Na segunda sesión de 'Ciencia en Feminio 2024' a CEO de Hifas da Terra, Catalina Fernández, explica que a ciencia debe ser “vendible” e beneficiosa para a vida das persoas.

Este é o primeiro episodio da segunda edición de pódcast de Ciencia en feminino, un ciclo de charlas e mesas redondas que organiza Gciencia e a Deputación de Pontevedra co gallo do 8M. Nesta primeira actividade abordaremos o importante que é espertar as vocacións científicas da man de tres investigadoras: a bióloga Alicia L. Bruzos, a enxeñeira aeroespacial Uxía García Luis e a paleobióloga Blanca Moncunill Solé. Con elas falamos sobre o efecto Matilda, a saúde mental, como facer un doutoramento e sobre ser muller e científica.

As desigualdades entre homes e mulleres tamén chegan á ciencia. Que se pode facer para romper a coñecida como 'fenda de xénero'? Falamos coas investigadoras galegas Verónica Bolón, Susana Ladra e Ana Belén Crujeiras, que achegan a súa perspectiva como académicas e mulleres.

A catedrática de Medicina Legal da Universidade de Santiago Victoria Lareu, tamén directora do Instituto de Ciencias Forenses Luis Concheiro, é a terceira convidada a Ciencia en feminino. Este ciclo nace en colaboración coa Deputación de Pontevedra para conmemorar o 8M e darlle visibilidade ás mulleres científicas galegas.

A maioría do alumnado universitario, o 56% do total, son mulleres. Pero esta cifra varía segundo as áreas. Dun 25% en enxeñarías e arquitectura a un 70% en ciencias da saúde. Para reverter esta situación é imprescindible espertar a vocación científica entre as nenas. As claves para facelo daránnolas as investigadoras galegas Ana Freire, Rosa Crujeiras e Vanessa Valdiglesias. Con elas estará a deputada de Novas Tecnoloxías da Deputación de Pontevedra, Ana Mejías.

A neurocientífica Sonia Villapol, natural da Pastoriza, leva 20 anos emigrada. Co gallo do 8M analiza para GCiencia as diferenzas da investigación en Estados Unidos, onde reside dende hai 13 anos, e as de Galicia. Tamén, cal é a situación da muller na ciencia en cada un dos dous países.