Börkurinn

Homie Arnar Leó er næsti gestur minn í Börkurinn Hlaðvarp. Ásamt því að vera hella fresh 24/7 þá er hann einn af eigendum/stofnendum Reykjavík Roses og verslunarstjóri í Smash Kringlunni. Töluðum um upphafið á Reykjavík Roses, tísku, hip hop, hip hop á íslandi, fræga einstaklinga, shout-outuðum fullt af fólki og enduðum á svakalegri business hugmynd. Áhugavert spjall við jarðbundin ungan frumkvöðul og algjöran topp dreng!

Pétur Marinó er stofnandi mmafrettir.is og rödd MMA samfélagsins á Íslandi. Ef þið viljið vita eitthvað um bardagaíþróttir og þá MMA sérstaklega er Pétur maðurinn til að tala við. Áhugi hans á íþróttinni er gífurlegur og vitneskjan en meiri. Töluðum um upphafið á fréttamennskunni, stöðuna á MMA á Íslandi, Gunnar Nelson og UFC 226 svo eitthvað sé nefnt. Við hefðum getað talað í 4-5 klst en létum 2 vera nóg. Pétur er gestur númer fjögur í Börkurinn Hlaðvarp.

Dagur Gunnars er flúrari af guðs náð. Dagur starfar á Bleksmiðjunni þar sem hann krotar á fólk einkar fallegar myndir. Ég kynntist Degi sumarið 2014 og hann er eini maðurinn í heiminum sem ég sendi skilaboð reglulega og segi "Ég sakna þín, hvenær geturu meitt mig ?". Dagur er gull af manni og er þriðji gestur minn í Börkurinn Hlaðvarp.

Emil hefur engan tíma, enda harðduglegur maður. Ef þið kannist ekki við manninn þá er nóg að googla "66 norður" þá er ég viss um að þið kveikjið. Hann er hjólreiða áhugamaður mikill og útiveran er vinur hans. Spjölluðum um hjól, ferðalög, fyrirsætustörf, kaffi, skegg og hugtakið hipster. Emil er eigandi KRÍA Cycles.

Rúnari kynntist ég í gegnum íslensku þungarokks senuna. Kraftlyftingar, húðflúr, tónlist, samfélagsmiðlar og dass af fótbolta var rauði þráðurinn í spjallinu okkar. Hroðalega áhugaverður gaur að gera það sem hann elskar.