அப்பர் சுவாமிகள் அருளிய தேவாரம் ஆறாம் திருமுறை போற்றித் திருத்தாண்டகம். Appar Swamigal thevaaram

Arunagirinathar's Thirupugal அருணகிரிநாதர் அருளிய திருப்புகழ். காஞ்சிபுரம். முட்டுப் பட்டுக் ...... கதிதோறும்

     முற்றச் சுற்றிப் ...... பலநாளும்

தட்டுப் பட்டுச் ...... சுழல்வேனைச்

     சற்றுப் பற்றக் ...... கருதாதோ

வட்டப் புட்பத் ...... தலமீதே

     வைக்கத் தக்கத் ...... திருபாதா

கட்டத் தற்றத் ...... தருள்வோனே

     கச்சிச் சொக்கப் ...... பெருமாளே.

அருணகிரிநாதர் அருளிய திருப்புகழ் arunagirinathar's Thirupugal. சிதம்பரம் திருப்புகழ். பாடல்

கனகசபை மேவு மெனதுகுரு நாத

     கருணைமுரு கேசப் ...... பெருமாள்காண்

கனகநிற வேத னபயமிட மோது

     கரகமல சோதிப் ...... பெருமாள்காண்

வினவுமடி யாரை மருவிவிளை யாடு

     விரகுரச மோகப் ...... பெருமாள்காண்

விதிமுநிவர் தேவ ரருணகிரி நாதர்

     விமலசர சோதிப் ...... பெருமாள்காண்

சனகிமண வாளன் மருகனென வேத

     சதமகிழ்கு மாரப் ...... பெருமாள்காண்

சரணசிவ காமி யிரணகுல காரி

     தருமுருக நாமப் ...... பெருமாள்காண்

இனிதுவன மேவு மமிர்தகுற மாதொ

     டியல்பரவு காதற் ...... பெருமாள்காண்

இணையிலிப தோகை மதியின்மக ளோடு

     மியல்புலியுர் வாழ்பொற் ...... பெருமாளே

அருணகிரிநாதர் அருளிய திருப்புகழ். பழமுதிர் சோலை Arunagirinathar's Thirupugal.

வாதினை யடர்ந்த வேல்விழியர் தங்கள்

     மாயமதொ ழிந்து ...... தெளியேனே

மாமலர்கள் கொண்டு மாலைகள் புனைந்து

     மாபதம ணிந்து ...... பணியேனே

ஆதியொடு மந்த மாகிய நலங்கள்

     ஆறுமுக மென்று ...... தெரியேனே

ஆனதனி மந்த்ர ரூபநிலை கொண்ட

     தாடுமயி லென்ப ...... தறியேனே

நாதமொடு விந்து வானவுடல் கொண்டு

     நானிலம லைந்து ...... திரிவேனே

நாகமணி கின்ற நாதநிலை கண்டு

     நாடியதில் நின்று ...... தொழுகேனே

சோதியுணர் கின்ற வாழ்வுசிவ மென்ற

     சோகமது தந்து ...... எனையாள்வாய்

சூரர்குலம் வென்று வாகையொடு சென்று

     சோலைமலை நின்ற ...... பெருமாளே

Mayil viruthatham by Saint. Arunagirinathar. மகரம் அளறிடை புரள உரககண பணமவுலி

மதியும் இரவியும் அலையவே

வளரெழிலி குடருழல இமையவர்கள் துயரகல

மகிழ்வு பெறும் அறு சிறையவான்

சிகரவரை மனை மறுகு தொறு நுளைய மகளிர் செழு

செநெல்களொடு தரளம் இடவே

செகசிர பகிரதி முதல் நதிகள்கதி பெற உததி

திடர் அடைய நுகரும் வடிவேல்

தகர மிருகமதம் என மணமருவு கடகலுழி

தரு கவுளும் உறு வள் எயிறும்

தழை செவியும் நுதல்விழியும் உடைய ஒருகடவுள் மகிழ்

தரு துணைவன் அமரர் குயிலும்

குகரமலை எயினர்குல மடமயிலும் என இருவர்

குயமொடமர் புரியு முருகன்

குமரன் அறுமுகன் எதிரும் விருது நிசிசரர் அணிகள்

குலையவிடு கொடிய வேலே

(குமரன்விடு கொடிய வேலே அறுமுகவன் விடு கொடிய வேலே)

அருணகிரிநாதர் அருளிய திருச்செங்கோடு திருப்புகழ். ... Arunagirinathar's Thirupugal... பத்தர்க ணப்ரிய நிர்த்தந டித்திடு

     பட்சிந டத்திய ...... குகபூர்வ

பச்சிம தட்சிண வுத்தர திக்குள

     பத்தர்க ளற்புத ...... மெனவோதுஞ்

சித்ரக வித்துவ சத்தமி குத்ததி

     ருப்புக ழைச்சிறி ...... தடியேனுஞ்

செப்பென வைத்துல கிற்பர வத்தெரி

     சித்தவ நுக்ரக ...... மறவேனே

கத்திய தத்தைக ளைத்துவி ழத்திரி

     கற்கவ ணிட்டெறி ...... தினைகாவல்

கற்றகு றத்திநி றத்தக ழுத்தடி

     கட்டிய ணைத்தப ...... னிருதோளா

சத்தியை யொக்கஇ டத்தினில் வைத்தத

     கப்பனு மெச்சிட ...... மறைநூலின்

தத்துவ தற்பர முற்றுமு ணர்த்திய

     சர்ப்பகி ரிச்சுரர் ...... பெருமாளே

Saint. Arunagirinathar's vel vaguppu. அருணகிரிநாதர் அருளிய வேல் வகுப்பு. நிறைந்த பலன் தரக்கூடியது.... கேட்டு பயன் பெறுங்கள்

Appar thevaaram. அப்பர் தேவாரம்... போற்றி திருத்தாண்டகம்

Thiruvanmiyur pathigam திருவான்மியூர் பதிகம். திருவான்மியூர்

சீரு லாவு நீடு மாட வீதி யாதி தேவர்வாழ்

ஏரு லாவும் வேத பீட மேய்வி லாச வான்மியூர்

நாரு லாவு ஞான வேலி னாத னாத பாதமே

பாரு லாவு ஞான நூலர் பாடும் வீடு மாகுமே. 1

கோட றாத சோலை தாழை கூடு நீழ னாறுநீர்

ஏட றாத வாரி சாதி யேய்த டாக வான்மியூர்

மாட றாத மாம யூர மூரு மாதி பாதமே

பாட றாத ஞான நூலர் பாடும் வீடு மாகுமே. 2

தேச றாத மீனு லாவு சீத வாரி நாளுநீர்

வீச லார்வி லாச வூர்வி வேகர் வாழும் வான்மியூர்

வாச வேலி னான்வி பூதி மாண றாத பாதமே

பாச நூறு ஞான நூலர் பாடும் வீடு மாகுமே. 3

கூடு நாரை மீனை வாரு கோலம் வான்மண் மேடுவால்

நீடு ஞாளி பூஜை சேன மேர்நி லாவும் வான்மியூர்

நாடு வேல னாம யூர நாத னாத பாதமே

பாடு மோகை ஞான நூலர் பாடும் வீடு மாகுமே. 4

பூவு லாம்வி ணாடு மேரு பூத மேகி னாலுமே

ஒவு றாதெ நாளு மாத ரோதி சாரும் வான்மியூர்

மேவு நீன்ம யூர மூரும் வேல னாத பாதமே

பாவு தார ஞான நூலர் பாடும் வீடு மாகுமே. 5

நாவல் வாழை தாளி பூக நாளி கேர மேயவூர்

தாவ ணார வாவி வாழ்ச காய பூதி வான்மியூர்ப்

பூவன் மேனி வேல னீத போத னாத பாதமே

பாவ னாவர் ஞான நூலர் பாடும் வீடு மாகுமே. 6

பூணி கோக டாமை யாடு பூழி மூச வேகுமூர்

ஏணி லாவு வேத கீத வேர்கு லாவும் வான்மியூர்

வாணி லாவு ஞான வேலன் வாச நாத பாதமே

பாணி மேய ஞான நூலர் பாடும் வீடு மாகுமே. 7

பேழு ணாவெ னாமை யூக மேபல் காய்கள் பீறலாற்

கூழு லாய சூழன் மேவு கோல நீடும் வான்மியூர்

வாழு மாம யூர மூரு மாக வாதி பாதமே

பாழு றாத ஞான நூலர் பாடும் வீடு மாகுமே. 8

பாலி றாத லால நீள்ப லாவி ளாப ராய்களோர்

பாலி றாம தூக மாவொர் பால ளாவும் வான்மியூர்ப்

பாலின் மேனி நாதர் சேய்கு கேச னாத பாதமே

பாலி னேய மானு நூலர் பாடும் வீடு மாகுமே. 9

கூன னாகு மீன மூரல் கூடு பானல் வான்மியூர்

ஞான வேல னார லோதி நாம னாடு தேவனாம்

மான வான்ம யூர மேறு மாக சோதி பாதமே

பான றாவி னோதி நூலர் பாடும் வீடு மாகுமே. 10

சைவ சித்தாந்த சாத்திரங்கள் பதினான்கனுள் உமாபதி சிவாச்சாரியார் அருளிய திருவருட் பயன் நூலில் இருந்து குறட்பாக்கள். Couplet from Thiruvarut payan by Umapathy Sivachariar