Бид Давид хааныг Саул хаан болон түүний хүү Ионатаны төлөө гашуудан уйлж байгааг өмнөх хичээлээс үзсэн. Нэг нь түүний дайсан, нөгөө нь түүний дотны анд байв. Гэвч Давид эцсийн мөч хүртэл Саулыг Эзэний тослогдсон хүн хэмээн хүндэлж, түүнд зориулан дуу хүртэл зохиосон. Давид бусдыг Эзэний нүдээр хардаг хүн байв. Түүний зүрх сэтгэлийн хандлага биднийг Эзэнтэй улам илүү ойртохыг уриалж байна. Бурхан Давидын талаар “Бүх хүслийг минь биелүүлэх Миний зүрх сэтгэлийн дагуух хүн, Иессийн хүү Давидыг Би оллоо"  (Үйлс 13:22) гэсэн байдаг. Тэгэхээр таны тухай Бурхан юу гэж хэлээсэй гэж хүсч байна вэ? Энэ талаар бодож эргэцүүлэх цагийг та өнөөдөр заавал гаргаарай. 

#БиблийнХуудсаар #ИтгэлньСонсохоос

Давид хаан өөрийн ард түмний эсрэг байлдах гэж байхад Бурхан замд нь саад тавьж, түүнийг энэ гэм нүглээс аварсан. Бурхан үүний адилаар биднийг ч бас олон буруу алхмаас авардаг. Магадгүй өнөөдөр та өөрийн хүслээр хийх гэж байсан ямар нэг зүйл чинь бүтээгүй бол Бурхан таныг бүүр ч хэцүү байдалд орохоос хамгаалсан.  

#БиблийнХуудсаар #ИтгэлньСонсохоос

Саул хаан Филистчүүдээс айж, Бурханаас үг авч чадахгүй байсан учраас сүнс дуудагч эмэгтэйд хандсан. Итгэлгүй байдал, айдас нь биднийг Бурханаас холдуулж, дэлхийн зүйлс болон бүүр муу сүнсний үгийг ч сонсоход хүргэдэг. Тиймээс бид Есүс Христ Эзэнтэй ойр байх нь хамгаас чухал. “Эрүүл ухаантай, сонор сэрэмжтэй бай. Та нарын өрсөлдөгч болох диавол нь хэн нэгнийг залгихаар хайж буй архирах арслан мэт гэтэн явдаг.” (1 Петр 5:8) 

#БиблийнХуудсаар #ИтгэлньСонсохоос

Бид библийн хамгийн агуу баатруудын нэг болох Давидын тухай судалж байна. Өнгөрсөн дугаарт бид түүнийг Набалын эхнэр Абигаилыг бэлэвсэн хоцроход өөрийнхөө эхнэр болгон авсан тухай үзсэн. Тэр эмэгтэй түүний эхнэрүүдээс хамгийн мэргэн, түүнийг хамгийн их хүндэлдэг эмэгтэй байв. Тэр Давидын амьдралд сайн нөлөө, ивээл болж чадсан. Эхнэрүүд нөхөртөө нөлөөлөх хамгийн ойрын нөлөө байдаг. Бурхан өнөөдөр Абигаил шиг цэцэн ухаанаараа нөхөртөө зөвлөж, мөн түүнийг хүндэлж чадах эмэгтэйчүүдийг дуудаж байна. 

#БиблийнХуудсаар #ИтгэлньСонсохоос

 Давид хааны амьдрал биднийг гайхшруулж, түүний Бурханы төлөөх зүрх сэтгэл бидэнд үнэхээр үлгэр жишээ болж байна. Тэр бол Бурханы араас зүрх сэтгэлтэй хэмээн нэрлэгдсэн цорын ганц хаан мөн. Өнөөдөр Бурхан биднийг Өөрийнх нь араас зүрх сэтгэлтэй хүмүүс байхаар дуудаж байна.

#БиблийнХуудсаар #ИтгэлньСонсохоос 

 Бид Давид ба Саулын тухай түүхийг үргэлжлүүлэн үзсээр байна. Нэг нь Бурханыг хайгч, нөгөө нь Бурханыг эсэргүүцэгчийг төлөөлдөг. Давид хааны хүчирхэг байдал Эзэний дотор байсан. Энэ бол түүний хүч чадлын агуу их нууц мөн. Харин өнөөдөр та Эзэний хүч дотор байна уу, эсвэл өөрийн хүчээр явж байна уу?  

#БиблийнХуудсаар #ИтгэлньСонсохоос

Өмнөх хичээлүүдээс Бурхан Давид хааныг саад бэрхшээлээр дамжуулан бэлдэж байсан тухай бид үзсэн. Бурхан хэн нэгнийг ашиглахдаа үргэлж ингэж ажилладаг. Бурхан бидний дотор ажиллахдаа хэзээ ч яардаггүй. Хожим Давид энэ дэлхийн хамгийн агуу хаадын нэг болж, Бурханы зүрх сэтгэлийг хайгч нэгэн байсан тухай өнөөдрийн хичээлээс таньж мэдэх болно. Бурхан өнөөдөр ч бас таны дотор ажиллаж байгаа. Тэгэхээр та тэвчээртэй байгаарай.  

#БиблийнХуудсаар #ИтгэлньСонсохоос

Бид Давид хааны амьдралын түүхийг үзэж байна. Түүнтэй Бурхан хамт байж, тэр маш амжилттай байсанд Саул атаархаж, түүнийг алах гэж оролддог. Давид Бурханы араас зүрх сэтгэлтэй хүн байсан бол Саул Бурханаас хол, харанхуй сэтгэлтэй хүн байжээ. Өнөөдөр таны зүрх сэтгэл Бурхантай ойр байна уу?  

#БиблийнХуудсаар #ИтгэлньСонсохоос

Өнгөрсөн дугаарт бид Давид хүү Бурханд итгэх итгэлээрээ Голиатыг ялсан тухай гайхамшигтай түүхийг үзсэн. Бүх Израйлын цэрэг баатрууд 3 м шахам өндөртэй аварга биет Голиатаас айж, дөчин өдөр тулаанд ороогүй. Харин Давид насанд хүрээгүй хөвгүүн байсан хэрнээ Амьд Эзэний нэрээр Голиатын өөдөөс зоригтой дайрдаг. Тэр дүүгүүрээрээ аварга биетнийг болон түүний дөрвөн хүүг ялсан. Тэгэхээр бид бүхний хувьд Бурханд итгэх итгэл хамгаас хүчтэйгээс гадна дэлхийг ялах зэвсэг маань юм. Харин өнөөдөр 1 Самуел номын 18- бүлгээс 20-р бүлгийн 3-р ишлэл хүртэл уншиж судлах болно. 

#БиблийнХуудсаар #ИтгэлньСонсохоос

16-р бүлэг бидэнд шинэ сэдвийг танилцуулж байгаа. Бид Саулаас огт эсрэг хүн болох Давидыг харна. Давид бол Бурханы хүн, Саул бол Сатаны хүн. 15-р бүлэгт Бурхан Саулыг хаан ширээнээс буулгасныг бид харсан. Бурхан Саулд Өөрийнх нь үгийг дагах олон боломжуудыг өгсөн. Гэвч Саул Бурханыг огт сонсохыг хүсдэггүй болохоо харуулсан. Тэр сайн удирдах ёстой байсан боловч чадаагүй. 

#БиблийнХуудсаар #ИтгэлньСонсохоос