Итгэгч бид бусдад хандаж   байгаа хандлага, бусадтай ярилцаж байгаа үг яриа, бусдад гаргаж байгаа   үйлдлээрээ бидний дотор үнэхээр итгэл байна уу үгүй юу гэдгийг харуулдаг. Бурхан бидний итгэлийг бусад хүмүүст хандаж байгаа хандлага   болон үйлдлээр маань шалгадаг.

#БиблийнХуудсаар #ИтгэлньСонсохоос

Бид Бурханы үгэнд анхаарлаа хандуулахдаа түргэн байх ёстой. Гэхдээ Бурханы үгийг сонсох үедээ бид нухацтай, анхааралтай байх ёстой. Бурхан бидэнд үгээ айлдсан бол тэр үгийг хэрэгжүүлэх хариуцлага нь итгэгч биднийх юм. Итгэгч бид бидэнд хандсан Бурханы үгэнд хайнга хандахаас сэргийлж амьдрах хэрэгтэй.

#БиблийнХуудсаар #ИтгэлньСонсохоос

Бурханы үгийг бид сонсоод зогсохгүй амьдралдаа хэрэгжүүлэх ёстой. Бид Бурханы үгийг амьдралдаа хэрэгжүүлж байгаагаараа Бурханд итгэх итгэл бидэнд байгаа гэдгийг гэрчлэн харуулдаг.

#БиблийнХуудсаар #ИтгэлньСонсохоос

Аливаа сайн сайхан, төгс бэлгүүд нь Бурханаас ирдэг. Бид Бурханыг улам илүү таньж мэдэж, Түүний мөн чанаруудыг ойлгож ухаарахын тулд Бурханы үгийг сонсохдоо түргэн, ярихдаа удаан, уур хилэндээ хойрго байх ёстой.

#БиблийнХуудсаар #ИтгэлньСонсохоос

Бурхан бидний итгэлийг шалгадаг ч хэзээ ч бузар муу руу уруу татдаггүй. Харин бид бузар муу гэм нүгэл рүү уруу татагдах үедээ өөрийнхөө дотор буй тэрхүү гэмт чанар, тачаалдаа уруу татагдаж байдаг. Гаднаас ирж буй уруу татлаг бидний гэм мөн чанартай нийлэх үед тэндээс гэм нүгэл төрдөг. Харин гэм нүгэл нь эцэстээ үхлийг авчирдаг.

#БиблийнХуудсаар #ИтгэлньСонсохоос

Бидний амьдралд Бурханы зөвшөөрсөн тэр бүх сорилтыг тэсвэрлэсэн хүн хожим нь амийн титмийг хүлээн авна. Бурхан бидний итгэлийг сорьж шалгадаг ч хэзээ ч муу муухайд уруу татдаггүй.

#БиблийнХуудсаар #ИтгэлньСонсохоос

Өнөөдөр бид хамтдаа Иаков номын 1-р бүлгээс үзэх болно. Хатуужил нь төгс үйл байг. Тэгвэл та нар төгс, бүтэн юугаар ч дутахгүй байна. (Иаков 1:4)

Тэсвэр хатуужил гэдэг итгэгч хүнийг жинхэнэ төлөвшсөн итгэгч болгон төлөвшүүлдэг юм. Тэгвэл Бурхан бидний дотор энэхүү тэсвэр хатуужилыг хэрхэн бий болгодог вэ? Хамгийн сонирхолтой нь тэсвэр хатуужил гэдэг Ариун Сүнсний үр жимс байдаг. Бид тэвчээртэй хүн болох гэж хичээлээ гээд тэвчээртэй болчихдоггүй. Нөгөөтэйгүүр Ариун Сүнс бидэнд тэсвэр тэвчээрийг мөнгөн тавган дээр тавиад бэлэг болгон авчир өгдөггүй. Тэсвэр хатуужил гэдэг бидэнд саад бэрхшээлээр, сорилт зовлонгоор дамжуулан ирдэг.

#БиблийнХуудсаар #ИтгэлньСонсохоос

Өнөөдрөөс бид хамтдаа Шинэ гэрээний Иаков захидлыг үзэцгээх болно. Иаковын захидал бол Ерөнхий захидлууд гэгддэг бүлэг захидлуудын хамгийн эхнийх нь юм. Иаковын захидлын гол сэдэв нь “үйлс” байгаагүй. Харин Паулын захидлуудтай адилхан “итгэл” байсан. Гэхдээ Иаков итгэлээс урган гарч ирдэг тэр үр жимсийн талаар илүү түлхүү бичсэн юм. Иаков ч тэр, Паул ч тэр аль аль нь итгэл болон үйлсийн талаар маш олон удаа бичсэн байдаг. Паул Иаков хоёрын захидлуудаас бид итгэлээр зөвтгөгдөхтэй холбоотой 2 чухал ойлголтыг олж харж чадна.

#БиблийнХуудсаар #ИтгэлньСонсохоос

Өнөөдөр бид Давид хааны амьдралын тухай сүүлийн хэсгийг үзэх гэж байна. Түүний амьдрал Эзэний ялалт, уй гашуу, нулимс бас баяр хөөр дунд өнгөрсөн. Энэ бүхний дундаас түүнийг ялгах хамгийн гол зүйл бол Бурханд итгэх итгэл нь байлаа. Давид дэлхийн түүхэнд Бурханы дагуух зүрх сэтгэлтэй хүн гэж нэрлэгдсэн цорын ганц хаан байсан юм.  

#БиблийнХуудсаар #ИтгэлньСонсохоос

Та энэ бүлгийг яг одоо Библиэ нээгээд эхнээс дуустал заавал уншаарай. Давид амьдралынхаа эцэст хүний хүсэж болох хамгийн агуу зүйл бол Эзэн юм гэдгийг энд бүрэн дүүрнээр илэрхийлж чадсан. Тэр үнэхээр Эзэнийг амталж, мэдэрсэн хүн байсан.

#БиблийнХуудсаар #ИтгэлньСонсохоос