D Containerrundi isch zrügg bzw. geit wie dr ganz FC Wabern is Halletraining u findet erstmals bim Mätthu ir Wohnig statt. Z Gast isch dr Ruchti wosech nid nur uf jedem Terrain bereit fühlt, sondern o praktisch jedi Funktion bi BERE wahrgnoh het. Sigs als Trainer, Klubkollektionsverantwortleche, SPIKO Juniore oder sogar Schiedsrichter. Mir luege mit ihm uf di verschiedene Station zrügg u kreiere dr schlimmstmüglech Match. Containerfeeling garantiert.

Jz währendem Outofahre, Jogge oder Güetzibache mit dr WG/Fründin/Fründ inelose. Mir freue üs uf eui Feedbacks!

• 00:00  Containerrundi isch zrügg!
• 01:55  Willkomme ir Containerrundi, Ruchti.
• 03:10 Rubrik: Dr schlimmstmüglech Match
• 17:25 Debüt ufem Wander bim Housi Bienz
• 19:30 Zwöi und z’Inewachse i Trainerjob
• 28:10 Meh BERE-Libli im Quartier!
• 30:00 Matts Grätsche
• 33:00 Was isch dr ideal Schiri im Amateurbereich?
• 38:20 Wie geits witer?

Neb dr Fortsetzig vo sire BERE-Top-11 schweifemr im zwöite Teil mitem Cüri ab zure mügleche Bärner Super League u wases mitem Fasnachtsstand vom FC Wabern uf sech het gha. Richtig nostalgisch wird’s im Outro wo altmodischi Gouzeichnige mitem Fifa Karrieremodus vergliche werde.

00:10 Fortsetzig Top-11

11:40 Chris Flanke

21:25 Bärner Super League

28:10 Timos Grätsche u Fasnacht ?

30:40 Zeichnige vo Gou vs. Fifa Karrieremodus

Wies e so isch mit Seniore: Sie hei viu erlebt und dämentsprechend viu zverzeue. I dere Folg setztsech d Stürmerlegende Cüri i üse Schoukustuhl u blickt uf sini Karriere zrügg. Im erste Teil vo üsem Gsprech klärt er üs über Mythos uf, öb er würk mau ir Ligue 1 in Frankrich het gspiut, gwährt spannendi Iblick i si BERE-Ordner wonr füehrt sitr E-Junior isch - u nominiert dr erst Teil vo sire Top-11 vom FC Wabern.

01:30 3 Churzi

07:00 Ligue 1 oder nicht?

12:10 Erinnerigsordner BERE

19:20 Cüris Top-11 (Teil 1)

Ir füfte Folg vor Containerrundi lüftet ds ehemalige Goalietalent Ramiz ds Gheimnis öbersech im Zwifusfau für d Schwiizer Nati oder Bosnie würd entscheide. Es spannends Gspräch über Heimatgfüeu, zwöi Herze i eire Brust u dr Rolle vom FC Wabern bi sire Integration. Mitem Co-Spielertrainer vom Zwöi besprechemr usserdem dr Wechsu zwüsche Komik u Tragik bi de früehmorgendleche Matchbesammlige 😉

01:30 Füf (nid ganz so) Churzi

11:50 Schwiiz oder Bosnie

17:45 Ankunft in dr Schwiiz u d Rolle vom FC Wabern bir Integration

19:43 Besammlige im Amateurfuessbau

25:35 Allstarteam vom FC Wabern

??:?? Easter Egg

Dr viert Gast vor Containerrundi muessme BERE-Insider nid lang vorsteue. Für aui angere: Dr Joni het bim FC Wabern dr Weg vom Junior bis is Eis gschafft. Hie redtr ohni es Blatt vor zMuu znäh über si Werdegang, sini Beziehig zu Schiedsrichter und us welem Alass d Schwiiz ihm es Füürwerk gwidmet het. Usserdem wählt er i üsere neue Rubrik sis persönleche FC Wabern-All-Star-Team. Ghörsch drzue? Los jz ine!

01:00 Füf Churzi

09:00 Vom Junior is Eis

18:40: Matt’s Grätsche

24:00 FC Wabern All-Star-Team von Joni

Rimini, Frankfurt und Wabere: Mitem Colin, Co-Host vor Container-Rundi, reise mr vo Pfingstturnier über Bundesligastadie dür di grossi u chlini Fuessbauwelt, wonr als Spieler und Fussballreisende kenneglert het. Usserdem gwährt er üs ä Iblick id Psyche vomne Spielertrainer, we ir 65. Minute immerno nid aues wie plant louft u erklärt öb üses Zwöi 2022 internationali Testspiu wird bestrite.

Wü z Wetter i üsem Outdoorstudio ke witeri Ufnahm het zueglah löhmr i dere Bonusfolg no eini vo de Probeufnahme use. Inklusive ohrebetäubende Töffgrüsch im Hintergrund natürlech 😉

Produktion & Technik: Mike Fund

Moderation: Mänu, Mätthu

Location: Lerbermatt-Container (Me ghörts am Audio)

01:31 Füf Churzi

08:30 Z Image vom FC Wabere

09:45 Rolle als Spielertrainer vom Zwöi

14:00 Fussballreisen

Connections id Champions League, Iblick i Vorstandssitzige während Corona und d Gschicht hinger sim Spitzname: Ir zwöite Folg vor Containerrundi isch dr Joller, Co-Präsident und Gsicht vom FC Wabern geg usse, Red u Antwort gstande. Natürlech im gwohnt sympathische und glassene Bündner Dialekt.

Dr FC Wabern-Podcast, immer frei vo dr Lerbere weg!

Produktion & Technik: Mike Fund

Moderation: Mänu, Colin

Location: Lerbermatt-Container (Me ghörts am Audio)

Er isch immer engagiert, aber nid zwingend talentiert. Als erste Gast für z Debüt vor Container-Rundi aber sicher die perfekti Wahl: Dr Mättu, Capitain vom Zwöi. Mir rede mit ihm über sini legendäre Kabineasprache, Zukunft vom Verein und jogge als Ü-30er. Dr FC Wabern-Podcast, immer frei vo dr Lerbere weg!

Produktion & Technik: Mike Fund

Moderation: Mänu, Colin

Location: Lerbermatt-Container (Me ghörts am Audio)

Frisch vo dr Lerbere weg - Unger dem Motto redemr mit Trainer, Spieler und Funktionäre über Fussball, dumms Züg u natürlech ires Herzbluet füre FC Wabern. Immer uf Sendig direkt us üsere Heimat: dr Container uf dr Lerbermatt. Wer geduldig isch und üs Afängerfehler verzeiht, wird mit absolut wertvouem BERE-Insights versorgt :)