Episode_42_Sambad_WVIN 03-28

Sajha Khabar 2079 Ashad 27 Evening 07:30 PM News

महोत्तरीका चन्नी राईको मुख्य पेसा कृषि हो ।

अघिल्ला वर्षमा असार लाग्दा रोपाइँको चटारो हुन्थ्यो । तर, यसपटक पानी नपरेपछि फुर्सदभन्दा पनि छछटपटी धेरै छ ।

उहाँ भन्नुहुन्छ, ‘यसपटक पानी नपरेका कारण रोपाइँ नै गर्न सकेको छैन । वर्षभरिलाई गुजारा चलाउन पनि समस्या होला जस्तो छ । यस्तै घाम लागि रहने भने रोपेको अन्नमा उत्पादन कस्तो होला भन्ने पनि थाहा छैन ।’

धनुषाका हरिनारायण साहको समस्या पनि चन्नीको भन्दा फरक छैन । पुख्र्यौली पेशाको रूपमा कृषि भए पनि पछिल्ला दिनमा खेत बटैया लगाएको उहाँले बताउनुभयो ।

साह भन्नुहुन्छ, ‘पानी नै यसपटक परेको छैन । जसले गर्दा रोपाइँ पनि भएको छैन । अब साउनसम्म पनि पानी परेन भने त समस्या छ । पानी नै नहुँदा खेत सबै सुक्खा भइसक्यो । लगाएका धानका बिउ पनि सुक्ने बेला हुँदैछ ।’

रोपाइँको समयमा पर्याप्त पानी पर्ने हो भने झारपात नउम्रिने र यसले गोडमेलमा सजिलो हुने किसानहरू बताउँछन् ।

तर यसपाली असार जाने बेलासम्म पनि पानी परेको छैन । जसका कारण रोपाइँ गर्न नपाएको सर्लाहीका किसान हरिश्याम रायको भनाइ छ ।

मधेश प्रदेशमा यसपटक समयमै पानी नपर्दा किसानहरू चिन्तित बनेका छन् । रोपाइँका लागि उत्तम मानिने असार महिना सकिनै लाग्दा पनि मधेशका किसानहरूले रोपाइँ गर्नका लागि चाहिने सिँचाइ नहुँदा चिन्तित बनेका हुन् ।

Episode-69. Jiban Rakchya 2079-03-27 {Bharati Pathak}

साझा खबर २०७९ असार २७ गते विहान ६ बजे

Sajha Khabar 2079 Ashad 26 Evening 07:30 PM News

प्रधानन्यायाधीश चोलेन्द्रशम्सेर जबरामाथि लागेको महाअभियोग प्रस्तावका बारेमा छानबिनका लागि प्रतिनिधि सभाले समिति बनायो तर चार महिनासम्म एउटा पनि बैठक बस्न सकेको छैन ।

जबराविरुद्ध २०७८ फागुन १ गते नेपाली काँग्रेस र नेकपा माओबादी केन्द्रका सांसदहरूले प्रतिनिधि सभामा महाअभियोग प्रस्ताव दर्ता गराएका थिए ।

उक्त प्रस्तावका बारेमा अध्ययन गर्न २१ दिनपछि ११ सदस्यीय महाअभियोग सिफारिस समिति गठन गगरेको थियो ।

प्रमुख प्रतिपक्षी दल एमालेका चार, काँग्रेस, माओवादीका २÷२, एकीकृत समाजवादी पार्टीका, जसपा र लोसपाका १/१ जना सांसद समितिमा छन् ।

‘अनौपचारिक कुराकानीहरू त भइराखेको छ । औपचारिक बैठक बसेको छैन ।’ समिति सदस्य कल्याणी कुमारी खडकाले भन्नुभयो, ‘हामी छिटै बैठक बस्ने तयारीमा छौँ ।’

प्रस्तावित महाअभियोगमा प्रधानन्यायाधीश जबराको आचरणमाथि २१ प्रश्न उठाइएको छ ।

संविधानको धारा १ सय १ अनुसार गठन भएको उक्त समितिलाई ती प्रश्नमा छानबिन गरि महाभियोगको प्रस्ताव पेस गर्ने आधार र कारण भएनभएको बुझ्ने अनि सिफारिस गर्ने अधिकार छ ।

साझा खबर २०७९ असार २६ गते विहान ६ बजे

Sajha Khabar 2079 Ashad 25 Evening 07:30 PM News

बाजुरा सदरमुकाम मार्तडीमा स्थानीय लालबहादुर खड्का करेसाबारी खन्दै गरेको अवस्थामा भेटिनुभयो ।

आलु लगाइसकेको बारीमा मकै र भटमास रोप्ने उहाँको तयारी छ । त्यसैका लागि माटोमा गोठेमल मिसाउन थाल्नुभएको रहेछ ।

गोठे मलले माटो पनि मलिलो बनाउने अनि उत्पादन पनि राम्रो हुने भएका कारण रासायनिक मलप्रति नलागेको उहाँको भनाइ छ ।

‘प्राङ्गारिक मलले माटोलाई पोषक तत्व दिन्छ भन्ने सुन्दै जन्मिएँ । दैनिक रूपमा उपभोगका लागि दूध लगाउने गरेकै स्थानबाट मागेर बारीमा गोठे मलको प्रयोग गरिरहेको छु ।’ लालबहादुरले थप्नुभयो ।

बाजुराकै बडीमालिका नगरपालिका २ का शर्मिला सागरले पनि खेतबारीमा अहिलेसम्म रासायनिक मल प्रयोग गर्नु भएको छैन ।

कारण बारे उहाँले भन्नुभयो,‘गाइभैँसीको मल नै राम्रो हुन्छ भन्ने हामीले सुनेका छौँ । स्याउला सोत्तरलाई खाल्डोमा कुहाएर नै मल उत्पादन गर्दै आएका छौँ ।’