийнх нь эсрэг бүх улс орноо турхиран удирдсан хүүгээ чин сэтгэлээсээ хайрлаж байсан. Тэр цаг ямагт дайснуудаа хайрладаг байв. Учир нь тэрээр Бурханыг үнэн зүрхнээсээ хайрлаж чаддаг нэгэн байсан юм. Бас Бурханд бүх итгэлээ тавьж дуулгавартайгаар үйлчилдэг нэгэн байсан. Тийм болохоор Давидын амьдрал бидэнд Бурханы зүрх сэтгэлийн үлгэр жишээ болдог. Энэ хүний зөв, сайн дууриалаар Бурханы төлөө үйлчлэхэд Та бэлэн үү? Хүн төрөлхтний дунд оршин тогтносон хэн нэгнээс хариу нэхдэг арга замаар биш Бусдын төлөө, Бурханы төлөө үйлчлэн амьдрахад та цаг зав, өөрийн биеэ зориулж чадах уу?   Ингээд Бурханы үгээр, Түүний үнэнээр, Түүний замаар бусдыг дагуулан, тэдэнд урам зориг, итгэл найдвар, тайвшралыг өгч босгон байгуулахад энэ цаг, энэ хичээл танд тус болно гэж итгэж байна.

  #БиблийнХуудсаар #ИтгэлньСонсохоос

Одоо бид 2 Самуел номын 17-р бүлэгт гарах үйл явдлыг үзэх гэж байна. Энэ бол хүн төрөлхтний түүхэнд баймгүй харамсмаар үйл явдлуудын нэг нь.  Та боддоо. Төрсөн эцгийнхээ эсрэг хүүхдүүд чинь буруу мууг сэдэж, дайн зарлавал ямар байх бол? Эсвэл хүүхдээ үгүй хийхийн тулд улайран зүтгэж байгаа аавууд олон болвол ямар аймшигтай вэ? Энэ удаад хүү Абсалом нь эцгийнхээ эсрэг босож байна. 

#БиблийнХуудсаар #ИтгэлньСонсохоос

Давид аймшигт зүйл хийснийхээ дараа өөрийнх нь амьдралд гай зовлон ямар хурдан ирж байгааг харсан. Тэр гэм хийсэн. Түүнтэй адил хүүхдүүд нь гэм нүгэл үйлдэж, Давид гэмийнхээ үр дагаврыг амссаар байна. Бурхан Давидыг үнэхээр сахилгажуулсан. Энэ бүлэгт Абсалом аав Давидынхаа эсрэг тэрслэлийг удирдсан үйл явц гарна.

#БиблийнХуудсаар #ИтгэлньСонсохоос

Нэгэн мэргэн үгээр би өнөөдрийн хичээлийг эхлүүлье.  “Хэрэв чи бүжиглэх гэж байгаа бол хөгжимчинд мөнгө төлөх хэрэгтэй.” Гэдэг. Хүн гэм нүгэлд умбан таашаах гэж байгаа бол заавал үр дагаврыг нь амсдаг. 

#БиблийнХуудсаар #ИтгэлньСонсохоос

 Бид өнгөрсөн хичээл дээр Давидын гэм нүглийн тухай үзсэн. Өнөөдөр энэ түүхийг үргэлжлүүлэн харцгаая. Эш үзүүлэгч Натан Давидад гэм нүглийг нь илчлэхэд тэр гэмшдэг. Гэсэн хэдий ч Натан Давидын дээр Бурханы шүүлтийг тунхагладаг. Хүн юу тарьснаа хураадаг болохыг Давид одоо ойлгох ёстой болж байна.   

#БиблийнХуудсаар #ИтгэлньСонсохоос

 2Самуел номыг уншиж судлаад нэлээдгүй хугацаа өнгөрчээ. Энэ хугацаанд та бид Бурханд хайртай, үнэнч, Бурханы төлөө бүхнээ зориулдаг Давидын амьдралаас суралцсан. Бурханыг эрэн хайх нь ямар их сайн сайхныг авчирдаг тухай гэрчлэлийг бид түүний амьдралаас харж болно. Тэр үргэлж Эзэний өмнө зөв байхыг хичээдэг байсан тул Эзэн түүнтэй хамт байж, түүний хаант улс хөгжлийн оргилд хүрч чадсан байдаг. Тэр үед Давид Эзэнтэй хамт алхсан шиг өнөөдөр ч бас Эзэн та биднийг Өөртэй нь хамт алхахыг дуудаж байна. Тэр танаар дамжуулан эргэн тойронд чинь хөгжил цэцэглэлт, хайрыг авчрах болно.  

#БиблийнХуудсаар #ИтгэлньСонсохоос

Бид библийн хамгийн агуу баатруудын нэг болох Давид хааны тухай судалсаар байгаа. Тэр үнэхээр Бурханыг хайрладаг хүн байсан. Тийм учраас Бурхан түүний хайрыг гайхалтайгаар шагнаж, түүний удмаас Аврагч Эзэн Христийг төрүүлэх болсон. Үүнээс илүү агуу бэлэг гэж хаа ч үгүй. Бурхан өнөөдөр таныг бас шагнахыг хүсч байгаа. Харин та Түүнд хайраа өгөхөд бэлэн үү? 

#БиблийнХуудсаар #ИтгэлньСонсохоос

Нэвтрүүлгээрээ бид 2 Самуел номыг үзэж судалж байгаа билээ. Тэр дундаа Эзэнийг баярлан хөөрч, магтах нь агуу хүч чадалтай зүйл болохыг бид Давид хааны амьдралаас харж суралцсаар байгаадаа талархаж байна. Тэр Эзэний гэрээний авдрыг өөрийн хотод авчрахдаа хүмүүсийнхээ хамт бүх замын турш магтан дуулж, бүрээ үлээж явсан. Энэ тэмдэглэлт үйл явдалд тэр чин сэтгэлээсээ баярласандаа хааны дээлээ тайлж, Эзэний өмнө эгэл ард түмэнтэйгээ хамт хүүхэд шиг хөөрөн бүжиглэж байсан юм. Тэгээд ч түүний амжилт, хүч чадлын гол эх булаг нь Эзэнийг магтах чин зүрх сэтгэл, бялхам дүүрэн итгэлд байсан гэдгийг уншиж судалж байгаа нь үнэхээр бахдмаар.Түүний бичсэн Дуулал номоос бид Давид Бурханд хичнээн их хайртай байсныг, Итгэлдээ хэр үнэнч байсныг хардаг.  

“Хүч чадал минь ээ, Би Таныг магтан дуулна.

#БиблийнХуудсаар #ИтгэлньСонсохоос

 Өмнөх хичээлээр бид Давид бүх Израйлийн хаан болсон тухай уншиж судалсан. Давид энэ хугацаанд улам хүчирхэж байсан ч хий хоосон аархаж бардамналгүй, Бурханы үнэнч итгэлт хүн нь хэвээр байсан юм. Түүнийг Бурхан урт удаан хугацаанд бэлдэж ийнхүү өөрийн хүн болгосон ч гэм нүгэлт чанартай хүн л учраас буруу зүйлсийг ч бас үйлдэж байсан нь бий.  Гэхдээ түүний үргэлж Эзэнийг хайх зүрх сэтгэл, итгэл нь Бурханы хүн болгож чадсан байдаг. Үүнийг гэрчлэх нэгэн жишээ бол: Бурханы түүнд  өгсөн агуу бэлэг юм. Тэрээр түүний удмаас Аврагч Эзэн Есүс Христийг мэндлүүлсэн нь ямар гайхалтай вэ? Бурхан ийнхүү Өөрийг нь хайгч, хайрлагч хүмүүсийг шагнадаг билээ.  

#БиблийнХуудсаар #ИтгэлньСонсохоос

Давид Эзэний амласны дагуу Израйлын хаан болсон. Гэвч тэр анх хоньчин хүү байхдаа Самуелээр тослогдсноос хойш олон жилийн дараа хаан болсон байдаг. Энэ бүх хугацаанд Бурхан түүнийг бэлдэж, сургасаар байсан. Бурхан хэзээ ч яардаггүй. Тэр бас таны дотор өнөөдөр ч бас ажиллаж байгаа. Бид яаралгүй Түүнийг тэвчээртэйгээр хүлээж сурах хэрэгтэй юм. 

#БиблийнХуудсаар #ИтгэлньСонсохоос