Inniu: tá cruinnithe na gCoistí ar siúl sa Bhruiséil an tseachtain seo. I measc na n-ábhar a bheidh á bplé tá rialacha nua a chinnteoidh go mbeidh an Intleacht Shaorga agus bréagáin san Aontas Eorpach sábháilte. Pléifear an laghdú ar dhramhaíl in earnáil na dteicstílí agus earnáil an bhia, freisin.

Inniu: Seachtain Pharlaiminteach na hEorpa 2024; cruinniú ag Feisirí ón gCoiste um Ghnóthaí Eachtracha le hAire Gnóthaí Eachtracha na Beilge; agus ról na taidhleoireachta cultúrtha i mbeartas eachtrach an Aontais.

Inniu: an tríú díospóireacht déag sa tsraith ‘Seo í an Eoraip’ le hUachtarán na Rómáine, Klaus Iohannis; rialacha nua chun a chinntiú nach dtógann aistrithe airgid in euro ach deich soicind, agus ábhair imní na Parlaiminte faoi bhagairtí an-tromchúiseach ar luachanna an Aontais sa Ghréig.

Inniu: cás na bhfeirmeoirí agus praghsanna táirgí talmhaíochta i gcroílár an phlé in Strasbourg; comhaontú idir an Pharlaimint agus an Chomhairle faoi réiteach fadtéarmach do riachtanais airgeadais na hÚcráine. Tháinig siad ar chomhshocrú faoi rialacha chun foréigean inscnebhunaithe a chomhrac chomh maith.

Inniu: tá an suí iomlánach ar siúl in Strasbourg. Sa seomra tionóil, rinne na Feisirí breithniú ar thorthaí chruinnithe mullaigh is déanaí an Aontais; pléadh an ghéarchéim aeráide dhomhanda freisin, mar aon le hiarrachtaí na Rúise cur isteach ar phróisis dhaonlathacha an Aontais.

Inniu: tá an suí iomlánach ar siúl in Strasbourg. Pléifidh na Feisirí conas freagairt d’éilimh na bhfeirmeoirí agus na bpobal tuaithe ar fud na hEorpa; rún lena ndéanfar breithniú ar bhagairtí ar an smacht reachta agus ar shaoirse na meán sa Ghréig, agus an tríú díospóireacht déag sa suí iomlánach sa tsraith ‘Seo í an Eoraip’ le hUachtarán na Rómáine, Klaus Iohannis.

Inniu: tá seisiún iomlánach nua ag tosú in Strasbourg. I measc na n-ábhar ar an gclár oibre tá torthaí an chruinnithe mullaigh AE is déanaí agus cogadh na Rúise i gcoinne na hÚcráine. An tseachtain seo caite, tháinig an Pharlaimint agus an Chomhairle ar chomhaontú maidir le ceart deisiúcháin níos láidre do thomhaltóirí.

Inniu: cuirfear tús le seisiún iomlánach nua in Strasbourg Dé Luain seo chugainn. Vótálfaidh na Feisirí ar íocaíochtaí ar an toirt in euro; dara cothrom lae chogadh na Rúise in aghaidh na hÚcráine agus síneadh na rialacha chun ábhar mí-úsáid ghnéasach leanaí ar líne a bhrath.

Inniu: an comhaontú ar na ‘treoracha bricfeasta’, an tairiscint do cheanncheathrú nua an Údaráis um an Sciúradh Airgid a Chomhrac agus Duais Charlemagne don Óige 2024.

Inniu: tá grúpaí polaitiúla ag prapáil don chéad seisiún iomlánach eile a bheidh ar siúl ó Dé Luain seo chugainn i Strasbourg. Ar an gclár oibre déanfar measúnú ar thorthaí chruinniú mullaigh Speisialta an Aontais an 1 Feabhra, an tacaíocht don Úcráin agus an dlí nua i dtaobh plandaí a fhaightear trí theicnící nua géanómaíochta.