القدرة على تحمل ضغط العمل؟ أم الرغبة؟
ضغط العمل؟ أم ضغط رب العمل؟ أم زملاء العمل؟
غالبا التداخل غير الواضح هو اللي بيعمل المشاكل، ولذلك تجنبا لأي سوء فهم جهزتلك 3 استراتيجيات للتعامل مع جميع أنواع الضغوط.. جهز حالك، واضغطني لقلك

الحركة السريعة بالعالم مو ظاهرة مرتبطة بدولة ما، وسط طوفان العولمة صارت السرعة أحد أهم الميزات اللي عم تكون حزمة وحدة من الأشياء معاً، والفاست فود هو أحد أبسط أشكالها.. حلقة اليوم رح نناقش ثقافة الفاست وأهم مظاهرها.
شاركني برأيك على صفحة الفيسبوك:
 https://bit.ly/facebookminusonepodcast

بتركز تمارين الاسترخاء واليقظة الذهنية على أنك تكون واعي بكل المشاعر اللي حاسس فيها، كل المشاعر يعني كلها، خليط من الحزن والغيرة والحب والألم والمفاجأة والسعادة، والجوع أحيانا، وبعض المشاعر التانية اللي بتعرفها.. وخبرتك فيها أكتر من أنه عدلكياها..

مافي شي إيجابي وشي سلبي بهي المشاعر، متل ما بيقولوا..

جلسة استراحة من السلبية والتشاؤم

التعلم بالحياة بيكون بعد اللي ممكن نسميه "الخبرة"، واللي هي عدد ساعات الفشل واللي بالمرة القادمة بتكون نجاح.. هون ممكن نقول إنه الإنسان اكتسب خبرة وهون بيكون صار في تعلم...

ولكن.. التعلم من الفشل، أو الخبرة، هو واحد من أسوأ الأشياء اللي ممكن نعملها بحياتنا، خصوصا في ظل التغيرات على الساحة.. كيف؟ الحلقة الخامسة من بودكاست ناقص واحد بتجاوبك.. أو ما بتجاوبك يمكن عادي 

حكينا بالحلقة السابقة عن أسوأ أنواع المدراء، واليوم عنا نوع من أنواع الموظفين اللي يعتبر وجودهم بشركة ما وبال عليها.. ممكن تعتبر هي الحلقة استمرار للحلقة السابقة.. أنواع الموظفين المزعجين من وجهة نظر المدراء في حلقة جديدة من بودكاست ناقص واحد 

بيتصدر "المدير السيء" قائمة أكتر أسباب استقالة الموظفين بكتير من الدراسات، وبحسب دراسات تانية بيتصدر كمان قائمة الدعاوي اليومية للموظف في أوقات السحر وما بعد الصلوات، وفي أوقات التجليات وقت الجليات.. وهاد متل ما بتعرف (باعتبارك موظف أو بتعرف حدا موظف) بيكون بسبب مجموعة من الصفات، قد تكون في ظاهرها إيجابية، لكنها من أكتر الأسباب اللي بتخلي الموظف يهاجر في سبيل الله.. بعد ما تجاوز سؤال "وين شايف حالك بعد ٥ سنين" بصعوبة أصلا.. متخيل!!.. بهي الحلقة رح نحكي عن أول ٣ أنواع من المدراء اللي مندعيلك صادقين أنه ما تلتقي فيهم بحياتك.. بودكاست ناقص واحد 

التعليم هو واحد من أهم القضايا المحورية بحياة كل واحد، مثل المال، بل أحيانا بيكون أكثر
لحتى نفهم أسوأ مشكلات النظام التعليمي الحالي منحتاج لأكثر من حلقة، ولكن هي بسم الله وخلينا نبدا

العملية التعليمية في بودكاست ناقص واحد

خليكن معي.. 

بالحلقة الأولى من بودكاست (-1) رح نحكي عن الجانب المظلم من الاعتذار
أهم خمس مواقف إن لقيت حالك فيهن فاختيارك للاعتذار هو ثاني أسوأ قرار ممكن تاخدوا بحياتك.. ترست مي 

هل الاعتذار مرتبط بالخطأ أم لا؟ 
لا طبعا.. 

كيف؟ 

خليك معي