يعني كل ده احنا عايشين في مؤامرة؟ ولا ده كله من وحي خيالنا؟ ، في حلقة “مثلث حمودة” اتكلمنا عن كل أشكال المؤامرة اللي بنشكلها في خيالنا وازاي بنشوفها وليه بنفكر فيها كده. وصحيح ايه حكاية الغزو الفضائى وافترضنا نزولهم وهنعمل ايه معاهم لما ينزلوا يقعدوا معانا. وبعدين ايه كل الأساطير اللي بنشوفها على السوشيال ميديا وصناديقها السودة دي. وأرجوكم “Correct me if I’m wrong” مش هتفهموا غير لما تكملوا الحلقة للأخرحلقة “مثلث حمودة” نزلت دلوقتي على كل منصات البودكاست وهتنزل يوم الاتنين على ويوتيوب

لو فاكرها سهلة حط نفسك مكان الشخص وفكر فيها تاني، اكتشفنا شوية حاجات جديدة الحلقة دي لما جربنا نحط نفسنا مكان اشخاص مختلفة في مواقف وازمنة تانية ونفكر لو كنا مكانهم كنا هنتصرف إزاي! في الحلقة دي “لو كنت مكاني” اتكملنا على الناس اللي بتطلع اشاعات عشان تقول أنا كنت صح في أخر السنة، فا لو مستني بوستات الريكاب بتاعة ٢٠٢٥ شوف كده الناس مركزة في ايه طول السنة وأنت هتفهم.

ايوة يعني انك تسمع حلقة جديدة من بودكاست اشتري مني، ده التزام ولا لا ؟ وان احنا ننزلكم حلقة جديدة كل اسبوع التزام ولا محبة؟
حلقة جديدة اتكلمنا فيها عن الالتزامات اللي بتجبر علينا والالتزامات اللي بنحبها، وشككنا في معلومات بعض بس للمرة التانية معانا جيميناي وكان بيصححلنا كل معلوماتنا واحنا قاعدين.

الحلقة نزلت دلوقتي على كل منصات البودكاست وهتنزل يوم الاتنين على يوتيوب

حلقة على راحتنا خالص هنشوف فيها العالم إزاي ممكن يبقى مكان أحسن لينا كلنا، فكرنا فيها من زوايا كتير مختلفة مع مو العرقان اللي منعقتدش في حد هيقدر يتوقع أفكاره. اكتبلنا في الكومنتات العالم هيبقى أفضل لو إيه اللي حصل ومتنساش إن الحلقة هتنزل يوم الأثنين فيديو على يوتيوب. 

ده كابشن مكتوب عشان يثير فضولك تدخل تتفرج عالحلقة وتعرف قولنا إيه فيها، احنا مش هنقولك إيه اللي بيحصل في الحلقة، ادخل أنت بنفسك واكتبلنا في الكومنتات ايه موضوع الحلقة دي واكتب موقف ليه علاقة بالحلقة. في الحلقة دي “وريني كده” مش هنقول برضه بنتكلم عن إيه بس متنساش تعمل لايك وشير وسبسكرايب.

حلقة جديدة مع رابعنا في الحلقة دي وهو Google Gemini اللي هناخد رأيه معانا في مواضيع كتير وهيساعدنا ونشوف أصل كل حاجة بنقولها.

في الحلقة دي “أقوال مكسورة” هنتكلم عن مقولات كتير ليها علاقة بالنجاح ونشوف أصلها وناخد رأي بعض فيها، هل هي فعلًا حقيقية ولا كلام واتقال وخلاص. 

متنساش تتزل الأبلكيشن وتكتب في الكومنتات: بقولك يا 
Gemini وممكن تكون واحد من اللي هيكسبوا اشتراك 
Google AI Pro

على عكس المتوقع مكناش متخيلين ان الحلقة دي ممكن تتعمل في يوم من الأيام، بس ادينا حرقنا دمنا وطلعوا صحاب وحبايب في الأخر، حلقة جديدة مع إياد الموجي ومجبناش سيرة حد في الحلقة دي خالص.

تستحق ولا متستحقش؟حلقة تستحق تنزل من وجهة نظرنا عن مين اللي ليه الحق ومين اللي ملوش الحق واختلافات كتير في وجهات النظر خليتنا نفكر في حاجات أكتر، اكتبلنا تاني ايه يستحق وايه ميستحقش في الكومنتات ومتنساش تدخل الجروب ونتناقش سوا.

مرحبا كابتن كيفك شو الأخبار ماشي الحال كله تمام، دولة نحنا هون في مصر بنعمل حلقة مع حسين قاووق من مرحبا دولة بعد ما كسروا الدنيا في كل حتة والعالم كله بقى بيتكلم عليهم، اتبسطنا واتكلمنا في مواضيع كتير وشوفنا اختلاف وجهات النظر اللي بينا وبين أخواتنا في لبنان ويا رب انتوا كمان تتبسطوا بالحلقة دي.

Follow us :
فيسبوك - https://www.facebook.com/TPPnetwork.FB
إنستاجرام - https://www.instagram.com/tpp.network
تيك توك - https://www.tiktok.com/@tpp.network

وحشنا أيام الروف فا قولنا نسجل حلقة هناك وننزلها مفتوحة لكل الناس عشان الروف دايمًا للجميع، وفي الحلقة دي يوسف الشبيني هيحكيلنا قصة كمان من حياته لو حد حابب ياخدها يعملها فيلم أهلًا وسهلًا.