In cheste part dal spetacul pantiane cu la miegecode, pantiane filosofe e pantiane cul menevîts a viazaran tal timp midiant di une machine improbabile, metude adun cuntune selezion curade di refudums domestics e industriâi. Cirint trancuilitât e formadi a rivaran a Rome, in France… fintremai su la Lune! Cun: Michele Polo, Federico Scridel e Leo Virgili

Intune discjarie, l’unic puest dulà che i trê protagoniscj a puedin calcolâsi al sigûr, o cjatarìn pantiane cul miegecode, pantiane filosofe e pantiane cul menevîts. La lôr e je une vite dificile, in fuide eterne dal tritic mortâl TRAMAI – RACLI – VELEN. Ma si scuvierzarà che intal passât nol è simpri stât cussì…

Cun: Michele Polo, Federico Scridel e Leo Virgili

In cheste pontade si scoltarà la conte Ivan e Zivi di Leonardo Zanier

In cheste pontade si scoltaran lis contis Il bon acet dai maltès dai Ats dai Apuestui e Il bon acet di Nausicae di Omêr

Contis : ‘Oh giornate del nostro riscatto!...’ – Meni Elar – Il seglot di malte.

Li che la retoriche nazionalistiche e ven metude di gnûf in ridicul;

li che il rapuart diret cun Diu, se al ves di coventâ, e je simpri la miôr robe;

li che si consee une visite al Parlament di Rome a ducj i furlans, di mût di imparâ cualchi robe che di ca vie si rive dome a intivâ.

Contis: La bolete dal forment – San Pieri e il Bujat – Jo evasôr fiscâl.

Li che la proteste cuintri de autoritât e pues infuartîsi dome se e ven bagnade par ben;

li che un disertôr di Buie al va a protestâ li di Sant Pieri;

li che cu la buinevoie no si rive a paiâ une multe.

Contis: Il moto dal ’28 – Ch’al vadi vie – Vergjilio.

Li che si difint une latarie dai imbroieçs dai parons;

li che si fâs une vaiulade sul predi che al è pront par lâ vie;

li che la vergogne di un fantacin par une falopute e somee no cjatâ padin.

Contis: La Pasche di Ustìn – L’Armistizi dal ‘16 – Dreute.

Li che si conferme che la vuere viodude di bande des tieris di confin e je une brute bestie par cui che al torne strassomeât, par cui che al piert la rêt di rapuarts cun chei dongje, par cui che al ven mandât lontan e nol torne plui.

Contis: ‘Villiacco!’ – Predis di ogni fate – Vigji Brusin.

Li che si fevele de prime vuere mondiâl cul voli di chei che a àn di copâ e jessi copâts;

li che si fâs la descrizion di cualchi plevan cu lis sôs cualitâts e cui siei difiets;

li che cualchi volte la bontât dal Signôr e lasse a bocje vierte chei che i stan sot.

Contis: Zuan Gjeremie – La gjambe di Zaneto – La sigurazion des vacjis – Scuele paterne.

Li che si piturin cuatri personaçs straordenaris di un mont che nol è plui: il plui grant cjantôr de messe di Pasche,

il manoâl plui svelt e sflacjon dal paîs,

il contadin cjaviestri che nol vûl savênt des novitâts,

il frut falât di iscrivi a scuele.