Eyðfinn Jensen er vertur.

Elisabeth Myllhamar er fødd og uppvaksin í Skopun, men flutti til Skálavíkar, tá hon gfitist Klæmint í 1971.

Í Skálavík hevur hon verið kommunuskrivari í 37 ár, arbeitt í handilinum niðri á Mølini og rikið matsølubúðina Neystið í 30 ár. Harumframt er Elisabeth limur í Náttúrufriðingarnevndini fyri Sands sýslu.

Umframt at velja tónleikin í sendingini greiðir Elisabeth frá sínum uppvøkstri og síni bakgrund umframt ymiskum hendingum og viðurskiftum, sum hava myndað hennara virknu lívsleið.

Ingvør Nolse er fødd í 1951 í Klaksvík, har hon vaks upp og búði, til hon sum átjan ára gomul flutti til Keypmannahavnar at útbúgva seg til Art Director innan marknaðarføring og samskiftið.

Afturkomin til Føroya sum 25 ára gomul stovnaði hon Føroya fyrstu marknaðarføringsfyritøku "Teknistovan hjá Ingvør", sum seinni broytti navn til "Stephanssons hús". Fyritøkan var einaráðandi innan marknaðarføring í Føroyum í 10 ár.

Ingvør hevur loyst nógvar ymiskar áhugaverdar uppgávur, staðið fyri átøkum, gjørt bløð, búðmerkir, etikettir og nógv onnur kreativ verk, sum enn síggjast ymsa staðni í føroyska samfelagnum.

Frá ungum árum var Ingvør virkin innan friðarrørsluna, og hon hevur luttikið í stórari friðargongu í USA undir kalda krígnum. Gongan fór ígjøgnum 15 statir líka frá New York til Washington DC.

Ingvør hevur eisini stríðst fyri javnstøðu og verið virkin í føroysku kvinnurørsluni. Hon var við til at stovna Kvinnufylkingina í 1976.

Umframt at velja tónleikin í sendingini greiðir Ingvør Nolsøe frá síni bakgrund og ymiskum áhugaverdum hendingum og upplivingum, ið hava myndað hennara slóðbrótandi lívsleið.

Eyðfinn Jensen er vertur.

Ólavur Jóannesarson Hansen varð føddur í 1980 og vaks upp í Saltangará og Runavík. Hann er útbúgvin løgfrøðingur og starvast innan bygging og útboð hjá Landsverk.

Í frítíðini er hann virkin innan tónleik bæði sum sangari, samskipari og ummælari.

Uframt at velja tónleikin í sendingini greiðir Ólavur frá síni bakgrund og ymiskuum hendingum, sum hava myndað hansara lívsleið.

Eyðfinn Jensen er vertur.

Linda Unudóttir Olsen er 55 ár, fødd, uppvaksin og búsitandi í Tórshavn. Hon er útbúgvin blómuprýðari og starvast í Blómuhúsinum á Hálsi í Havn.

Linda er eisini edrúur alkoholikari, og tað hevur hon verið í meir enn 23 ár.

Tá Linda var tvey ár, lat mamman hana frá sær til Barnaheimið í Havn, har hon vaks upp og búði, til hon sum fjúrtan ára gomul varð send á ein kristiligan ungdómsskúla í Danmark.

Linda byrjaði tíðliga at ballast og at ganga í býnum. Rúsevnini vundu uppá seg, og hetta førdi hana út í eina misnýtslu, sum hon ikki megnaði at stýra. Tað var tó ikki fyrr enn Barnaverndin bankaði uppá, at Linda sum 32 ára gomul fór í viðgerð á Heilbrigdinum á Velbastað.

Í dag hevur hon eitt virkið arbeiðslív og eitt ríkt familjulív við trimum børnum og tveimum ommubørnum.

Sent varð beinleiðis úr stovuni heima hjá Lindu og synum hennara í íbúðini Undir Glasheyggi í Havn.

Eyðfinn Jensen er vertur.

Poul er 64 ár, føddur, uppvaksin og búsitandi í Havn. 

Hann er Sparikassa lærdur og útbúgvin Grannskoðari hjá Paula Ellefsen, men síðan 1996 hevur Poul arbeitt fulla tíð sum festibóndi við mjólkineytum og seyðahaldi í Havnardali. 

Umframt at velja tónleikin í sendingini, greiðir Poul frá síni bakgrund og ymiskum umstøðum og hendingum á síni lívsleið. Prátað verður bæði um barna og ungdómstíðina og um lívið sum bóndi á Müllersgarði.

Nógv er broytt innan føroyskan landbúnað, síðan Poul yvirtók festið frá pápa sínum í 1996. Størsta broytingin kom í 2008 við sjálvvirkandi Felagsfjósinum í Havnadali, sum Poul saman við trimum øðrum setti á stovn.

Eyðfinn Jensen er vertur.

Eirik Suni Danelsen er útbúguvin húsasmiður og byggifrøðingur og starvast í dag sum leiðari í Tilhaldinum í Tórshavnar Kommunu.

Í nøkur ár var Eirik Suni lærari á Tekniska Skúla, men í 2004 yvirtóku hann og Tóra vallaraheimið Gjáargarð, sum tey broyttu til gistingarhús og matstovu og róku í fimtan ár.

Eyðfinn Jensen er vertur.

Theresa Turiðardóttir Kreutzmann er uppvaksin í Vági og á Tvøroyri og búsitandi á Argjum.

Hon er skrivstovulærd og hevur útbúgving sum Altjóða Tænastu Økonom.

Í nógv ár arbeiddi Theresa innan ferðavinnu bæði í Føroyum, Danmark og í Grønlandi.

Seinastu árini hevur hon verið sjálvstøðugt vinnurekandi og starvast í dag sum millum annað ráðgevi, íverkseti og hotelstjóri á Hotel Bakkanum í Vági.

Eyðfinn Jensen er vertur.

Guðmundur er 38 ár, føddur og uppvaksin í Havn, búsitandi í Hoyvík. Hann er útbúgving múrari, og umframt eina leið sum yrkisítróttarmaður, hevur hann verið varaleiðari í Svimjihøllini í Gundadali og leiðari av ítróttarháskúlanum í Suðuroy. 

Í dag starvast hann sum leiðari í nýggja ungdóms- og virkishúsinum “Gulu smiðju” í Runavík, sum letur upp í morgin, sunnudagin 24. apríl.

Eyðfinn Jensen er vertur.

Hilda Viderø er fødd í 1955 í Klaksvík. Hon vaks upp í Fuglafirði tey fyrstu fimm árini og síðani í Klaksvík.

Tvey tíðarskeið í lívinum hevur hon búð í Afrika saman við manni sínum Johannes og synum teirra. Frá 1984 til 1987 vóru tey trúboðarar í Liberia í vestur Afrika, og frá 1989 til 1996 vóru tey útsend til Botswana í suður Afrika.

Hilda er útlærd námsfrøðingur og psykiatriskur røktari og hevur starvast sum sjálvstøðugur familjuviðgeri og vegleiðari í Føroyum.

Í nógv ár var hon virkin innan ABC Barnahjálpina og Føroysku Barnahjálpina, men síðan 2018 hevur hon arbeitt fulla tíð fyri hjálparfelagskapin “Mirjam”, ið virkar fyri kvinnu íverksetan í Liberia og Kenja.

Eyðfinn Jensen er vertur.

Magni Mohr er proffessari í fysiologi og starvast sum dekanur á Fróskaparsetrið Føroya.  

Hann er eisini fysiskur venjari hjá føroyska fótbóltslandsliðnum og síðan 2016 hevur hann verið formaður í Fólkaheilsuráðnum.

Harumframt hevur Magni havt fleiri aðrar spennandi uppgávur sum fysiskur venjari hjá millum øðrum Juventus, Chelsea, Brøndby og danska fótbóltslandsliðnum.

Umframt at velja tónleikin í sendingini greiðir Magni frá síni bakgrund og uppvøkstrinum í Vági og frá ymiskum áhugaverdum upplivingum, sum hava myndað hansara lívsleið.

Eyðfinn Jensen er vertur.