Búbblur & Bjór

Þá er það þriðji þáttur janúar mánaðar, a.k.a árlegur afmælisþáttur Birkis!

Við byrjum þennan þátt á djúpum pælingum um pissuferðir karlmanna og svo kemur Daði með mjög djúpar kojufylleríspælingar um mannslíkamann. Svo tekur umræða þáttarins við, tímaflakk! Er það til, er það hægt, hafa tímaflakkarar komið á okkar tíma, hvað myndum við gera ef við gætum tímaflakkað? Við sjáum hvað snillingar á reddit myndu gera ef þeir gætu tímaflakkað, Birkir kemur með mest sannfærandi tímaflakkarasögu heims frá Úkraínu, við skoðum framtíðarspár Simpson þáttanna sem hafa ræst og rennum svo yfir tímaflakkskvikmyndir og þætti. Svo í lokin fær Birkir magnaða afmælisgjöf frá Daða sem enginn hlustandi má missa af!

Birkir byrjar þáttinn í jákvæðum janúar með tuði og væli yfir facebook keðjupóstum, svo hressist hann við! Við förum í það að ræða Marvel og DC, hvort er betra, hvernig byrjaði hitt og þetta, teiknimyndasögublöð, teiknimyndir og bíómyndir, við snertum eitthvað á þessu öllu, Davíð er með allsskonar staðreyndir um Marvel og DC sem fæstir vita, Daði fræðir okkur aðeins um Stan Lee, the man, the legend! Og Birkir er með lista yfir ofurhetjur frá Marvel og DC sem þú hefur aldrei heyrt um, en það er einmitt mjög góða ástæða fyrir því! Við fáum einnig að vita hvaða fræga poppstjarna ætlaði sér að vera Spider-Man og Birkir og Davíð fara svo í leik hjá Daða þar sem þeir giska á hvaða ofurhetja sagði þessa setningu! Eitt í viðbót, hver er þessi SEX NIGHTER!!??!!

Þessi þáttur er rosalegur, við ábyrgjumst það eiginlega að þú munir tárast úr hlátri allavega tvisvar sinnum.

Við byrjum nýtt ár á því að opna einn kaldan og fara í einn skemmtilegasta og misheppnaðasta spurningarþátt allra tíma! Við ræðum stuttlega um áramótaheit og íslenska leikjaþætti sem við munum eftir, eins og Bingó Lottó, SPK, Jing Jang  og fleiri.

Svo förum við í spurningaleiki, Birkir og Þröstur keppast um að vita betur í Krakka kviss spurningum frá Daða, Birkir á svo mesta leikjaþáttaklúður í sögunni, hann setur Daða og Þröst í „Hvor þekkir hvorn betur“ og þessi leikur endar í þvílíku hysteríurugli að annað eins hefur aldrei sést, mikið hlegið og hneykslast, klúður frá A til Ö, spurningaleikur þar sem þátttakendur kunna ekki leikinn, og ekki heldur spyrillinn, þátturinn lokast svo á spurningarkeppni um bíómyndir, giskað út frá vísbendingum. Hér byrjum við árið á algjöru klúðri en djöfull var gaman!

Varúð: Þessi þáttur dansar á línunni á köflum!

Við kryfjum árið 2024 í þessum þætti ásamt því að fara í drykkjuleiki. Daði færir Birki litla jólagjöf eftir að hafa fengið móral þegar Birkir gaf strákunum gjöf í síðasta þætti, Birkir segir frá trufluðum draum um strákana sem hann fékk sem var svona pínu ja…kynferðislegur, svo taka við drykkjuleikir til að koma okkur í gang, Davíð tekst einhvernveginn illa að skilja þá samt, við ræðum svo árið og tökum meðal annars fyrir veðurfar á Íslandi sem náði nýjum lægðum þetta árið, Wok On ævintýrið, eldgosin, Diego úr A4, ísbjörninn sem mætti, helvítis parísarhjólið í Reykjavíkurhöfn, Hawk Tuah ruglið, P. Diddy málið, skotárásina á Donald Trump, drónarnir í Bandaríkjunum og slitnir sæstrengir, svo eiga Dagbók Daða og Dagbók Davíðs óvæntar endurkomur. Við fáum líka að heyra þegar Fatman Scoop, R.I.P. og gengið hans ætlaði að ráðast á Birki en Daða tókst að settla málin. Davíð fer svo yfir algengustu leitarorðin á Pornhub á árinu enda er það honum hjartans mál, pé ess, Davíð var fulli kallinn!

Við gerum ýmislegt í þessum þætti, byrjum létt spjall með jólagjafakaupum og undirbúning, Birkir segir okkur frá því þegar hann rændi óvart verslun um daginn. Birkir gefur Daða og Davíð gjafir og fær ekkert tilbaka. Svo förum við yfir allsskonar vitneskju um jólin og jólasveina, vissir þú að einu sinni voru jólasveinarnir ekki 13, heldur 78, og hinir hétu margir helvíti sérstökum nöfnum sem við förum yfir í þættinum. Svo fáum við að heyra um uppruna ameríska jólasveinsins, Davíð er með lista yfir erlendar jólahefðir sem tengjast einhverra hluta vegna...kúk? Svo veljum við bestu jólamynd allra tíma með útsláttarkeppni, en hey, GLEÐILEG JÓL OG TAKK FYRIR AÐ HLUSTA! 🫶

Kynlíf, vá hvað þetta er pínlegt á köflum, allavega!

Birkir opnar þáttinn á downer að spyrja okkur hversu lengi makarnir okkar væru að finna sér nýjan maka ef við myndum deyja. Svo förum við í umræðu um múffuna sem fór heim með Birki, Birkir telur upp lista yfir meðalstærð í heiminum, hverjir eru með minnsta og hverjir hafa þann stærsta. Daði spyr AI allsskonar spurningar um kynlíf, þar sem hann fær meðal annars lista yfir vinsælustu stellingarnar og AI lýsir þeim nokkuð ítarlega.

Svo útskýrir Birkir aðrar stellingar fyrir okkur eins og Scoop Me Up, The Good X, Spider, Butt Churner, The Pretzel Dip, Spork og Snow Angel sem dæmi, svo fær Birkir heiðurinn á því að loka þættinum á hallærislegasta hátt heims! Allt í allt, vandræðalegur þáttur!

Birkir byrjar á því að hneykslast á logo breytingum fyrirtækja. Verður eiginlega bara pínu reiður! Svo dembum við okkur í að ræða 2005! Hvað gerðist 2005? Hvaða sjónvarpsþættir komu út, hvaða celeb giftu sig og skildu á þessu ári? Eitt par gerði bæði! Hverjir dóu, hvaða kvikmyndir voru heitar þetta árið! Hvaða stórviðburðir gerðust í heiminum og hvernig tapaði Birkir Herra Ísland keppninni 2005? Svo fara Birkir og Þröstur í leik þar sem við komumst að því hvort þeir eru drippin´eða bara cheugy! Þeir segja okkur semsagt hvað Gen Z slangur þýðir!

Birkir byrjar þáttinn á því að ræða um Chippendale dansarana og hvernig kvenfólk heldur að karlmenn hagi sér á strippstað. Hvaða vinur okkar var strippari? Eftir þær pælingar förum við yfir í það að ræða áhugaverða og ekki áhugaverða raunveruleikaþætti eins og Jersey Shore, Survivor, Sexy Beast, Fear Factor, Extreme Makeover: Home Edition, Cheaters og There´s Something About Miriam sem var með svaka plot twist í lokin! Við förum líka yfir furðulega þætti eins og My Strange Addiction, Outrageous 911 calls og Best Funeral Ever! Svo fara Birkir og Davíð í leik þar sem þeir þurfa að giska á hvort nöfn sem Daði les upp séu fótboltamenn eða karakterar í Harry Potter, hentugt að þeir vita ekkert um fótbolta!

Við byrjum á því að ræða Tyson vs Paul bardagann mjög stuttlega, var þetta handrit?Birkir fær erfiðustu ríða, drepa, giftast spurningu í heimi, sem enn er ekkert svar við! Við komumst að því af hverju Kári Stefánsson er að reyna að fá DNA allra Íslendinga! Svo ræðum við skandala, eins og þegar Woody Allen ákvað að byrja með stjúpdóttur sinni, Brangeilna skandallinn, Bill Clinton og Monica Lewinski, Norður Kóreskir hermenn sem eru að sjá internetið í fyrsta skipti í Rússlandi og Úkraínu, týndar kjarnorkusprengjur í heiminum, Tiger Blood ævintýri Charlie Sheen, P Diddy ruglið, og auðvitað stóra 2005 skandalinn á Íslandi sem Birkir var í! Svo stýrir Davíð leik á Birkir og Daða sem var vægast sagt flókinn, en samt svo einfaldur, misvel gefnir strákar!

Birkir byrjar þáttinn á því að sýna okkur búninginn sem hann gleymdi að taka með sér þegar við gerðum Halloween þáttinn, þetta er allt í tiktok og instagram hjá okkur. Þið finnið þá linka á bubblurogbjor.is. En svo förum við í málefni þáttarins, Bucket listarnir okkar, hvað langar okkur að gera áður en við kveðjum þessa jarðvist? Af hverju vill einn okkar ferðast til Kongó, Sýrlands eða Norður Kóreu, hver ætli það sé, svo er á lista að hitta Michael Jordan, sjá pýramídana, stofna fyrirtæki og reyna að forðast gjaldþrot, tropical ferð á skemmtiferðaskipi, klifra Everest, halda á tarantúlu og margt margt fleira sem við viljum gera. Við komumst líka óvænt að því að Davíð er Tik Tok ICON hjá unglingum á Íslandi, það kom flatt upp á Birki og Daða. Svo lokum við þættinum á sjúklega fyndnum og misheppnuðum leik þar sem við tárumst allir úr hlátri!