Өнөөдрөөс эхлэн бид хамтдаа Шинэ гэрээний Еврей номыг үзэж эхлэх болно. Еврей номыг бид 2 хэсэгт хувааж ойлгож болно. Эхний хэсэг нь онолын ойлголт зонхилсон хэсэг байгаа. Еврей номын эхний 10 бүлэг нь Христ бол Хуучин гэрээний цаг үеийн тахил болон тахилч нараас илүү гэдгийг батлан харуулсан байдаг. Харин хоёр дахь хэсэг нь илүү парктик чанартай, Христ бидний амьдралд ямар давуу талуудыг өгдөг юм бэ, бидэнд ямар үүрэг хариуцлагыг өгдөг юм бэ гэсэн санааг илүү агуулдаг.

Еврей ном нь Бурханы төгс ичлэлт болсон Бурханы Хүү Есүс Христийн тухай бидэнд илүү тодорхой өгүүлдгээрээ онцлогтой юм. Еврей номонд Христитгэлийн чухал суурь онолууд багтсан байдгаас гадна маш яруу тансаг бичигдсэнээрээ онцой байдаг. Библийн нэгэн алдартай багш хэлэхдээ “Еврей номыг унших үед бид мөнхийн улсын уур амьсгалыг мэдэрдэг. Еврей номыг шимтэн судлах үедээ бид амт шимтэй сүнслэг махаар хооллодог бол Еврей номын сургаалын дагуу амьдрах үедээ бид итгэлийн төлөвшилд хүрдэг” гэсэн байдаг.

Бид энэ дэлхий дээр шударга бусаар зовж, зовлон бэрхшээлийг туулсан ч Есүс Христ дахин ирнэ гэдгийг санахдаа тайвширч, урам зоригтой байх учиртай юм. Ингэхдээ бид залбирлын хүмүүс байх ёстой. Зөвт хүний залбирал үр нөлөөтэй бөгөөд ихийг гүйцэлдүүлж чаддаг.

#БиблийнХуудсаар #ИтгэлньСонсохоос

Шударга бусаар баян чинээлэг болж, амжилтанд хүрч байгаа хүмүүст бид атаархах шаардлагагүй. Бурхан өнөөдөр тэднийг шүүхгүй байгаа ч хожим нь тэднийг шударгаар шүүх болно.  Бурхан биднийг эд хөрөнгийг хэрхэн хурааж   хуримтлуулж байгааг болон юунд захиран зарцуулж байгааг анхааралтай харж байдаг.

#БиблийнХуудсаар #ИтгэлньСонсохоос

Бурхан бардам хүнийг эсэргүүцдэг. Даруу хүнд нигүүлсэлээ өгдөг. Бид Бурханы өмнө гэм нүглээ гэмшиж даруугаар ирэх юм бол Бурхан бидэнд ойртдог. Бид Бурхантай ойр байх юм бол Диавол биднээс зайлах болно.

#БиблийнХуудсаар #ИтгэлньСонсохоос

Бидний дотор буй махан биеийн хүсэл, гэмт чанарууд бол дэлхийлэг байдал юм. Бид өөрсдийнхөө хүсэлд нийцүүлэхээр өөрийнхөө арга замаар тэмцэж эхлэх үед дэлхийлэг амьдралаар амьдарч эхэлдэг. Харин бид тэр бүх байдлаа Эзэн Есүсийн өмнө авчирж бүх зүйлээ Түүнд даатгах хэрэгтэй.

#БиблийнХуудсаар #ИтгэлньСонсохоос

Бидний хэл Бурханыг магтах магтаал болон Бурханыг доромжлох доромжлолыг нэгэн зэрэг гаргах чадвартай байдаг. Ингэж 2 өөр зүйлийг гаргах үедээ бид 2 нүүр гаргаж байдаг. Энэ бол дээрээс ирэх мэргэн ухаан биш харин “газрынх, төрөлхийнх бөгөөд чөтгөрийнх” юм. Харин Бурхан биднийг дээрээс өгөгдөх тэр мэргэн ухаанаар амьдраасай гэж хүсдэг.

#БиблийнХуудсаар #ИтгэлньСонсохоос

Хэл амаа хазаарлаж сурна гэдэг итгэгч хүний хувьд маш чухал. Бидний хэл яриа бидний итгэлийг гэрчилж байдаг. Хэл яриагаа хазаарлаж сурна гэдэг бидний итгэлийн төлөвшлийн нэг илрэл байдаг.

#БиблийнХуудсаар #ИтгэлньСонсохоос

Бид Бурханд итгэдэг гэж ярьсан ч бидний амьдрал итгэлийн үйлсгүй бол бидний яриа хоосон яриа болно. Бидний итгэл үгээр биш харин бидний итгэлийн үйлсээр илэрхий болоосой гэж Бурхан хүсдэг. Үйлсгүй итгэл бол үхмэл юм. Бид хуулийн үйлсээр аврагдаагүй итгэлээр аврагдсан. Гэхдээ биднийг авралд хүргэсэн тэр итгэлээс заавал үйлс гарах ёстой гэдгийг бид ухаарах хэрэгтэй.

#БиблийнХуудсаар #ИтгэлньСонсохоос

Христэд итгэгч хүмүүс бид Бурханы өмнө бусдыг ялгаварлалгүй, нүүр тал харалгүйгээр бусдад адил тэгш хандах үедээ Бурханд итгэх итгэлээ харуулж байдаг. Бурхан бидний итгэлийг хоосон үг яриа биш харин бидний амьдрал дээрх бодитой үйлс байгаасай гэж хүсдэг.

#БиблийнХуудсаар #ИтгэлньСонсохоос