اهلاً بالغريب, اتفضل, ادخل بسرعه الجو وحش جداً بره, اه الكهربا مقطوعه بس الدنيا ناشفه و دافيه جوه, يلا, خدلك باطنيه و تعال اقعد معانا جنب النار قبل ما تتجمد, لا لا متقلقش, عندنا مكان ليك, و بعدين غلط جداً انك تتمشي بره لوحدك كده في الضلمه ديه, ايه؟ بتقول ايه؟ كنت زهقان ؟  طيب, تحب احكيلك قصة, اه, قصة تخرجك من المود اللي انته فيه ؟ لا لا لأ, مش قصة واقعيه, قصة خيالية, ممكن تعتبرها حكايه من حكايات قبل النوم, بقلك ايه, انا كمان حسيبلك القصة هنا علي القناة, عشان تقدر تسمعها في اي وقت, حتي لو انا مكنتش موجود, اه, ايوه, ايوه, ممكن تسمعها و انت بتذاكر, او تسمعها و انت بتتمشي او في الجيم, او حتي وانت قاعد مع نفسك بتفكر في النظام المحكم المسيطر علي الكون, طيب, القصة نوعها ايه ؟ هل هيه قصة رعب و جن و اشباح, و لا قصة زومبي او مصاصين دماء او قتله متسلسلين, ولا يمكن قصة خيال علمي او قصة عن الدارك ويب, ولا قصة رومانسيه ولا ايه بالظبط ؟ إحممم بص, هوه انا مقدرش اضمنلك, ممكن تكون اي حاجه من الحاجات ديه, انت و حظك, اللي انا اقدر اضمنهولك ان القصة حتبقي غريبة و غالباً بنسبة كبيره مش حتكون سمعتها قبل كده, بس طبعاً مش حتكون اغرب منك, هوه في حد فعلاً بيدخل يتفرج علي الفيديو التعريفي للقناة؟! انت اصلاً مضيع كل الوقت ده ليه ؟ البس السماعات و اقفل عينيك و عيش, ايه ده؟ ثواني, معلش, افتح عينيك تاني, نسيت اقلك ان اغلب القصص بالعاميه المصريه.

.

.

.

لو عجباك قصص غريبة مسموعة , ادعم القناة عن طريق انتسابك ليها علي اليوتيوب او بالاشتراك و الاعجاب و التعليق و الشير , الموضوع ده حيساعدني اعمل قصص اكتر

.

.